🔅 الاشياء الي يحتاجها السَادس بأختصار :

⭕️يحتاج منك جهد مُضاعف .
⭕️بال صافي خالي مِن التفكير بالعلاقات والصداقات .
⭕️تكعد مِن وكت وتدرس يومي .
⭕️تسوي قائمة to do .
⭕️ما تسخت علمود أشياء تافهه .
⭕️تستمر لأن الاستمرارية هيَّ الاساس .
⭕️تعالج نفسيتك مِن الخوف والتفكير الزايد .

*هيَّ شغلات بَسيطة بس تأثيرها قوي عليك..

شلون ادرس قطعه خارجيه؟!

شلون ادرس قطعه خارجيه؟!
مبدئياً كبداية قطعه تحتاج استمرارية يعني يومياً تحلون قطعه حتى تتعودون عليه تتعلمون من اخطاءئكُم عادي بشهريات اخذوا 7 او 5 بس بلوزاري لا 10 غيرها ما نقبل تمام +بالنسبة الي اخذه درجه كامل بس مدرستي تحب تصعبهه حتى تختبرني 🌚🩷
 · · ─── · 𖠇 · ─── ·  · · ─── · 𖠇
_طريقه لقطعه:
اولاً: نختار الاستاذ صح ✅
ثانياً: نجيب ملزمه قطعه خارجيه من سنه1996الى سنه2023 ✅
ثالثاً:دفتر خاص تكُتبون فقط لحل القطعه ✅
رابعاً: يومياً تحلون قطعه خارجيه بحدكُم
من تخلصون تروحون تشوفون حل ✅
📌هاي خطوات اذا طبقون راح تجي درجه كامل بأذن الله بلقطعه 🩷
 · · ─── · 𖠇 · ─── ·  · · ─── · 𖠇
_لحظه على منو نقره قطعه خارجيه باليوتيوب؟
_اني شخصيين اقره على سجاد العبيدي مسوي قطعه ايزي 🙈🩷كُلش حبيت شرح بعد تبقى يمكم
 · · ─── · 𖠇 · ─── ·  · · ─── · 𖠇
📌ملاحظه: كل طالب حسب قدرته او فهمه يكدر يحل مثلاً بالأسبوع قطعه او بالأسبوع قطعتين بعد هل شي بكيفة ✨🦋.

⏺دعاء لتسهيل الإمتحان وحفظ المعلومات وعدم نسيانها:

- اللهم اني استودعك ما قرأت وما حفظت وما تعلمت، فرده لي عند حاجتي إليه انك على كل شيء قدير اللهمّ ربّ السماوات والأرض ربّ الناس أجمعين، سهَل عليّ هذا الأمتحان، واجعله يسيراً خفيفاً عليّ، اللهمّ أجعل كلّ إجابة واضحة أمام عيني يا رب العالمين، اللهمّ إنّي أسألك خير هذا الإمتحان وخير ما فيه وخير ما بعده، اللهمّ إنّي أعوذ بك من شر هذا الأمتحان وشرَ ما فيه وشر ما بعده لي✨💗

أنتُ دائماً گدها ❤️.

😋شلون ادرس بطريقة صحيحة وبدون تسخيت؟

🟤نبلش ندرس بالبداية ربع ساعة ونأخذ ريست وبعدها نرجع نكمل نص ساعة وهم ناخذ ريست ونرجع نكمل ساعة وناخذ ريست لحدما نكدر ندرس أوقات طويلة يعنِي نبلش تدريجياً بالدراسة ، تمام؟ تمام..

🟤تصلي ركعتين بنية التوفيق بالدراسة
وسرعة الفهم ، الجانب الديني جداً مُهم ..

🟤نروح لمكان دراستنا سواء مكتبة او على الجرباية ، نحاول نشغل موسيقى او نحط فد نص يحفزنا على المكتبة حتى كُل ماتباوعله يزيد واهسك ، والاهم يكون يمك كلاص مي راح يساعدك هواي بتركيز ..

🟤نفتح مُحاضرات اليوتيوب ونبلش بأول مُحاضرة ، نحاول نفهم كُل حرف يكوله الاستاذ والمُلاحظات والشغلات لمهمة نكتبها بالعامية حتى ما ننساها ، واهمشي يمك ورقة وقلم حتى إذا حسيت نفسك دتنسى تكتب بلورقة الموضوع إلى أن تحفظه، واهم شغلة بعد ماتكمل محاضرة اليوتيوب تراجع المادة ، لأن التكرار مُهمم فوك متتخيلون وراح يساعدك حتى تترسخ المادة بدماغك..

🟤وبعدين وره ما فهمنا الموضوع وكملناه ،
نروح نقره وزارياته حتى نتطلع ؏ الاسئلة
الوزارية ونأخذ عنهنّ فكرة..

🟤نسوي مُلخصات للموضوع الي قريناه ، هلشي مو ضروري تسوي إذا ماعندك وقت بس يعنِي إذا سويته حَيفيدك هواي وخاصة الخرائط الذهنية ..

🟤 الاسئلة الي نسيتها او الي شكد ما تراجعها تنساها تكتبها بقصاصات وتعلكها يمك ؏ المكتبة وكل يوم ترجع تقراها ، حتى ما تنساها وتحفظها مثل اسمك ..

وبالنهاية لا تنسى تقره هذا الدعاء
بعد ما تكمل المادة :
" اللهم إني استودعتك ما قرأت و ما حفظت و ما درست و ما تعلمت فردة لي عند حاجتي إليه انك على كل شي قدير "