Kursga BEPUL qo‘shilish imkoni

Imtihonga oz qolganida kursga qabul ochmasligimni ko‘pchiligingiz bilasiz. Buning ikki sababi bor. Birinchidan, “oxirgi kunlar” o‘qitib, keyin “kursimning natijasi, o‘quvchim” deyishni to‘g‘ri deb bilmayman. Ikkinchidan, kim boshlang‘ich nuqtada turgan bo‘lsa, 10 kunda unga jiddiy yordam berib bo‘lmaydi. Bu menga emas, vaqtga bog‘liq. Shunday paytda balandparvoz gaplarni aytib, pul olib, natija va’da qilishni o‘zimga ep ko‘rmayman.

Lekin imtihonga oz muddat qolganda kursga qo‘shilishni istaganlar bo‘ladi.

Shuni ham bilamanki, tarixdan bazasi bor, faqat takrorlab olishi kerak bo‘lgan odamga guruhdagi «HISTOMAP» qo‘llanmalari ancha yordam beradi. Shuning uchun bir qarorga keldim.

28-oktyabrdan boshlab kursga qo‘shilmoqchi bo‘lganlar bepul qo‘shilaveradi. Guruhda «HISTOMAP» qo‘llanmalari bor. Ularni o‘qib, takrorlab olsangiz, imtihonda ancha foydasi tegishiga ishonaman.

Faqat bir narsani ochiq aytib qo‘yay: muddat qisqa bo‘lgani uchun bu qo‘llanmalar bazasi borlar uchun yaxshi ish beradi. Tarixni endi boshlayotgan bo‘lsangiz, qo‘llanmani Gerodotning o‘zi tuzgan bo‘lsa ham, 10 kunda ko‘p narsani o‘zgartirib bo‘lmaydi. Buni bilib turib qo‘shilgan ma’qul.

Yana bir gap. Bunday qo‘shilganlar natija qilsa, bu ularning o‘z (va shu paytgacha o‘qitgan ustozlarining) mehnati bo‘ladi, «Jalol Boltayevning kursida o‘qigan» degan gap bo‘lmaydi. Natija o‘zingizniki.

(c) Jalol BOLTAYEV

@TESTLIDER