⚡️Tarix fanidan “Milliy sertifikat” imtihoni uchun ruxsatnomalar chiqa boshlabdi...

👉 @TESTLIDER

Abdulla Qodiriyning ilk nasriy asari – «Juvonboz» hikoyasi 1915‐yilda yozilib, muallifning o‘zi tomonidan nashr ettirilgan. Adabiyot darsliklarida ham shunday yozilgan. Olimpiada testini tuzgan odam esa bunga e’tiboram berib o‘tirmagan. Ya’ni xronologik ketma-ketlikni aniqlash mazmunidagi testda ham to‘g‘ri javob yo‘q edi.

Mayli, 1–2 xato bo‘lsa (uyam qo‘pol xato bo‘lmasa), tushunsa bo‘lardi. Lekin har 30 talik testning har birida o‘rtacha 10 tadan turli xil xatolarni qilishni tushunib bo‘lmaydi.

Ha, aytgancha, gap darslikda emas, darslikda “test tuzaman” desa, to‘g‘ri ma’lumotlar yetarlicha.

👉 @TESTLIDER

Ilxom Toxirovich Siradjev vazir o‘rinbosari lavozimiga tayinlandi

Ilxom Toxirovich Siradjev 2026-yil 3-oktyabrda Ta’lim va ilm-fan vazirining komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.

Ilxom Siradjev 2006–2017-yillarda Toshkent shahar xalq ta’limi bosh boshqarmasi hamda Toshkent shahar o‘quvchilar texnik ijodiyot markazida turli lavozimlarda ishlagan.

2017–2023-yillarda Xalq ta’limi vazirligida bosh iqtisodchi, moliyalashtirish, buxgalteriya hisobi va hisoboti boshqarmasi boshlig‘i, moliyaviy tahlil va rejalashtirish boshqarmasi boshlig‘i hamda Moliya-iqtisod departamenti direktori lavozimlarida faoliyat yuritgan.

2025-yilda Prezident Administratsiyasi rahbarining ta’limni isloh qilish bo‘yicha o‘rinbosari bo‘linmasiga loyiha koordinatori sifatida ishga o‘tgan.

Tayinlovga qadar Prezident Administratsiyasi rahbarining ta’limni isloh qilish bo‘yicha o‘rinbosari lavozimida faoliyat yuritib kelayotgandi.

Manba: https://t.me/xalqtaliminfo/8012

👉 @TESTLIDER

Tosh otsangiz, Jalol Boltayevning o‘quvchisi boshiga tegadi, desam sal mubolag‘a bo‘lar-u, lekin Diplomatiya menda juda sermahsul :)

👉 @TESTLIDER

Oʻqituvchilar attestatsiyasini oʻtkazuvchi tashkilot – Pedagogik mahorat va xalqaro baholash ilmiy-amaliy markazi faoliyati tugatilib, uning vakolat va funksiyalari BMBAga oʻtkaziladi.

Xayr )

👉 @TESTLIDER

Prezident Shavkat Mirziyoyev lotin yozuviga asoslangan o‘zbek alifbosini takomillashtirishga qaratilgan Qonunni imzoladi. Rasman endi alifbo o‘zgardi!

👉 @TESTLIDER

Avvalo, oktyabr oyida natijaga erishish nasib etsin. Tilakdoshman.

Biroq “noldan 1 haftada”, “noldan 1 oyda” kabi noreal va’dalar va samaradorligi shubhali qo‘llanmalar vaqtni tejamaydi, aksincha, uni yo‘qotadi. Buni qanchalik erta anglab yetsangiz, shunchalik o‘zingizga foyda.

Eng to‘g‘ri yo‘l – puxta ishlab chiqilgan mavzulashtirilgan testlar bilan tizimli ishlashdir.

👉 @TESTLIDER

8-sinf «Jahon tarixi» (2024) bo‘yicha tuzgan «Kundalik-optimal» test to‘plamimda 4200+ ta test mavjud. Son jihatdan 9-sinf «Geografiya» darsligi bo‘yicha tuzgan to‘plamimdan ham o‘tib ketdi (unda 3200+ ta edi). Aniq sonni birinchi bo‘lib topgan odamga 1 ta kitob sovg‘a qilaman.

Keyinroq yozilgan izoh: do‘stlar, 4200+ ta testda shrift juda kichrayib ketyapti, ichidan ayrim savollar, jumladan, eylver-venn, jadvalli, xaritali savollarni chiqarib tashlashga to‘g‘ri kelyapti yoki ko‘ramiz. Hech bo‘lmasa, xaritali savollar qoladi. Shunga hech kim topmadi, chunki eski sifra endi o‘zgaradi )

👉 @TESTLIDER

Qo‘llanmalar ko‘payib bormoqda, ammo sifat ortyaptimi?

Bir narsani aytib o‘tish joiz: bugungi kunda to‘liq sun’iy intellekt yordamida yaratilgan turli qo‘llanmalar juda ko‘payib ketdi. Bir qarashda ular zo‘rdek ko‘rinadi, lekin aslida o‘quvchini chalg‘itadi, samaradorligi esa shubhali. “Mualliflari” xafa bo‘lmasin, men ayrim qo‘llanmalarni ko‘rdim: samaradorligi past, aksincha, o‘quvchini yo‘ldan uradi. Yevropada o‘quvchilar SI yaratgan bunday sifatsiz materiallarni “AI slop” (“SI chiqindisi”, “SIda yaratilgan musor”) deb atay boshlagan.

Men bu holat yana bir jihatdan zarar keltirishidan xavotirdaman. Hajmi katta, dizayni chiroyli qo‘llanmalar ko‘payib borgani sari to‘g‘ri yo‘lni topish qiyinlashadi. SI yo‘q payti ham ingliz tilini o‘rganmoqchi bo‘lgan, hali metodikadan xabari yo‘q odam to‘g‘ri yo‘lga tushib olguncha reklamasi zo‘r, “100 % kafolatli” deyilgan ko‘plab kitob va qo‘llanmalarni sinab ko‘rardi. Oxir-oqibat esa baribir hamma biladigan 5–6 ta sinalgan qo‘llanmadan birini tanlashga majbur bo‘ladi. Yana bir misol: sog‘lig‘ini yo‘qotgan odam to‘g‘ri shifokorni topguncha ancha sarson bo‘ladi...

Bu ham xuddi shunga o‘xshaydi. Takliflar shu qadar ko‘payadiki, ularning aksariyati sun’iy intellektda nima qilayotganini tushunmasdan yaratilgan. Men sun’iy intellektdan umuman foydalanmaslik kerak, demayapman. Lekin “davom et” deb o‘tirish yoki “shunday qo‘llanma yarat, bunday qo‘llanma yarat” deyish bilan ish bitmaydi: bunday qo‘llanma o‘quvchining vaqtini o‘g‘irlashdan boshqa narsaga yaramasligi mumkin.

Hozir ham to‘g‘ri yo‘l o‘zgarmagan: har bir mavzu bo‘yicha puxta ishlab chiqilgan, mavzulashtirilgan test bilan ishlash kerak. Qo‘llanmalar qo‘shimcha. Undayam “AI slop”lar emas.

👉 @TESTLIDER