Qalbingiz dengiz kabi bo'lsin. Kirgan ko'milsin. Suzishni bilgan qutulsin. Bilmagan bo'g'ilsin..

Derazadan boqar sohibjamol oy,
Nigohlari to‘la karashma, chiroy.
Kechirgin, bo‘libman oyga mahliyo.
Ishon, endi unga qilmayman parvo.
 
Oyning sochlarini mayli, o‘rmayman,
Men seni oylarga bermayman.
 
Usmon Azim

Butun ummat jamlanib sizga qandaydir manfaat yetkazmoqchi bo‘lsa, Alloh bitganidan boshqasini yetkaza olmaydi. Shuning uchun boshqalarning yordamiga tayanmang.

Butun ummat jamlanib zarar keltirmoqchi bo‘lsa, Alloh sizga bitganidan boshqasini keltira olmaydi. Shuning uchun boshqalardan qo‘rqmang. Qanday musibat yetsa, shu xayrlisi ekan, deb qo‘yavering. Odamlar qasd qilsa ham, baribir boshqa tomondan bo‘ladi. Shu taqdirga, qadarga iymon keltirgan kishi ishni avvalidan Allohga tayanishi kerak.

Agar nimadir o‘xshamay qolsa, Rasululloh aytganlariday: "Sen o‘zingga manfaat keltiradigan narsalarga haris bo‘lgin. Allohdan madad tilagan holingda ojizlik qilmagin. Boshingga biror musibat tushsa: "Agar men falon chorani ko‘rganimda bunday musibat tushmas edi", demagin. Balki: "Allohning taqdirida bitib qo‘yilgan ish sodir bo‘ldi, U Zot O‘zi xohlagan narsani amalga oshirdi", degin. Zero "Agar, agar..." deyish (o‘tib ketgan ishlarga afsus-nadomat chekib, sababchilarni malomat qilib o‘tiraverish) shaytonning ishlariga yo‘l ochadi".

Mana shunda "agar" so‘zidan shaytonning eshigi ochiladi. Qadarga rozi bo‘lish kerak, nadomat qilish emas.

Husaynxon Buxoriy

Seni sevganlar oldida tabassum qil-ki, sening ham muhabbating sezilsin!

Dushmaning qarshisida ham tabassumli bo‘l-ki, u o‘zining zaif va nochor ekanidan ezilsin!

Seni tashlab ketganning ortidan ham tabassum qil-ki, nadomat cheksin!

Tabassum qil va butun olamni tabassum ila fath et!
Tabassumni ibodat sanagan Robbimga hamd bo‘lsin!

Mahbubiy

Oxirgi paytlarda musulmon kishining musulmonlar va boshqalarga nisbatan qanday munosabatda bo’lishi kerakligi haqida ko’p gapiriladigan bo’lib ketdi. Bu borada Ali rodiyallohu anhu aniq va lo’nda qilib bir qoidani aytgan ekanlar:
“Odamlar ikki sinf bo’ladi: yo dindagi qardoshing, yo xilqatdagi tengdoshing”.

Husaynxon Buxoriy

Qur'oni kariym adabiyot emas - hayotdir. Shu sababdan unga go'yo bir tushuncha tarzi deb emas, yashash tarzi sifatida qaralsin.

Aliy Izzatbek

Kel, ey tan, to‘xtagin endi,
tur, ey ruh, Haqqa hijrat qil,

Bas, ey nafs, o‘zni o‘ldirgin,
ko‘ngil, sen endi ishrat qil.

Ko‘zingni yumgin, ey hislar,
fikr, sen endi uyg‘ongin.

Husaynxon Buxoriy

Oshiq ko‘rishni emas, sog‘inishni yaxshi ko‘radi!
Oshiq ushlashni emas, eslashni sog‘inadi!
Oshiq o‘ta qaysar bo‘ladi, qayerda imkonsiz bo‘lsa borib o‘shani sevadi!

O'zdemir Asaf

Bizni sevganni sevdik,
Sevmaganni kechirdik.
Qalbimizdan adovat,
ham hasadni o'chirdik.

Mahbubiy

Endi dardlashaylik! Ohista, besas -
Miyamdan qon sizsin so'zning jismiga,
Dunyolar aylansin har bir qismida..

Bu suhbat bugunga hali kerakmas,
Bu suhbat bugunga hali kerakmas..

Yurak esa borar Alloh izmida.

Usmon Azim

Kelishing kutaman kecha-yu kunduz,
Kelmasang kemtikman, kemtikdir ko'klam.
Kelmasang, ko'klamim ketib kelar kuz...
Kelolsang kunlarim kundan kun ko'rkam.

Har bir zarram oshiq har bir zarrangga..

Behuda narsa bilan band bo'lgan odam xor bo'lgan odamdir. Alloh xor qilgan odam shu odamdir!

Hasanxon Yaxyo Abdulmajid