🔥 Yangi 3-guruhga qabul tez kunlarda boshlanadi!

Yana bir yangiligim bor: 3-guruhga qo‘shilganlarga 3 ta “Kundalik-optimal” va “X-ruchka” BEPUL SOVG‘A QILINADI! Bu haqda hali batafsil yozaman. Hozircha hammasini oshkor qilmay turay. 🙂

Repetitor topa olmay, ikkilanib turganlar, shoshmang. Oldinda jiddiy rejalar bor. 3-guruh har qachongidan zo‘rroq guruh bo‘ladi.

👉 @TESTLIDER

500 dollar pora uchun 4 yil qamoq, 100 000 dollar uchun esa jimlikmi?

“X-variant” bo‘yicha BMBA javob berishi kerak bo‘lgan 10 ta muhim savolni ochiq murojaat shaklida e’lon qilgan edim. BMBAning oxirgi munosabatini o‘qib chiqsangiz, jamoatchilik tomonidan avvaldan berib kelinayotgan o‘sha savollarning aqalli bittasiga ham javob berilmaganini ko‘rasiz. Endi bu savollarni rasmiy tartibda yubordim. Nafaqat BMBAning o‘ziga, masalani o‘rganayotgan Prezident Administratsiyasiga ham ushbu savollarni taqdim qildim (ishni o‘rganishda asqatishi mumkin).

Murojaatda har bir savolga raqamlangan tartibda, konkret va savolni chetlab o‘tmagan holda javob berilishini alohida so‘raganman va javob matbuotda e’lon qilinishi ta’kidlaganman. Har qanday aqli raso odam uchun berilgan savolni izohlamasdan chetlab o‘tish bilan konkret javob berish o‘rtasidagi farq tushunarli. Ko‘ramiz... Qonunchilikka ko‘ra, murojaatlar 15 kun ichida, qo‘shimcha o‘rganish talab qilinsa, 30 kun ichida ko‘rib chiqiladi.

Meni aslida eng ko‘p qiziqtirayotgan savol: “X-variant”ning ortida kimlar turibdi? Kimlar millat kelajagini pulga sotyapti? Nega ayrim narsalar shunchalik ravshan ko‘rinib turgan bir paytda ham amaliy chora ko‘rilmayapti?

Yaqinda 500 dollar pora olgan direktor 4 yilga qamaldi. Xo‘sh, 500 dollar pora uchun jinoiy javobgarlik bo‘lsa, bu yerda 100000 dollar atrofidagi ehtimoliy noqonuniy pul aylanmasi haqidagi ma’lumotlar nega jiddiy tekshirilmasligi kerak? Mening bilishimcha, hatto dalillarni taqdim etganlar ham rasmiy tartibda hech qayerga haligacha chaqirilmagan, “halol jamoa” taklifini bildirgan shaxs hali ham tizimda ishlab yuribdi.

👉 @tarixchi_qarashlari

“Uchinchi guruh”da o‘quvchini o‘z holiga tashlab qo‘yish muammosini kamaytirish ustida ishlayapman

Ya’ni maqsadim – “o‘quvchi guruhga qo‘shildi – darsni eshitdi (yo eshitmadi)” degan yondashuvdan butunlay voz kechish.

“Uchinchi guruh”ga qabul tez orada ochiladi.

👉 @TESTLIDER

7-sinf “Jahon tarixi” (2022) darsligi bo‘yicha MAXSUS METODIK QO‘LLANMA – to‘liq

Bu qo‘llanma metodik qo‘llanmaning aynan nusxasi emas. Uni tayyorlash jarayonida darslik va metodik qo‘llanma o‘zaro solishtirib chiqilgan. Shu sababli darslikning o‘zida mavjud bo‘lgan ma’lumotlar takroran kiritilmagan. Natijada qo‘llanma ixchamroq va o‘rganish uchun qulayroq bo‘lib qolgan.

Bundan tashqari, metodik qo‘llanmadagi faktik xatolar ushbu qo‘llanmada to‘g‘rilangan.

Bu qo‘llanmani o‘qish “metodik qo‘llanma”ning aynan o‘zini o‘qishdan afzalroq.

👉 @TESTLIDER

Sizningcha, shu paytgacha qaysi maktab darsligi bo‘yicha «Kundalik-optimal» test to‘plamim uchun ENG KO‘P testni tuzganman?

Kim to‘g‘ri topsa, 5 ta kitob sovg‘a! 🎁

Shart: har bir ishtirokchi maksimal 2 marta javob berishi mumkin. Javobda kitobning aniq nomi va nashr etilgan yili ko‘rsatilishi shart (masalan, 8-sinf “O‘zbekiston tarixi”, 2019). G‘olib – to‘g‘ri javobni izohlarda birinchi bo‘lib yozgan ishtirokchi. Bir nechta kitob nomini ketma-ket yozgan javoblar inobatga olinmaydi.

👉 @TESTLIDER

Charli va shokolad fabrikasi – yangi g‘oya 🎫

“Charli va shokolad fabrikasi” filmida bo‘lardi-ku – shokoladlarning ichiga oltin chipta yashirib qo‘yishadi. Kimning shokoladidan chiqsa, o‘sha odam Villi Vonka fabrikasiga borish imkoniyatini qo‘lga kiritadi.

Shuni “Kundalik-optimal”ga ham qilsam-chi, deb o‘ylab qoldim. Masalan, ma’lum miqdordagi kitoblar orasiga bitta maxsus chipta yashirib qo‘yaman. Kimning kitobidan chiqsa, o‘sha odamga alohida maxsus sovg‘a beriladi. 🎁

Hali bu shunchaki xayolimga kelgan g‘oya. Xomroq. Qilaymi shuni? Agar qilsam, chipta egasiga nima berish mumkin? Sovrin uchun qanday takliflaringiz bor?

👉 @TESTLIDER

Diqqat! 2-guruhda BUGUN 7‐sinf “Jahon tarixi” darsligini oʻrganish boshlanadi. 1‐darsdan qoʻshilib ketish siz uchun qulay boʻladi.

Yopiq guruhga kirish uchun @jalolboltayev_kurs'ga yozing.

👉 @TESTLIDER

🎉 G‘olib aniqlandi – G‘olibbek Achilov!

Men nafaqat tarix, balki geografiya va huquq fanlaridan ham «Kundalik-optimal» test to‘plamlarini tuzaman.

Hozirgacha eng ko‘p testni 9-sinf «Geografiya» (2019) darsligi bo‘yicha tuzganman. Ushbu «Kundalik-optimal» test to‘plamida 3200 ta test mavjud. Bu haqda avvalroq kanalda ham yozgan edim.

🎁 G‘olibbek Achilovga va’da qilingan 5 ta kitob sovg‘a sifatida yuboriladi.

Kanalni kuzatib boring. Ba’zan shunday hotamtoyligim tutib qoladi.

👉 @TESTLIDER

Tasavvur qiling, A degan davlatda harbiy litseylarga kirish imtihonidan oldin bolalar 1000 AQSH dollari evaziga “yopiq zdaniya”ga olib kirildi. Imtihonda 20 ta savol tushadi. O‘sha yopiq zdaniyada berilgan 20 ta savoldan 14 tasi imtihonda mazmunan bir xil chiqadi.

Lekin hech qanday xavotirga o‘rin yo‘q. Chunki savollar jumlama‐jumla “aynan bir xil emas”‐da ))

👉 @TESTLIDER

Katta yangilik bor!

8‐sinf “Oʻzbekiston tarixi” boʻyicha “Kundalik‐optimal” toʻplamim, Xudo xohlasa, yaqin 10 kun ichida nashrdan chiqadi. Toʻplam 2800 ta testdan iborat. Bu amaldagi tarix darsliklari boʻyicha tuzgan “Kundalik‐optimal”larim orasida eng kattasi boʻldi.

Ba’zan kanalga post joylay olmay, kamnamo boʻlib qolaman. Shunday paytlarda “Nima boʻldi ekan?” deb qaygʻuradiganlar ham, “Bir nima boʻlgandir” deb ichida sevinadiganlar ham borligini bilaman. 🙂

Aslida esa odatda oʻsha paytlarda navbatdagi “Kundalik‐optimal” ustida ishlayotgan boʻlaman.

Xudo xohlasa, yaqin 10 kun ichida 8‐sinf “Oʻzbekiston tarixi” (2800 ta test), taxminan 1 oy ichida 8‐sinf “Jahon tarixi” (2500 ta test) nashrdan chiqadi.

👉 @TESTLIDER

Bir voqea esimga tushib ketdi

Baholash markazi “vestgot-langobardlar” keysida dunyoning top-100 universitetlari qatoriga kiruvchi AQSHning Pensilvaniya universitetidan ilmiy xulosa olishimizni, ya’ni bunga qurbimiz yetishini kutmagan edi.

Boshida to‘g‘ri harakat qilganida bu darajadagi holatga tushmasdi.

BMBA ham “X-variant” masalasida “kutmagan narsalari” sodir bo‘lib qolsa, keyin “attang” deb yurmasa bo‘ldi.

👉 @TESTLIDER

BMBA va Baholash markazining farqlari ko‘p

Xususan, BMBA men uchun ilmiy salohiyati yuqori tashkilot. BMBAdagi tanigan insonlarimning har birini ilmli insonlar sifatida hurmat qilaman. Ayrimlarini esa o‘zimga ustozdek ko‘raman.

Lekin shaxsga yoki tashkilotga bo‘lgan hurmat boshqa masala, qonunbuzarlikni baholash esa boshqa masala.

Agar gap potensial davlat sirini oshkor qilish jinoyati haqida ketayotgan bo‘lsa, bu holatni kim sodir etganidan qat’i nazar uni oqlab bo‘lmaydi. Ilmiy salohiyat, obro‘ yoki shaxsiy hurmat bunday jinoyatni oqlash uchun asos bo‘la olmaydi.

👉 @TESTLIDER