#Янгиликлар
#дуал_талим

✅ Таълим муассасаси битирувчи курс талабалари “Дуал таълим” дастури доирасида тарғибот тадбирларида иштирок этмоқда

✅“Имом Термизий” ўрта махсус ислом таълим муассасаси 4-босқич талабалари “Дуал таълим 4+2” дастурига мувофиқ вилоятимизда фаолият юритаётган тажрибали имом-хатибларга бириктирилган ҳолда амалий машғулотларини давом эттирмоқдалар.

💬 Мазкур дастур доирасида талабалар Сурхондарё вилояти, Термиз шаҳрида ташкил этилган тарғибот тадбирида фаол иштирок этдилар. Тадбир давомида талабалар ўзларига бириктирилган имом-хатиблар билан ҳамкорликда аҳоли, ёшлар ва жамоатчилик вакиллари билан маънавий-маърифий суҳбатлар олиб бориб, диний-маърифий билимларни тўғри ва ишончли манбалар асосида етказишга кўмаклашдилар.

🗣 “Дуал таълим 4+2” дастури талабаларнинг назарий билимларини амалиёт билан уйғунлаштириш, келгусидаги касбий фаолиятлари учун зарур бўлган амалий кўникма ва тажрибаларни шакллантириш ҳамда малакали мутахассис сифатида тайёрланишига хизмат қилмоқда.

✍️“Имом Термизий” ЎМИТМ матбуот хизмати

✅ t.me/termiziylar_uz - Диний-маърифий канал!

✅Telegram|✅Facebook|🔅imomtermiziy.uz|✅Instagram|✅YouTube

#ЯНГИЛИКЛАР_ВАҚТИ
#Таълим_муассасалари_фаолияти #дайжест

🗣Таълим муассасаларида “Дуал таълим” амалиёти қизғин давом этмоқда

...“Кўкалдош”, “Хожа Бухорий”, “Хадичаи Кубро”, “Имом Термизий” ва “Саййид Муҳйиддин махдум” мадрасаларининг битирувчи курс талабалари “Дуал таълим (4+2)” тизими асосида амалиёт ўтамоқда. Бўлажак диний соҳа ходимлари жойлардаги тажрибали имом-хатибларга бириктирилиб, маҳаллалардаги маънавий-маърифий тадбирларда, аҳоли билан мулоқот ва тарғибот ишларида бевосита иштирок этмоқдалар...
➡️ Батафсил (Кўкалдош) | (Хожа Бухорий) | (Хадичаи Кубро) | (Имом Термизий) | (Саййид Муҳйиддин махдум)

🗣Мадрасаларда намунали очиқ дарслар ва маърифий тадбирлар ташкил этилди

...“Жўйбори Калон”, “Имом Фахриддин ар-Розий” ва “Хожа Бухорий” таълим муассасаларида фиқҳ, сийрат ҳамда ҳадис фанлари бўйича замонавий педагогик технологиялар асосида намунали очиқ дарслар бўлиб ўтди. Шунингдек, “Хожа Бухорий” билим юртида талабалар ўртасида “Маънавият ва тараққиёт” мавзусида иншолар танлови ўтказилган бўлса, “Имом Термизий” мадрасасида буюк муҳаддиснинг ҳаёти ва илмий меросига бағишланган маърифий тадбир ташкил қилинди...
➡️ Батафсил (Жўйбори Калон) | (Ар-Розий) | (Хожа Бухорий) | (Имом Термизий)

🗣Юртимиз масжид, қабристон ва таълим муассасаларида умумхалқ ҳашари

...Сурхондарё вилоятидаги жоме масжид ва қабристонларда, шунингдек, “Имом Фахриддин ар-Розий” таълим муассасасида кенг кўламли ободонлаштириш ва кўкаламзорлаштириш ишлари олиб борилди. Ҳашар давомида ҳудудлар чиқинди ҳамда хазонлардан тозаланиб, дарахтларга шакл берилди ва янги кўчатлар ўтқазилиб, атроф-муҳит озода ҳолга келтирилди...
➡️ Батафсил (Сурхондарё) | (Ар-Розий)

🗣Илмий ҳамкорлик: АРМ ходимлари тажриба алмашди ва мактаб фондига ноёб китоблар туҳфа қилинди

...“Дорул ҳадис Аввомийя” илмий-тадқиқот маркази томонидан Ҳадис илми мактабига замонамизнинг етук уламолари қаламига мансуб ноёб китоблар ҳадя қилинди. Шунингдек, Бухоро вилоятидаги “Мир Араб” олий мадрасаси, “Мир Араб” ва “Жўйбори Калон” мадрасаларининг Ахборот-ресурс марказлари масъуллари ўзаро тажриба алмашиб, кутубхоналар фаолиятини ривожлантириш ва талабалар учун зарур шарт-шароитларни кенгайтириш бўйича ҳамкорликни йўлга қўйдилар...
➡️ Батафсил (Ҳадис мактаби) | (Мир Араб)

🗣Наманганда янги қурилаётган масжиддаги қурилиш ишлари кўздан кечирилди

...Наманган вилояти бош имом-хатиби Абдуллоҳ домла Саматов Тўрақўрғон туманидаги «Абдуваҳҳоб қори» жоме масжидида бўлиб, масжиднинг таҳоратхонасида олиб борилаётган қурилиш ва таъмирлаш ишлари билан танишди. Ташриф чоғида ишларни сифатли ва белгиланган меъёрлар асосида якунига етказиш юзасидан мутасаддиларга керакли тавсия ҳамда маслаҳатлар берилди...
➡️ Батафсил

#yangiliklar #dayjest #talim #dual_talim #ochiq_dars #hashar #kutubxona

📝 Баҳриддин Хушбоқов 🖌 Баҳром Икромов

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook

#Маънавият_соати

🇺🇿 “Виждон эркинлиги ва диний ташкилотлар тўғрисида”ги янги қонун — келажагимиз гарови!

✅ Бугун “Имом Термизий” ўрта махсус ислом таълим муассасасида “Маънавият соати” доирасида “Виждон эркинлиги ва диний ташкилотлар тўғрисида”ги янги қонун — келажагимиз гарови мавзусида маънавий-маърифий дарс ташкил этилди.

✅ Мазкур дарсни таълим муассасаси ўқитувчиси Абдулбосит домла Хамидов олиб борди. Тадбирда маънавий-маърифий ишлар бўйича директор ўринбосари Имомиддин домла Бобоқулов ҳамда талабалар иштирок этдилар.

🗣Дарс давомида виждон эркинлигининг мазмун-моҳияти, фуқароларнинг диний эътиқод эркинлигини таъминлаш, диний ташкилотлар фаолиятининг ҳуқуқий асослари ҳамда жамиятда динлараро бағрикенглик ва ўзаро ҳурмат муҳитини мустаҳкамлаш масалаларига алоҳида эътибор қаратилди.

💬 Шунингдек, янги қонуннинг мазмуни, унинг мамлакатимизда диний-маърифий соҳани ривожлантириш, фуқароларнинг ҳуқуқ ва эркинликларини ҳимоя қилиш ҳамда жамиятда тинчлик ва барқарорликни таъминлашдаги аҳамияти ҳақида атрофлича тушунчалар берилди.

✍️“Имом Термизий” ЎМИТМ матбуот хизмати

Бизни кузатинг!

✅ t.me/termiziylar_uz - Диний-маърифий канал!

✅Telegram|✅Facebook|🔅imomtermiziy.uz|✅Instagram|✅YouTube