A= 111....11 (A soni 18 xonali); B=999...99 (B soni 17 xonali) A dan B ni ayirish natijasida hosil bo'lgan sonning raqamlari yig'indisini toping.

Berilgan son ustida ikkita: yo uni 2 ga ko'paytirishni yoki unga 2 ni qo'shishni bajarishga ruxsat beriladi. Eng kamida nechta amalni bajarib, 1 sonidan 100 sonini hosil qilish mumkin?

Fotima va Zuhrada mos ravishda 15 ta va 21 ta daftar bor. Fotima o'z daftarlarining qancha qismiga teng bo'lgan daftarni Zuhradan olsa, ularning daftarlari soni teng bo'ladi?

Qishloqdagi 42 ta xonadonning 35 tasida qo'y va 28 tasida sigir bor. Ham qo'y, ham sigir boqadigan xonadonlarning maksimal soni x, minimal soni esa y bo'lsa, x-y ning qiymatini toping.

Kamol, Bobur va Elbek har kuni sayr qilishadi. Agar Kamol sayrga qalpoq kiymasa, Bobur qalpoq kiyadi. Agar Bobur qalpoq kiymasa, Elbek kiyadi. Bugun Bobur qalpoq kiymagan. Kim sayrga qalpoq kiyib chiqqan?

Bolalar bog'chasida 40 ta o'g'il bola va 28 ta qiz bola bir-birlarini qo'lini ushlab katta aylana hosil qilishdi. 18 ta bola o'ng qo'li bilan qizlarni qo'lini tutib turibdi. Nechta bola chap qo'li bilan qizlarni qo'lini tutib turibdi?

Katta idishda 116 litr suv bor. Undagi suv 12 litr va 10 litr hajmli kichik idishlarga joylandi. Agar 12 litr idishdagi suv 9000 so'm, 10 litr idishdagi suv 8000 so'm bo'lsa, barcha idishlardagi suv narxining mumkin bo'lgan eng katta qiymatini toping.

Vazadagi giloslarning beshdan bir qismini Durdona, qolganining yettidan bir qismini Nilufar yedi. Vazada kamida nechta gilos qoldi?

1, 2, 3, 4 nomerli tangalardan biri qalbaki. Qalbakisining og'irligi haqiqiylaridan farqli. Jasur toshsiz pallali tarozida 2marta o'lchash bilan qalbaki tangani topishi kerak. 1-o'lchash qanday bo'lsa, 2-o'lchashda aniq qalbaki tangani topish mumkin emas?

Temir yo'l yaqinida yashovchi Jek odatda, uyidan 18minutda bekatga poyezd jo'nashiga yetib keladi. Bir kuni u bir necha minut kechikdi. Keyin tezligini odatdagidan 1,2marta oshirsada, poyezdga 2minut kechikdi. U odatdagidan necha minut ushlanib qolgan?

Paxta ekadigan 35ta fermerning 4755 g., bug'doy ekadigan 19ta fermerning 27111g. yeri bor. Bug'doy ekuvchilar paxtachilardan 800g. yerni olib qo'yishdi. Bir bug'doy ekuvchining o'rtacha yeri bir paxta ekuvchining o'rtacha yeridan necha marta ko'p bo'ldi?

AABCAB olti xonali son biror natural sonning kvadrati, AAB va CAB uch xonali sonlar ham natural sonlarning kvadrati. Agar AB va ABC sonlari ham kvadratlar bo'lsa, A+B+C ning qiymatini toping. (Turli harflar bilan turli raqamlar belgilangan).

Quyida harflar ketma-ketligi ma'lum so'zlar (harflar qatori)ning takrorlanishidan hosil bo'lgan. Tushirib qoldirilgan 4ta harfni toping.
abb_baa_a_bab_aba....

6-a va 6-b sinf o'quvchilari birgalikda ustozlariga 58 ta gul sotib olishdi. 6-a sinf har bir ustozga 5 tadan, 6-b sinf har bir ustozga 7 tadan gul sovg'a qildi. Agar bitta ustoz faqat bitta sinfga dars bersa, 6-a va 6-b sinfdagi ustozlar soni nechta?

Uzunligi 28 cm bo'lgan kesma 3 ta kesmaga bo'lingan. Chetki kesmalarning o'rtalari orasidagi masofa 16 cm ga teng. O'rtadagi kesmaning uzunligini toping.

Bir nechta o'quvchilar bog'da 1 kg, 3 kg va 2 kg.dan olma terishdi. 1 kg olma terganlar soni 3 kg terganlar sonidan 3 marta ko'p, 2 kg terganlar sonidan esa 2 marta kam edi. Agar jami 90 kg meva terilgan bo'lsa, nechta o'quvchi meva tergan?

Qishloq aholisi haqida quyidagilar ma'lum:
-ularning ayrimlari chiroyli yozadi;
-shoirlarning hech biri chiroyli yozmaydi; -barcha bokschilar she'r yozadi. Nasriddin: ''barcha qishloq aholisi yoki shoir yoki bokschi'', - dedi. Uning gapi to'g'rimi?

Bir sayyoh ikki shahar orasidagi masofani 10 soatda, ikkinchisi esa 15 soatda bosib o'tadi. Agar ular shu shaharlardan bir-biriga qarab bir vaqtda yo'lga chiqsalar, necha soatdan keyin uchrashadilar?