🏆 Kuzgi imtihonga REKORDCHI kerak! Talabgorlar bormi?

Kim kuzgi imtihonda o‘quvchilarim kabi 87+, 90+ kabi rekord natijalarni qayd etishni va noutbukni shaxsan o‘z qo‘limdan olishni xohlaydi?

Bugun soat 20:00 da aynan shular haqida gaplashamiz. Kurs qanday tashkil etilishi, qanday o‘qish kerakligi, yuqori natijaga erishish yo‘llari va noutbukni qanday yutish mumkinligi haqida batafsil tushuntiraman.

Savollaringiz bo‘lsa, chatning o‘zida bemalol berishingiz mumkin bo‘ladi.

Yana bir yangilik!
Keyingi imtihonda faqat 1-o‘ringagina emas, balki TOP–10 talikka kirgan o‘quvchilarni ham kichik bo‘lsa-da, esdalik sovg‘alari bilan taqdirlashni rejalashtirdim. Chunki har safar noutbuk berishga loyiq, juda mas’uliyatli va mehnatkash o‘quvchilar bo‘ladi. Biroq noutbukni faqat bitta o‘quvchi oladi.

Shuning uchun hech bo‘lmaganda TOP–10 ga kirgan o‘quvchilarning mehnati ham e’tiborsiz qolmasin, ularda ham kursdan bir esdalik qolsin, degan niyat qildim. 😊

👉 @TESTLIDER

Yana bitta muhim narsani oldindan aytib qo‘ymoqchiman

Bugungi taqdimotning asosiy maqsadi marketing emas. Asosiy maqsad – o‘quvchilarimga (bo‘lajak) kurs davomida qanday ishlashimizni, qaysi materiallardan qanday foydalanishni va yuqori natija qilish uchun nimalarga e’tibor berishingiz kerakligini tushuntirish. Shuning uchun ayrim joylari sizga biroz zerikarli tuyilishi ham mumkin. Chunki bugun ko‘proq tizim haqida gaplashamiz.

Hozirgi paytda odamlarga ko‘pincha suhandoncha ohangda, qisqa bo‘lgan va quloqqa yoqimli eshitiladigan gaplar yoqadi. Lekin tajriba shuni ko‘rsatadiki, har doim ham bunday gaplar gap eng to‘g‘ri gap bo‘lavermaydi.

Masalan, kimdir bemalol: «Bir oyda noldan sertifikat olasiz», deb aytishi mumkin. Bunday gapni aytish oson. Lekin amalda natija juda ko‘p omillarga bog‘liq... Bu gaplar esa zerikarli tuyilishi mumkin...

👉 @TESTLIDER

INNOVATSIYA💡

👉 @TESTLIDER

Guruhga metodik qo‘llanma asosida tayyorlangan maxsus qo‘llanma TO‘LIQ formatda joylanadi.

Bu qo‘llanma metodik qo‘llanmaning aynan nusxasi emas. Uni tayyorlash jarayonida darslik va metodik qo‘llanma o‘zaro solishtirib chiqilgan. Shu sababli darslikning o‘zida mavjud bo‘lgan ma’lumotlar takroran kiritilmagan. Natijada qo‘llanma ixchamroq va o‘rganish uchun qulayroq bo‘lib qolgan.

Bundan tashqari, metodik qo‘llanmadagi faktik xatolar ushbu qo‘llanmada to‘g‘rilangan.

Shu sababli ushbu qo‘llanma metodik qo‘llanmaning shunchaki qisqartirilgan varianti emas, qayta ishlangan, tartiblangan va faktik jihatdan tekshirilgan ko‘rinishi hisoblanadi.

👉 @TESTLIDER

“Kundalik-optimal”ni kutayotgan 500+ odamga murojaat!

So‘rovnoma natijasi meni xursand qildi. Demak, 8–9-sinflarning «Kundalik-optimal» test to‘plamlarini kutayotganlar ko‘p ekan. Bunday kitoblarni tayyorlash juda katta mehnat talab qiladi. Har bir testni bir necha marta tekshirib chiqaman, testologik jihatdan mukammal bo‘lishiga harakat qilaman. Chunki «Kundalik-optimal» o‘quvchiga eng ko‘p foyda beradigan vosita.

Tarixni o‘zlashtirishda u audiodarsdan ham, quiz testlardan ham, videodarslardan ham samarali, samaradorlik bo‘yicha muqobili mavjud emas (hatto solishtirishning o‘zi ham mantiqsizlik, buni bilgan biladi). Shu sababli ko‘proq vaqtimni aynan shu kitoblarni tayyorlashga ajrataman (aslida har kunimning asosiy vaqti shu to‘plamlarim ustida ishlashga ketadi).

Endi sizdan ham bir kutuvim bor:
Bilasiz, onlayn kurslarim ham bor. Ularni yuritish, yangi guruhlarni shakllantirish va kurs haqida ma’lumot berishga ham vaqt ketadi. Agar kurslarim haqida tarixga qiziqadigan tanishlaringizga aytsangiz yoki tavsiya qilsangiz, bu men uchun katta qo‘llov bo‘ladi.

Shunda men asosiy e’tiborimni yangi «Kundalik-optimal» test to‘plamlari va boshqa materiallarni tayyorlashga qarataman.

Oxir-oqibat bundan eng katta foydani yana o‘zingiz ko‘rasiz. 🙂

Xullas, marketing masalasida siz yordam bering, kitoblarni tezroq chiqarish masalasini esa menga qo‘ying. Kelishdikmi? 🙂

👉 @TESTLIDER

🚀 BUGUN «IKKINCHI GURUH»DA DARSLARGA START BERILADI!

Agar sifatli, tizimli va takrorlanmas mualliflik materiallari bilan tayyorlanmoqchi bo‘lsangiz, ayni paytda qo‘shiling!

💰 Kurs narxi: 180 000 so‘m (oyiga)
➜ 150 ming so‘m – 1-oy uchun maxsus narx
➜ 420 ming so‘m – kuzgi imtihongacha (3 oylik)

Kursga qo‘shilish uchun 9860010133910371 kartasiga to‘lovni amalga oshiring va chekni @jalolboltayev_kurs'ga yuboring. Shundan so‘ng sizni yopiq guruhga qo‘shamiz.

👉 @TESTLIDER

«Kundalik-optimal»dan...

Bugun uyga vazifa sifatida berilgan testdagi 233-savolning javobini topa oldingizmi?

👉 @TESTLIDER

G‘ALIZ SAVOLLAR

Tarixni, xususan, 6-sinf darsligini endi o‘rganishni boshlagan o‘quvchilar orasida g‘aliz savollar ko‘p uchrab turadi. Shunday g‘aliz savollarga ba’zi misollar keltiraman:

1. So‘nggi paleolit davrining eng muhim ixtirosi nima?
2. Neolit davrining eng KATTA ixtirosi nima-yu, eng MUHIM ixtirosi nima?

Birinchi savolning muammosi shundaki, “eng muhim ixtiro” degan iboraning o‘zi ilmiy jihatdan aniq mezonga ega emas. Darslikda “muhim ixtiro” deb yozilgani uning ahamiyatini ko‘rsatadi, xolos. Bu “barcha ixtirolardan ustun” degan qat’iy ilmiy hukmni anglatmaydi.

Fanda konsensus degan tushuncha bor. Konsensus – olimlarning ko‘pchiligi tomonidan qabul qilingan, bahsli bo‘lmagan umumiy fikr degani. So‘nggi paleolitda “eng muhim ixtiro aynan turarjoylar” degan umumiy kelishuv yo‘q. Kimdir san’atni, yana kimdir turarjoylarni, kimdir toshga ishlov berishning yangi usullarini muhim deb hisoblaydi. Shu bois “so‘nggi paleolitning eng muhim ixtirosi qaysi?” tarzidagi yopiq test topshirig‘i testologik jihatdan o‘ta muammoli hisoblanadi. U bitta, muhokamasiz javobga ega emas (ochiq savol sifatida qo‘llansa, bu boshqa masala).

Ikkinchi savolda esa vaziyat boshqacha. Neolit davriga kelganda “eng katta” desa ham, “eng muhim” desa ham, to‘g‘ri javob “dehqonchilik va chorvachilik” bo‘ladi.

Chunki fanda Gordon Chayld kiritgan “neolit inqilobi” degan atama bor. Bu atama aynan ovchilik va termachilikdan ishlab chiqaruvchi xo‘jalikka, ya’ni dehqonchilik va chorvachilikka o‘tishni anglatadi (bu atama 8-sinf “Jahon tarixi” (2024) darsligida ham yozilgan).

Bu o‘zgarish oddiy yangilik emas, balki butun insoniyat hayotini o‘zgartirib yuborgan inqilob darajasidagi burilish sifatida baholanadi. Ko‘pchilik olimlar ham shu fikrni qo‘llab-quvvatlaydi. Buni konsensus desa bo‘ladi.

Shuning uchun neolit davrida “eng katta ixtiro” bilan “eng muhim ixtiro”ni ajratib, ularni turli-tuman javoblarga bog‘lash ilmiy jihatdan to‘g‘ri emas. Bu yerda “eng katta ixtiro”, “eng muhim ixtiro” bir ma’noni anglatadi va “dehqonchilik va chorvachilik”ka olib boradi.

(c) Jalol BOLTAYEV – repetitor, testolog

P. S. Yana bir narsa: zamonaviy tadqiqotlar “neolit inqilobi” atamasining o‘zini ham muhokama qilmoqda...

👉 @TESTLIDER

Bugun 2-guruhda 2-dars. Ishtirokchilar uyga vazifa sifatida berilgan “Kundalik-optimal”dagi 153 ta testni, “Forms test”dagi 40 ta testni, “Quiz”dagi 30 ta testni yechishadi. Kecha “Kundaliik-optimal”dagi 233 ta testni yechishgandi.

Bir qarashda juda murakkab jarayondek tuyiladi. Lekin bir kirishib ketsangiz, mavzularning xotirada mixdek o‘rnashayotganini, bilimingiz oldingidan bir necha barobar yuqoriroq rivojlanayotganini his qilib, bu metodikani yoqtirib qolasiz.

👉 @TESTLIDER