Xotin-qizlar bilan ishlashda asosiy mezon — har bir oilaning muammosini bilish va uni hal etish

Bosh vazir o‘rinbosari — Oila va xotin-qizlar qo‘mitasi raisi Dilnozaxon Kattaxanova Termiz tumanida xotin-qizlar bilan ishlash tizimidagi vazifalar ijrosi, aholi murojaatlari va mavjud muammolar yechimini o‘rgandi.

Bosh vazir o‘rinbosari xotin-qizlar faollari bilan ochiq muloqot o‘tkazib, mahallalarda aholi bilan bevosita ishlash samaradorligini oshirish masalalariga e’tibor qaratdi. Unda Termiz tumani hokimi Shuxrat Qalandarov ham ishtirok etdi.

Shundan so‘ng, aholi xonadonlarida bo‘linib, ijtimoiy himoyaga muhtoj xotin-qizlar muammolari o‘rganildi. Jumladan, Uchqizil mahallasida yashovchi boquvchisini yo‘qotgan ayolga qandolatchilik nuqtasi ochish uchun ko‘mak ko‘rsatish vazifalari belgilab olindi.

Shuningdek, Xursandoy sanatoriysida kunduzgi parvarishga jalb qilingan nogironligi bo‘lgan ayollar bilan suhbat qilindi.

Belgilangan vazifalarning ijrosini ta’minlash, xotin-qizlar bilan ishlashda qog‘ozbozlikdan ko‘ra aniq natija, manzilli yordam va har bir oilaning farovonligini ta’minlash ustuvor vazifa bo‘lishi ta’kidlandi.

👉 Термиз хабарларига аъзо бўлинг👉 https://t.me/+_7P1F3ErjjkxZmRi