Mashoyiqlar muammolarni hal qilishning ikki yo‘li borligini aytishgan: biri – sola-sol, ikkinchisi – argument va muloqot orqali masalani hal qilish

Hayotim davomida har ikkala usul ham ko‘p qo‘llangan. Ayrim hollarda ayrim shaxslar bilan ikkinchi usul samara bermasa, birinchi usulni qo‘llashga majbur bo‘linadigan vaziyatlar ham uchraydi.

Hozirgi vaziyatda vodiylik (namanganlik) tarixchi, hurmatli repetitorlardan biri Nodir aka o‘rtaga tushib, narigi taraf bilan gaplashganini, bu masalani esa Husanboy, sardor va men argument va muloqot (ikkinchi usul) orqali hal qilishimiz kerakligini aytyapti, qisqasi, o‘rtaga tushib, vaziyatni yumshatishga harakat qilyapti.

Mayli, ko‘ramiz. Bizga farqi yo‘q. Bizning asosiy talabimiz shaxslar (shaxsiyatlar)ga tegmaslik, manipulyatsiya qilmaslik, har xil bema’ni fikrlar orqali narigi tomonni asossiz ravishda yomon ko‘rsatmaslik. Fikrlar esa muhokama qilinaversin. Shunday bo‘lsa, bizning hech kim bilan ishimiz yo‘q.

👉 @TESTLIDER

Toshkentning iflos havosi tozalandi

👉 @TESTLIDER

RASMIY MUNOSABAT

So‘nggi kunlarda ijtimoiy tarmoqda 2026-yil aprel oyida o‘tkazilgan tarix fanidan milliy sertifikat imtihonlari yuzasidan avval tarqalgan ma’lumotlar yana muhokama qilinmoqda. Shu munosabat bilan Bilim va malakalarni baholash agentligi ma’lum qiladiki, o‘sha vaqtda imtihon savollari oldindan tarqalgani haqidagi da’volar o‘z tasdig‘ini topmagan.
Tahlil doirasida ijtimoiy tarmoqlarda tarqatilgan savollar aprel oyidagi milliy sertifikat imtihonlarining barcha smenalarida qo'llanilgan test topshiriqlari bilan birma-bir solishtirildi. Aynan bir xil savol aniqlanmadi. Ayrim savollarning bir mavzuga tegishli bo'lishi tabiiy, chunki barcha topshiriqlar yagona o'quv dasturi doirasida tuziladi.
2026-yil 14-may kuni Agentlik vakillari va mavzuni yoritgan ommaviy axborot vositalari ishtirokida uchrashuv bo‘lib o‘tib, unda tahlil natijalari taqdim etildi. “Xalq ta’limi Info” tahririyatiga ham imtihon jarayonlari va test natijalari bo‘yicha tahliliy ma’lumotlar berildi — shu asosda 20 may kuni qo‘shimcha tahliliy maqola e’lon qilindi: https://xalqtaliminfo.uz/post/1604

Test topshiriqlarining maxfiyligini ta’minlash Agentlik faoliyatining ustuvor vazifalaridan biridir. Test bazasi joylashgan serverlar internet tarmog‘idan to‘liq ajratilgan yopiq infratuzilmada saqlanadi va ularga tashqi tarmoqlar orqali ulanish imkoniyati mavjud emas. Materiallardan foydalanish huquqi faqat maxsus vakolatga ega, cheklangan doiradagi xodimlarga beriladi. Topshiriqlarni yaratish, ekspertizadan o‘tkazish, tasdiqlash, saqlash va qo‘llashning barcha bosqichlarida ko‘p bosqichli xavfsizlik va nazorat mexanizmlari amal qiladi.
Shuningdek, har bir test sinovidan so‘ng ilmiy tahlillar muntazam o‘tkazib boriladi: topshiriqlarning murakkablik darajasi, ishtirokchilar natijalari xalqaro ilmiy yondashuvlar asosida baholanadi. Natijalar ochiqlik tamoyili asosida Agentlikning rasmiy veb-saytida muntazam e’lon qilib boriladi: https://uzbmb.uz/page/tahlil

Jamoatchilik, ommaviy axborot vositalari va ijtimoiy tarmoq foydalanuvchilaridan tekshirilmagan ma’lumotlarni tarqatmaslik, rasmiy manbalarga tayanish hamda jamoatchilikni chalg‘ituvchi xabarlardan tiyilishni so‘raymiz. Ayrim davlatlar tajribasi shuni ko‘rsatadiki, imtihonlar atrofida tasdiqlanmagan gap-so‘zlarning tarqalishi ko‘pincha eng avvalo yoshlarning o‘ziga — ularning ruhiyatiga, mehnatiga bo‘lgan ishonchiga ta’sir qiladi. Shu bois har bir xabarni tarqatishdan oldin uning haqqoniyligiga ishonch hosil qilish barchamizning yoshlar oldidagi umumiy mas’uliyatimizdir.

✅ Agentlikning rasmiy sahifalari:
Telegram | Facebook | Instagram | YouTube

Lekin baribir bu kun juda zoʻr oʻtdi! Oʻtgan gal Toshkentga kelib, maza qilolmay qolgandim. Bu gal maza qilyapman, Toshkentning havosi menga juda yoqadi!

👉 @TESTLIDER

UrDU tarix, 185,70 ball, 1‐grant, nasib 🔥

Tarix repetitori: Jalol BOLTAYEV
Geografiya repetitori: Jalol BOLTAYEV )

👉 @TESTLIDER

Bugun harbiy litseylarga imtihon kuni

Hindistonda tibbiyot universiteti imtihonlarida “x‐variant” chiqqani tasdiqlandi. Balki, Hindistonda boshqa sohalarda, masalan, harbiy litseylarning imtihonlarida ham “x‐variant” chiqar...

Bugun 24‐iyul, Oʻzbekistonda harbiy litseylarga kirish imtihonlari...

Oʻylab qolaman, Hindistonda harbiy litseylarga “x‐variant” orqali kirgan odam (ya’ni qaysidir ma’noda jinoyat qilgan odam) ertaga jinoyatchilarni qanday tutarkan? Bu davlatning umumiy rivojlanishiga ta’sir qilmasmikan?

👉 @TESTLIDER

BMBA “x-variant”ni “qonuniylashtirmoqchimi?”

BMBA azaldan berib kelinayotgan asosiy savollarga yoki ochiq murojaat tarzida yo‘llagan 10 ta savolimning aqalli bittasiga ham javob bermadi. Mayli, yaqinda rasmiy tartibda yuboraman. Lekin agentlikning so‘nggi bayonoti 11-savolni tug‘dirdi: BMBA “x-variant”ni “qonuniylashtirmoqchimi”?

Bayonotda shunday deyiladi: “Aynan bir xil savol aniqlanmadi”. E’tibor bering. BMBAning o‘zi avvalroq audiochatdagi 50 ta savoldan 33 tasi mazmunan o‘xshash bo‘lganini tan olgan edi (72 ta savoldan 31 tasi tushgan ikkinchi fayl yuzasidan esa alohida izoh berilmadi).

Demak, BMBAning hozirgi mantig‘iga ko‘ra, “x-variant” bo‘lishi uchun savol aynan bir xil bo‘lishi kerak ekan. Masalan: “Langobardlar nechanchi yilda Italiyani egalladi?” va “Langobardlar qaysi yilda Italiyani ishg‘ol qildi?” – mazmunan bir xil, lekin matn jihatidan “aynan bir xil” emas. Demak, bu “x-variant” emas!

Tasavvur qilaylik, potensial jinoyatchining qo‘lida 50 ta savoldan iborat fayl bor. U savollarni ChatGPTga tashlaydi va “mazmunni saqlab qolgan holda ayrim jumlalarni o‘zgartir”, deb komanda beradi. Masala 5 soniya hal. Endi u aslida “ichkari”dan qandaydir yo‘llar bilan olib chiqqan imtihon savollari “x-variant” bo‘lmay qoladi. U har safar shu usulni qo‘llaydi va har doim # dan chiqib keta oladi. Chunki... “aynan bir xil emas”-da, “egalladi” o‘rniga “ishg‘ol qildi” deb yozilgan-da. Tergovchiga ham shu gapni aytadi, “bular aynan bir xil savollar emas-ku, BMBA ham aynan bir xil savol bo‘lmasa, “x-variant” bo‘lmaydi, degan mazmunda bayonot bergan-ku” deydi.

Zo‘r-a )

👉 @tarixchi_qarashlari