- طريقة دراسة مادة الأحياء .❔

اكثر الطلاب تعاني من الأحياء لان بنظريتهم انُّ الأحياء هيَّ مادة حفظية
ولكن هيَّ على العكس من منظوري اشوفها 50%حفظ و 50% فهم

- شلون يعني ؟🔗
يعني انُّ الموضوع ما تحفظه إذا ما كنت فاهمه أول شي
الاحياء تنقسم الى قسمين واللي هيَ      * الكلاميات والرسومات *

الكلاميات 💡
طريقتي كانت اوّل شيء ادرسها بالكتاب لأن انا احب دراسة الكتاب اكثر اشوفها اسهل من الملازم

وبعد فترة استغنيت عن الكتاب لأن استاذ سالم آل منصور نزل الكتاب المؤشر اللي يحتوي على الوزاريات واخذته درست بيّ وجانت احسن خطوة إلي 🤍

الطريقة شنو ؟
تفتحون هذا الكتاب المؤشر وتقرونه كأنما تقرون قصة أو رواية يعني تقرون فقط بعيونكم ، وتحاولون وانتوا تتطلعون على الموضوع تفهمون الصيغة او الموضوع على شنو جاي يحجي ؟ وراها جزء الموضوع وادرسه بالتجزئة احفظوا هذا الجزء وافهموا وبعدين روحوا على الجزء الثاني .. الخ لحد ما تحفظون الموضوع
والصعب لازم تحفظونه بورقة وقلم
ورا ما كملتوا الموضوع شتسوون ؟ تسدون الملزمة وتعيدون الموضوع وحدكم وتشرحون لنفسكم كأنما استاذ ديشرح لطلابه وهيج كلها راح تدخل بدماغكم وتصير اسهل مادة

الرسومات🖊
الطريقة الأولى : تكمل قراءة الموضوع وتروح على الرسم تحفظه وما تخلي يتراكم عليك
وارسم كلشي بأيدك مرة ومرتين لحد ما تتعود عليه

الطريقة الثانية : تدرسهن اثناء قراءتك للموضوع
يعني تقرأ وترسم وتوضح لنفسك نفس ما يوضحلنا الاستاذ
وبهيج انتَ حفظت الموضوع وحفظت الرسم

وماننسى ملزمة الوزاريات أهم شيء بالاحياء🤎
❤️ || t.me/Thfez9

▫️التراكمات عند الطلاب هالفتره.

▫️ كثير من الطلبة تعاني من موضوع التراكمات وثقل التراكمات عليهم .. ف دائمًا ينطرح علي سؤال ، اللي هو ..

... عندي تراكمات ! ماعرف شسوي ومدالحك شكد اقرا هم يصير تراكمات ، شنو اسوي ؟!

▫️  لازم نعرف أنه موضوع التراكمات ترى طبيعي ، يعني نادر ماتشوف طالب يداوم مدرسة وماعندو تراكمات معينة ! خصوصاً إذا طالب عندو مدرسة ودورات هذا الشي ينطي إحتمال اكيد لوجود تراكمات عند الطالب ف ترى التراكم موجود عند الكل.

يعني لا تخاف مو بس انت ...

⚪كمية_التراكم ..

▫️احنا هسه عرفنا أنه موضوع التراكمات هو طبيعي عند الكل ، لكن شكد عندك تراكمات ؟ هالشي يختلف من طالب لطالب ، أنت حاول قدر الإمكان أنه تدرس وتقلل تراكماتك على كد حيلكم ، ف شكد تكون تراكماتك أقل شكد يكون افضل الك.

▫️شلون اتعامل مع التراكم

▫️انت حاول تنطي نسبة من وقتك للتراكم حتى مع الوقت تقلل تراكماتك ،ف مثلاً انت يوم الجمعة من الظهر للمغرب تفرغ نفسك تقرا تراكمات من مواد معينة.. وهكذا حتى تخفف وتقلل من التراكمات مع الوقت وما تصير كثيرة عليك قبل نصف السنة.

وماكو أي حل سحري للتراكم إلا أنه تقراها.

▫️لكن مهما كان عندك تراكم ف تذكر انت عندك وقت وتكدر تخففهم مع الوقت والاستمرار أن شاء الله ف ماريد تكعد تأيس وتسود الحياة بوجهك ، لا ترى عادي اكو كثير طلاب تراكماتهم اضعاف تراكمك ف كول الحمد لله وطبق كلامي▫️.
❤️ || t.me/Thfez9

-موضوع الحفظيات🩷

أي طالب في أي مرحلة من مراحل دراسته لازم عنده مواد حفظية.

*🟢بعض الطلاب يحبون الحفظيات اكثر من الفهميات وبعضهم بالعكس 💜

🟢 الحفظيات العربية 📚،
شلون اكدر احفظ بدون ملل وبأسرع وقت🥺؟

🟢•عزيزي أي شيء درخي متكدر تقراه بأي وقت وبأي مكان ، حتكلي شلون لعد؟؟

(المكان هادئ ، الدماغ متغذي ،افضل وقت للحفظ:عند الاستيقاظ من النوم )😴😀
زين شنو السبب؟؟🩷
•الدماغ يكون نشط وفارغ من أي تشويش اول شكم ساعة 💯

نبدي بالطريقة 🩷
•🟢قراءة سريعة للموضوع ، معرفة الهدف من الموضوع، بعدها تحفظ نقطة نقطة ومن تكمل الثانية راجع الأولى والثانية وبعدين بلش بالنقطة الثالثة, حتى تصير بدماغك ترتيب وربط بالمعلومات ، تمام ؟؟ 🩷

والي يسئلوني شنو افضل وضعية ، الكعدة لو المشي ، اكيد المشي عمود ماتلتهي بشي والدماغ يرتاح من العوامل الخارجية,🩷.

واذا تشوف بعدك متكدر تحفظ ، كرر بالجملة هواي بس بتركيز ✔️
   ❤️ || t.me/Thfez9

حابّة احجي وياكم بسالفة ألا وهي الغـيـاب

موضوع الغياب هو أخطر شيء يسويه طالب السادس

أكو فئة تغيب حتى تخلص تراكمات ( مثلي يعني سابقًا) لكن بنفس الوقت هاي الفئة ماراح تخلص تراكماتها أبد تشوفونه شگد ما يقرأ هو بعده مامخلصهن

- زين ليش؟
لأن بيوم الغاب صارت عنده تراكمات جديدة
ورجع غاب حتى يكملهن وهكـذا تستمر السلسلة إلى مالانهاية

أكو فئة تگول أنا مامستفادة من الدوام لأن مامعتمد ع أحد ادرس ع اليوتيوب

بس أنت مُجبر ع أداء كل امتحانات مدرستك الشهرية واليومية ونصف السنة حتى تكون مؤهل للوزاري

فـ دوامك بغاية الاهمية

الغياب قضية عويصة لا تكثرون غيابكم ، شما كثر الغياب تكثر المشاكل الدراسية 💚

لا تغيب ، لا تغيب ، لا تغيب

أستمـــــــر🌱
 ❤️ || t.me/Thfez9