Idishda oltita bir xil qizil shar va uchta bir xil yashil shar bor. Ushbu sharlardan to‘rttasi tasodifiy tanlandi. Keyin ushbu to‘rtta shar bir qatorga joylashtirildi. Ushbu 4 ta shardan iborat qator nechta turli ko‘rinishga ega bo‘lishi mumkin?

Oldinga yoki orqaga o‘qilganda raqamlari bir xil bo‘lgan musbat butun son palindrom deyiladi. Masalan, 474 va 222 palindromlardir. 100 dan 1000 gacha qancha palindrom mavjud?

ABC teng yonli uchburchakning (AB=BC) tashqi burchagi BCK=126 gradusga teng. ABC burchakni toping.

To‘g‘ri to‘rtburchakning tomonlari 56 cm va 44 cm. Perimetri to‘g‘ri to‘rtburchak perimetriga teng bo‘lgan kvadrat tomonining beshdan bir qismini toping?

Arifmetik progressiyaning to‘rtinchi va o‘n birinchi hadlari mos ravishda 2 va 30 ga teng. Shu progressiyaning uchinchi va o‘ninchi hadlari yig‘indisini toping?

To‘g‘ri to‘rtburchakning eni 42 cm bo‘lib, u perimetrining 3/14 qismini tashkil qiladi. Bu to‘g‘ri to‘rtburchakning bo‘yini toping.

n raqamining qanday qiymatlarida 10 + n va 10 sonlarining eng kichik umumiy karralisi 60 bo‘ladi?

Malohat bir son o‘yladi: uni 5 ga ko‘paytirib, 4 ga bo‘ldi. Natijadan 10 ni ayirdi. Hosil bo‘lgan sonning 30% ini 3 ga bo‘lgan edi, 8 chiqdi. U o‘ylagan sonni toping?

Dono singlisi Oydindan 7 yosh katta. Uning yoshi otasining yoshidan 4 marta kichik. Oydin esa 5 yosh. Dononing otasi necha yoshda?

Mototsiklchi 60 km tezlik bilan 2 soat-u 45 minut yurdi. So‘ngra soatiga 50 km tezlik bilan 3 soat-u 36 minut yo‘l yurdi. U jami qancha km yo‘l yurdi?

Bir to‘g‘ri to‘rtburchakning tomonlari 22 cm va 48 cm. Ikkinchi to‘g‘ri to‘rtburchakning yuzi, birinchi to‘g‘ri to‘rtburchakning yuzidan 11 marta kichik. Agar ikkinchi to‘rtburchakning bo‘yi 6 cm bo‘lsa, perimetri qancha bo‘ladi?

Bir nechta do‘kon olma solingan 175 ta yashikni teng bo‘lib olishmoqchi edi. Ammo 2 ta do‘kon olmalarni olmasligini bildirdi. Natijada, qolgan har bir do‘konga mo‘ljaldagidan 10 yashik olma ortiqcha berildi. Do‘konlar necha yashikdan olma olgan?

Hasan va Husan bir-birlarining pullarini taqqoslashganda ularning nisbati 5:3 edi. So‘ng Hasan $160 ga planshet sotib oldi. Endi ularning pullari nisbati 3:5 bo‘ldi. Planshet sotib olishdan oldin Hasanda qancha pul bor edi?

Motorli qayiqning tezligi 12,8 km/h, daryo oqimining tezligi esa 1,8 km/h. Qayiq oqimga qarshi 0,5 soat va oqim bo‘ylab 2,5 soat suzdi. Qayiq bu vaqt ichida qancha yo‘l bosgan?

Sinfdagi 33 ta o‘quvchidan 13 tasi 5 baho, 12 tasi 4 baho, 8 tasi 3 baho oldi.
4 baho olgan o‘quvchilar jami o‘quvchilarning necha % ini tashkil qiladi?

Agar noma’lum sonni 0,25 ga ko‘paytirib, ko‘paytmadan 0,5 ni ayirsak, 1 hosil bo‘ladi. Noma’lum sonni toping?

Laziz kilosi 55000 so‘mlik shokoladdan 12000 so‘mlik oldi. U taxminan necha gr shokolad olgan bo'lishi mumkin?

Faqat 3 ta bo'luvchiga ega bo'lgan ikki xonali sonlar nechta?

2, 3 ,5 sonlariga qoldiqsiz bo‘linadigan eng kichik uch xonali songa, eng katta ikki xonali sonni qo‘shing.