Taqqoslash uchun

Hindistonda 29 foizlik mazmunan moslik aniqlangach, jinoyat ishi qo‘zg‘atildi, respublika darajasidagi tergov boshlandi, 13 kishi hibsga olindi, masala parlament muhokamasiga olib chiqildi, odamlar ham oʻz fikrlarini bildirishdi va vazir bunday holat takrorlanmasligiga rasman va’da berdi.

O‘zbekistonda esa imtihondan oldin tarqalgan va narxi odam boshiga 1000 $ boʻlgan materiallarda 66 foiz va 43 foiz moslik qayd etilganiga qaramay, ushbu holat yuzasidan jamoatchilik muhokamalari faqat ayrim OAVlar va ba’zi faollar doirasidagina davom etmoqda.

Qolganlar lom‐mim deyishni oʻziga ep koʻrmayapti.

👉 @TESTLIDER

Hindlar baribir bizdan kushli

Yaqinroq keling, sizga Hindistondagi “x-variant” jinoyati haqida gapiray. Negadir juda tanish tuyilyapti...

Hindistonda o‘zini “M Sir” deb ataydigan bir repetitor bor edi, minglab shogird “yetishtirgan” “ustoz”. Yillar davomida uning “x-variant” sotishi haqida mish-mish yurgan. Qizig‘i, bu mish-mishlarni “M Sir”ning o‘zi ham tarqatardi. Chunki “x-variant sotadi” degan ovoza uning uchun isnod emas, reklama edi. Har “sezon”da “x-variant”ga muhtoj, usiz natija qilolmaydigan qatlamning o‘zi kelib, o‘zi soqqasini sanab berardi.

So‘ng 2026-yil keldi. U imtihondan 1 kun oldin sotgan fayllardan biri ommaga oshkor bo‘ldi. Ichida imtihondagi haqiqiy savollarga 29 foiz “tasodifiy” moslik... “M Sir” avvaliga “savollar tushimga kirdi”, degan mazmundagi bema’ni bahonani aytdi. Lekin bu voqealar Gondurasda emas, Hindistonda bo‘layotgan edi. “M Sir” shuni hisobga olmadi.

Jinoyat ishi ochildi. “M Sir”ning telefoni va noutbuki musodara qilindi, plastik kartalari tekshirildi. Va “tasodif”ning bank o‘tkazmalari ko‘rina boshladi: aniqlanishicha, u “ichkaridagilar”dan savollarni sotib olar, so‘ng “x-variantga muhtojlar”ga 2000 dollardan sotar, shu tariqa chiqargan xarajatini bemalol “3x” qilib olardi.

“Xaridorlar” ham “sizdan Buddaning o‘zi rozi bo‘lsin, ustoz” deb duo qilib ketishardi. Boshqa birovning haqqini o‘g‘irlayotganini, aslida jinoyatga sherik bo‘layotganini xayoliga ham keltirmasdi.

Xullas, hammasi rasvo bo‘ldi, “biznes”ga nuqta qo‘yildi. “M Sir” va “ichkaridagilar” qamoqqa olindi, endi shu paytgacha qilgan qilmishlari uchun javob beradi, xalq esa ularni “vatan xoini” deb atayapti.

Endi sarlavhaga qaytaylik. Hindlar nega bizdan kushli? Chunki ularda narx 2000, bizda esa 1000.

👉 @TESTLIDER

Tez orada “Kundalik-optimal” kitoblarimga KATTA CHEGIRMA e’lon qilaman!

Bozorlarda kitoblarimni odatda 35–45 ming so‘m atrofida topishingiz mumkin. Endi esa narx eng arzon joydagidan ham arzonroq bo‘ladi. Bundan tashqari, kitoblar bilan birga sizga o‘z sovg‘amni ham yuboraman.

Bu kitoblarni sotib, boyib ketib, villa sotib ololmayman. Asosiy maqsadim – imkon qadar ko‘proq o‘quvchi to‘g‘ri tizim asosida tarixni o‘rganishi.

Hech bo‘lmasa bitta kitobni men tavsiya qilgan usul orqali, “Kundalik-optimal” asosida o‘rganib ko‘ring. Natijasini o‘zingiz sezib, bu tizimning farqini tushunasiz.

Eslatma: testlarni mavzu topshirishdan oldin ishlash kerak, keyin emas. Bu ham muhim rol o‘ynaydi.

Kuting. Tez orada “katta chegirma” e’lon qilinadi!

👉 @TESTLIDER

Balki shuncha gapdan soʻng bu yil yozgi imtihon oldidan yurisprudensiyaga topshiradiganlar Olmazor tumanidagi ko‘p qavatli uyning oxirgi qavatiga chiqib olib, “jiddiy tayyorgarlik” koʻrishga jur’at qilmas.

Ya’ni oxirgi kun kitob oʻqimang, shunchaki dam oling, deyapman‐da.

👉 @TESTLIDER

🚀 BITTA TO‘LOV EVAZIGA IKKITA GURUHGA QO‘SHILISH MUMKIN!

2-guruh hali 6-sinf darsligini o‘qiyapti, 1-guruh esa ertaga 10-sinf “Jahon tarixi”ni boshlaydi. Agar sifatli, tizimli va takrorlanmas mualliflik materiallari bilan tayyorlanmoqchi bo‘lsangiz, ayni paytda qo‘shiling!

💰 Kurs narxi: 180 000 so‘m (oyiga)
➜ 150 ming so‘m – 1-oy uchun maxsus narx
➜ 420 ming so‘m – kuzgi imtihongacha (3 oylik)

Kursga qo‘shilish uchun 9860010133910371 kartasiga to‘lovni amalga oshiring va chekni @jalolboltayev_kurs'ga yuboring. Shundan so‘ng sizni yopiq guruhga qo‘shamiz.

👉 @TESTLIDER

Xalqtalimiinfo.uz asoschisi Ulug‘bek Po‘latov uddaladi!

“Dolzarb 90 kun” tadbirlariga men bilgan o‘qituvchilarning kamida 95 % aslida o‘z ixtiyori bilan bormaydi.

Lekin ko‘pchilik gapirishga qo‘rqadi. Bu qo‘rquv va gapirmaslikni “Gapirgan bilan baribir hech narsa o‘zgarmaydi” degan gap bilan oqlashga urinishadi. Lekin, mana, o‘zgarar ekan-ku...

Birgina inson bu mavzuni ko‘tardi. To‘xtamadi. Dalillar bilan gapirdi. Muammoni kun tartibida ushlab turdi.
Oradan ko‘p o‘tmay, “Dolzarb 90 kun” tadbirlari to‘xtatildi.

Agar Ulug‘bek Po‘latov bu masalani ko‘tarmaganida, bugun ham minglab bolalar va o‘qituvchilar jazirama issiqda maktablarga qatnayotgan bo‘lishi mumkin edi.

Yana bir narsa doim menga qiziq tuyiladi. Kimdir konstruktiv tanqid qilayotganida miyasi faqat “maqtash”ga o‘rganib qolganlar darrov: “gapirmasa bo‘lardi”, “yana tanqid boshlanibdi” deydi. Qizig‘i shundaki, keyinchalik o‘sha tanqid tufayli yuz bergan ijobiy o‘zgarishlardan aynan o‘shalarning o‘zi ham foyda ko‘radi.

Bugun ham shunday bo‘ldi. Kecha tanqidni yoqtirmaganlarning farzandlari ham endi yozning eng issiq kunlarida maktabga bormaydi. O‘sha tanqidni yoqtirmagan o‘qituvchilarning o‘zi ham endi jaziramada tadbirlarga chiqmaydi.

👉 @TESTLIDER

Sen tanqidchini yomon ko‘rishing mumkin. Ammo tanqid natijasini, albatta, yaxshi ko‘rasan.

(c) Jalol BOLTAYEV

👉 @TESTLIDER

Hindistonda 29 % moslik ortidan jinoyat ishi qoʻzgʻatilgan bir paytda, bizdagi 66 % va 43 % moslikka hanuz hech kim lom-mim demayotgani, tuzuk izoh bera olmayotgani faqat menga hayratlanarli tuyilyaptimi, deb oʻylagandim. Unday emas ekan.

“X-variant” masalasida ham birlashishimiz kerak. Muammo yuzasidan qancha koʻp odam asosli ravishda oʻz munosabatini bildirsa, uni e’tiborsiz qoldirish shuncha qiyin boʻladi. Faqat birgalikdagina bu masalaning adolatli yechimiga erishish mumkin.

👉 @TESTLIDER

🔥 KATTA CHEGIRMA

5 ta kitob: ❌ 250 ming so‘m → ✅ 165 ming so‘m
4 ta kitob: ❌ 200 ming so‘m → ✅ 140 ming so‘m

🚚 YETKAZIB BERISH – MUTLAQ BEPUL!

Test to‘plamlarim kitob do‘konlarida 40–50 ming so‘m atrofida sotiladi. Ustiga yetkazib berish xarajati ham qo‘shilsa, umumiy summa 250 ming so‘mgacha chiqishi mumkin. 5X aksiyasida esa ham chegirma bor, ham yetkazib berish mutlaqo bepul! Eng asosiysi, imzoyim tushirilgan va Jalol Boltayevdan sovg‘a deb yozilgan maxsus ruchka egasi bo‘lasiz :) 🙂

📍 O‘zbekiston bo‘ylab tuman markazlarigacha yuboramiz.
📦 Yetib borish muddati – ko‘pi bilan 7 kun.

⏳ Aksiya 14–18-iyul kunlari amal qiladi. Shundan keyin kitoblar asl narxiga qaytadi. 🙂

Karta: 9860010133910371
Buyurtma uchun: @jalolbooks

👉 @TESTLIDER

🖊 Bu oddiy ruchka emas...

Bu ruchka test ishlayotganda qo‘lingizni to‘g‘ri javobga olib boradi. Ya’ni “X-ruchka” :)

Narxi 1000 dollar emas! 165 ming so‘mlik aksiya doirasida 5 talik “Kundalik-optimal” to‘plamini olgan har bir o‘quvchiga mendan sovg‘a bo‘ladi.

Murojaat uchun: @jalolbooks

👉 @TESTLIDER

“X-variant” masalasida pedagog Haydarova O‘g‘ilbeka Prezident Shavkat Miromonovich Mirziyoyevga murojaat qildi.

“Siz rahbarligingizda ta’lim tizimida adolat va shaffoflikni ta’minlash yo‘lida katta islohotlar amalga oshirildi. Minglab qorako‘z bolalarimiz aynan shu islohotlar tufayli bilim bilan natijaga erishish mumkinligiga ishondi.

Shu sababli Sizdan ushbu masalaga shaxsan e’tibor qaratishingizni iltimos qilib so‘raymiz. Bu ishga aralashgan barcha aybdorlar topilib, jinoyat jazoasiz qolmasligi kerak... Zero ta’lim tizimidagi ushbu holatlar millat kelajagiga bolta uradi”, – deyiladi murojaatda.

👉 @TESTLIDER

Vijdon oldidagi status odamlar oldidagi statusdan muhimroq

Haqiqat uchun kurashayotgan odamlarga nisbatan trolling juda ko‘p bo‘ladi. Ularning ayrimlarini siz trolling ekanini hatto sezmasligingiz ham mumkin. Men bu haqda ko‘p maqolalar o‘qiganman, shuning uchun buni sizlarga ham tushuntirmoqchiman.

Masalan, haqiqat uchun kurashayotgan odamning izohlariga kimdir kirib: “Jonga tegdi”, “Yana shu mavzumi?” degan gaplarni yozadi.

Bundan maqsad unda “Odamlarga yoqmayapman”, “Statusim tushyapti”, “Yaxshisi, bu mavzuni boshqa ko‘tarmay qo‘ya qolay” degan qo‘rquvni uyg‘otish. Shunday taassurot orqali uni bu yo‘ldan qaytarmoqchi bo‘lishadi.

Juda katta ehtimol bilan bunday trolling ortida aynan shu masaladan manfaatdor shaxslar yoki ularning topshirig‘i bilan harakat qilayotgan odamlar bo‘ladi.

LEKIN SIZLARNI XAFA QILADIGAN BITTA GAPIM BOR: ochig‘ini aytsam, men, birinchi navbatda, odamlar oldida statusim tushib ketmaydimi, deb o‘ylamayman. Men uchun, birinchi navbatda, o‘z vijdonim oldidagi statusim tushib ketmasligi kerak.

👉 @TESTLIDER

“X-variant” masalasi bilan shugʻullanish toʻgʻridan toʻgʻri Prezident administratsiyasi qoʻliga oʻtibdi

Oʻylashimcha, Prezident administratsiyasi imtihondan oldin odam boshiga 1000 $ dan berilgan materiallardagi 66 % va 43 % moslik hech qanday tasodif emasligini yaxshi anglay oladi. Oʻylashimcha.

Eslatib oʻtaman: administratsiya rahbari Saida Mirziyoyeva, ta’limni isloh qilish boʻyicha kotibiyat rahbari esa Ilhom Sirojev.

👉 @TESTLIDER