Baholash markazida endi boshqa bahona qolmadi

Adolatni tiklash va talabgorlarning haqqoniy ballarini qo‘shib berish SHART!

Men 3-martgacha Toshkentdaman. 3-mart kuni yakuniy javob e’lon qilinadi. Keyingi qadamim o‘sha javobga qarab qabul qilinadi. Bu masalada ortga chekinish bo‘lmaydi.

Ayni damda esa da’vogar o‘qituvchilardan biri aytganidek, muhtaram Prezidentimiz Shavkat Miromonovich rahbarligida olib borilayotgan islohotlarning samarasiga ishonaman. Adolat qaror topishiga ishonaman.

Bizning ortimizda olimlar turibdi, haqiqiy ilm turibdi. Biz dalil va mantiqqa tayangan holda harakat qildik.

Sizda hech qanday imkon qolmadi. Oxirgi cho‘pni ham qo‘ldan boy berdingiz.
1-qism, 2-qism

👉 @TESTLIDER

#Dolzarb_mavzu

✅ Xabaringiz bor, 2025-yilning aprel-may oylarida o‘tkazilgan attestatsiya sinovlarida tarix fanidan keltirilgan bir savol javobi bo‘yicha pedagoglar o‘rtasida e’tiroz paydo bo‘lgan edi.

➖ Pedagogik mahorat va xalqaro baholash ilmiy-amaliy markazida mazkur masala yuzasidan tarixchi olimlar ishtirokida muhokama va suhbatlar tashkil etildi.

🔰 Ekspertlar Maktabgacha va maktab ta’limi vazirligiga ham taklif etilib, ularning fikr-mulohazalariga quloq tutildi.

Natijada, bahs-munozalarga sabab bo’lgan savol mazmunida ilmiy talqinlar o‘rtasida tafovut mavjudligi, savol tuzilishida aniqlashtirish zarurati borligi sababli pedagog kadrlarning manfaatlarini inobatga olgan holda, testda ushbu savol tushgan pedagoglarning attestatsiya natijalariga tegishli o‘zgartirish kiritish maqsadga muvofiq, deb topildi.

🔰 Bunda ushbu test savol uchun bir nechta javob variantlarni (A) Langobardlar, B) Vestgotlar) to‘g‘ri deb qabul qilinishi hamda o‘quv adabiyotlari mazmunini aniqlashtirish bo‘yicha ilmiy-metodik ishlar tashkil etilishini ma’lum qilamiz.

Telegram | Facebook | Instagram | Website

1 yil ketdi...

Madorim yetguncha boraman degandim. Bundanam uzoqroqqa borishga aqlim ham, duxim ham yetardi.

Aslida bitta savol xato emas, Baholash markazi baholashga bo‘lgan butun yondashuvini o‘zgartirishi kerak. Men prezidentga murojaatda aynan shuni nazarda tutganman. Mayli, bu haqda keyinroq.

Otdan tushsayam egardan tushmaslik deyiladi bu 😁

Vazirlikni sudga bergan to‘rt nafar tarix fani o‘qituvchisi va tarixchi-pedagog Jalol Boltayev vazirlik yuziga oyna tuta oldi. Buni e'tirof etmasdan iloji yo'q.

Bu orada pedagoglarga qattiq bosimlar bo'ldi, ularga qo‘ng‘iroqlar qilindi. Ayrimlari hududiy maktabgacha va maktab ta’limi boshqarmasiga chaqirtirildi, ayrim o‘qituvchilarga hatto oila a’zolari orqali bosim o‘tkazilib, da’vo arizani qaytarib olish so‘raldi.

Umuman olganda, mana shunday mazmundagi sud ishlarini yoritib borganim uchun menga ham bir necha bor qo'ng'iroqlar bo'ldi. Faoliyatimni to'xtatish bo'yicha "tavsiyalar" ham berildi.

Eng muhimi, pedagoglar to'xtamadi. Ular oxirigacha borishdi va vazirlik noto'g'ri ish qilganini isbotlab berishdi.

Balki, bunga ayrim mansabdor shaxslarning iqtidordan ketgani ham sharoit yaratib bergandir. Lekin nima bo'lganda ham pedagoglar jasoratiga qoyil qolish kerak.

O'qituvchi degani mana shunday qo'rqmas bo'lishi kerak!

@u_pulatoff

Aslida, Oʻzbekistonning oʻzida oliy taʼlim uchun, boʻlajak tarixchilar uchun tasdiqlangan darslik va qoʻllanmalar, shuningdek, xorijiy olimlarning javoblari hech qanday "ilmiy talqinlar oʻrtasida tafovut" yoʻqligini, bahsli test topshirigʻi uchun asos qilib olingan narsa - har qanday tarixchi biladigan fakt ekanligini tasdiqlab turibdi. Shunchaki maktab darsligida texnik xatolik boʻlishi mumkinligini, Baholash markazi mutaxassislari Oʻzbekistondagi yuz minglab pedagoglarga rasmiy baho berish maqsadida ishlatiladigan test topshiriqlarini shakllantirishga koʻr-koʻrona yondashmasligi kerakligini anchadan beri aytib kelamiz.

Nahotki Baholash markazi mutaxassislari test topshiriqlari mazmunini shakllantirish, toʻgʻri javoblarni bazaga kiritishda oddiy faktlarni tekshirmagan?

Nahotki Baholash markazi mutaxassislari attestatsiyadan keyin shuncha oʻqituvchi murojaat qilganda manbalarni tekshirish, hech boʻlmaganda internetda oddiy soʻrov berib, oʻzi toʻgʻri javob deb belgilagan javob toʻgʻrimi yoki yoʻqligini tekshirish xayoliga kelmagan?

Nega Baholash markazi mutaxassislari sudga murojaat qilgan oʻqituvchilar javobi toʻgʻriligini asoslovchi hech qanday dalil mavjud emas, deb bayonot bergan?

Minglab (balki undan koʻproq) oʻqituvchilarga yetkazilgan moddiy va maʼnaviy zararni (oylik ish haqidagi farq, advokat va sud xarajatlari, vaqt, asab va hokazo) kim qoplaydi?

Tarix oʻqituvchilari-ku, oxirigacha bora olishdi. Har xil sabablar bilan yarim yoʻlda chekinishga majbur boʻlgan boshqa fanlar oʻqituvchilari - vazirlikni sudga bergan ona tili va adabiyot oʻqituvchilari, prezidentga murojaatlar qilgan boshqa fanlar oʻqituvchilari ham haq boʻlsa-chi?

Baholash markazi hali hech qanday murakkab bir fikrlashni talab qilmaydigan, oddiy faktga asoslangan test topshirigʻini toʻgʻri baholay olmagan boʻlsa, qanday qilib respublika boʻylab yuz minglab pedagoglarning bilimi va pedagogik mahoratini toʻgʻri baholay olyapti, deb ishonch bilan ayta olamiz?