7-sinf “Jahon tarixi” (2022) darsligi bo‘yicha MAXSUS METODIK QO‘LLANMA – to‘liq

Bu qo‘llanma metodik qo‘llanmaning aynan nusxasi emas. Uni tayyorlash jarayonida darslik va metodik qo‘llanma o‘zaro solishtirib chiqilgan. Shu sababli darslikning o‘zida mavjud bo‘lgan ma’lumotlar takroran kiritilmagan. Natijada qo‘llanma ixchamroq va o‘rganish uchun qulayroq bo‘lib qolgan.

Bundan tashqari, metodik qo‘llanmadagi faktik xatolar ushbu qo‘llanmada to‘g‘rilangan.

Bu qo‘llanmani o‘qish “metodik qo‘llanma”ning aynan o‘zini o‘qishdan afzalroq.

👉 @TESTLIDER

Sizningcha, shu paytgacha qaysi maktab darsligi bo‘yicha «Kundalik-optimal» test to‘plamim uchun ENG KO‘P testni tuzganman?

Kim to‘g‘ri topsa, 5 ta kitob sovg‘a! 🎁

Shart: har bir ishtirokchi maksimal 2 marta javob berishi mumkin. Javobda kitobning aniq nomi va nashr etilgan yili ko‘rsatilishi shart (masalan, 8-sinf “O‘zbekiston tarixi”, 2019). G‘olib – to‘g‘ri javobni izohlarda birinchi bo‘lib yozgan ishtirokchi. Bir nechta kitob nomini ketma-ket yozgan javoblar inobatga olinmaydi.

👉 @TESTLIDER

Charli va shokolad fabrikasi – yangi g‘oya 🎫

“Charli va shokolad fabrikasi” filmida bo‘lardi-ku – shokoladlarning ichiga oltin chipta yashirib qo‘yishadi. Kimning shokoladidan chiqsa, o‘sha odam Villi Vonka fabrikasiga borish imkoniyatini qo‘lga kiritadi.

Shuni “Kundalik-optimal”ga ham qilsam-chi, deb o‘ylab qoldim. Masalan, ma’lum miqdordagi kitoblar orasiga bitta maxsus chipta yashirib qo‘yaman. Kimning kitobidan chiqsa, o‘sha odamga alohida maxsus sovg‘a beriladi. 🎁

Hali bu shunchaki xayolimga kelgan g‘oya. Xomroq. Qilaymi shuni? Agar qilsam, chipta egasiga nima berish mumkin? Sovrin uchun qanday takliflaringiz bor?

👉 @TESTLIDER

Diqqat! 2-guruhda BUGUN 7‐sinf “Jahon tarixi” darsligini oʻrganish boshlanadi. 1‐darsdan qoʻshilib ketish siz uchun qulay boʻladi.

Yopiq guruhga kirish uchun @jalolboltayev_kurs'ga yozing.

👉 @TESTLIDER

🎉 G‘olib aniqlandi – G‘olibbek Achilov!

Men nafaqat tarix, balki geografiya va huquq fanlaridan ham «Kundalik-optimal» test to‘plamlarini tuzaman.

Hozirgacha eng ko‘p testni 9-sinf «Geografiya» (2019) darsligi bo‘yicha tuzganman. Ushbu «Kundalik-optimal» test to‘plamida 3200 ta test mavjud. Bu haqda avvalroq kanalda ham yozgan edim.

🎁 G‘olibbek Achilovga va’da qilingan 5 ta kitob sovg‘a sifatida yuboriladi.

Kanalni kuzatib boring. Ba’zan shunday hotamtoyligim tutib qoladi.

👉 @TESTLIDER

Tasavvur qiling, A degan davlatda harbiy litseylarga kirish imtihonidan oldin bolalar 1000 AQSH dollari evaziga “yopiq zdaniya”ga olib kirildi. Imtihonda 20 ta savol tushadi. O‘sha yopiq zdaniyada berilgan 20 ta savoldan 14 tasi imtihonda mazmunan bir xil chiqadi.

Lekin hech qanday xavotirga o‘rin yo‘q. Chunki savollar jumlama‐jumla “aynan bir xil emas”‐da ))

👉 @TESTLIDER

Katta yangilik bor!

8‐sinf “Oʻzbekiston tarixi” boʻyicha “Kundalik‐optimal” toʻplamim, Xudo xohlasa, yaqin 10 kun ichida nashrdan chiqadi. Toʻplam 2800 ta testdan iborat. Bu amaldagi tarix darsliklari boʻyicha tuzgan “Kundalik‐optimal”larim orasida eng kattasi boʻldi.

Ba’zan kanalga post joylay olmay, kamnamo boʻlib qolaman. Shunday paytlarda “Nima boʻldi ekan?” deb qaygʻuradiganlar ham, “Bir nima boʻlgandir” deb ichida sevinadiganlar ham borligini bilaman. 🙂

Aslida esa odatda oʻsha paytlarda navbatdagi “Kundalik‐optimal” ustida ishlayotgan boʻlaman.

Xudo xohlasa, yaqin 10 kun ichida 8‐sinf “Oʻzbekiston tarixi” (2800 ta test), taxminan 1 oy ichida 8‐sinf “Jahon tarixi” (2500 ta test) nashrdan chiqadi.

👉 @TESTLIDER

Bir voqea esimga tushib ketdi

Baholash markazi “vestgot-langobardlar” keysida dunyoning top-100 universitetlari qatoriga kiruvchi AQSHning Pensilvaniya universitetidan ilmiy xulosa olishimizni, ya’ni bunga qurbimiz yetishini kutmagan edi.

Boshida to‘g‘ri harakat qilganida bu darajadagi holatga tushmasdi.

BMBA ham “X-variant” masalasida “kutmagan narsalari” sodir bo‘lib qolsa, keyin “attang” deb yurmasa bo‘ldi.

👉 @TESTLIDER

BMBA va Baholash markazining farqlari ko‘p

Xususan, BMBA men uchun ilmiy salohiyati yuqori tashkilot. BMBAdagi tanigan insonlarimning har birini ilmli insonlar sifatida hurmat qilaman. Ayrimlarini esa o‘zimga ustozdek ko‘raman.

Lekin shaxsga yoki tashkilotga bo‘lgan hurmat boshqa masala, qonunbuzarlikni baholash esa boshqa masala.

Agar gap potensial davlat sirini oshkor qilish jinoyati haqida ketayotgan bo‘lsa, bu holatni kim sodir etganidan qat’i nazar uni oqlab bo‘lmaydi. Ilmiy salohiyat, obro‘ yoki shaxsiy hurmat bunday jinoyatni oqlash uchun asos bo‘la olmaydi.

👉 @TESTLIDER

3-guruh tez orada ochiladi

Bu guruhga nafaqat kuzgi “Milliy sertifikat” va attestatsiya imtihonlariga topshirmoqchi bo‘lganlar, 6 oydan keyin imtihon topshiradiganlar ham qo‘shilishi mumkin.

Faqat o‘qish tartibi maqsadga qarab farq qiladi.

Kuzda imtihon topshiradiganlar har kunlik rejimda ishlaydi. 6 oydan keyin topshiradiganlar uchun esa uzoq muddatga moslashtirilgan rejim bo‘ladi.

Umuman olganda, avgust oyida odatda fanni endi, mutlaqo 0 darajadan boshlaydiganlar kurslarga yoziladi.

“Noldan 1 oyda natija” kabi havoyi gaplarga ishonib, o‘sha bir oyini ham samarasiz o‘tkazib yuboradiganlar juda ko‘p.

Negadir menga mutlaqo 0 darajadan boshlab, 5–6 oy davomida ishlab, A yoki A+ olib sertifikat egasi bo‘lgan o‘quvchilarim QADRLIROQ bo‘lib qolgan :)

Chunki ular shu muddat davomida o‘zining:
– intizomini;
– muntazamligini;
– uyga vazifalarga munosabatini ko‘rsatib berishgan.

Asosan bunday o‘quvchilarim hozirda diplomatiyada 189 ball egasi ))

Lekin bu gapim bazasi bor o‘quvchilarga tegishli emas. Bazasi yaxshi bo‘lgan odamga natija uchun 5–6 oy shart boʻlmasligi mumkin, albatta. Kimdir 30 kunda, kimdir 55 kunda natija qilishi mumkin. Bu yerda bazaning darajasi muhim.

Biroq bitta narsani unutmang: yangi darsliklar bo‘yicha sifatli, mavzulashtirilgan testlarni ishlamas ekansiz, mavzularni chuqur o‘zlashtirish qiyin.

3-guruh uchun eksklyuziv yangiliklar joriy etyapman.

Qabul 3–4 kun ichida ochiladi.

Tayyorlanib turing.

👉 @TESTLIDER

2800 ta testdan iborat 8-sinf “O‘zbekiston tarixi” “Kundalik‐optimal”i bo‘yicha oxirgi ish ham yakunlandi

Test tuzish yakunlangach, testlarni avval o‘zim birma-bir qayta ko‘rib chiqaman. Lekin “men o‘tkazib yuborgan bo‘lmay” degan maqsadda yana bir bor shogirdimga beraman. U ham testlarni qayta ko‘rib chiqib, kamchiliklarini aniqlaydi.

Skrinshotdagi suhbatda toʻplam haqida shogirdimning aytganidek:
“Rostdan ham dm boshqacha akan”. ))

👉 @TESTLIDER