الإنترنت والدراسة 📚😩!

شلون تنظم بينهم وتسيطر ؟

طبعا من أكبر وأكثر الاشياء الي تاخذ من وقت الطالب ، هو الانترنيت بدون ما يحس اصلاً 🙂💔

_خلي يكون استخدامك منظم للانترنت ، صدكني اذا كدرت تنظم وتحدد استخدامك راح تشوف عندك وقت كلش كافي ، تكدر تخلص بيه كتب وملازم و شغلات لا تعد ولا تحصى 💫

اليوم 24 ساعة مو قليل ابدا ! اذا تسيطر وترتب وقتك ، اني ما اريدك تتركه وابد ما تفتح خاصة احنا هسة بزمن النت والتكنلوجيا وصار شيء من اساسيات الحياة ، لكن خصص ساعات استخدامه ... مو تستخدم انستا ٤ ساعات وتلي ٣ وواتس وفيس وتجي تدور َمعدل بعدين يضيع وقتك ومتعرف شلون تقرا الامتحان والتحاضير والتراكمات 😭🙂

طبعا ما اقصد اللي يدرس ع اليوتيوب يكدر يبقى يستخدمه وكلش طبيعي بس حاول تطفي الاشعارات وقت الدراسة فقط وتخلي بس الاشياء المهمة .. ❤️

يومك 24 ساعة.. اذا من هسه تشد حيلك وتدرس المواد بشكل مضبوط راح تشوف نفسك بعد سبوعين ثلاثة انت كملت لو اقتربت تكمل المواد او جزء كبير منها .. وراح ترتاح بالوزاري او اذا جان هدفك اعفاء راح تسيطر صدكني 👌

جرب يوم واحد تنظم وقتك وادرس وافتح نت بوقت منتظم ... شوف شكد راح تشوف فرق وتحس نفسك عندك وقت زايد ومسيطر كلش 🤩💚

هيَ نصحيتي الكم 🤍✨

اللهُم لا تريني في دراستي هم يبكيني ولا عمل يلهيني، اللهم وفقني في دراستي وكن لي عونا معينا، اللهم إني أسألك درجات تشرح صدري وتفرح قلبي، اللهم وفقني في دراستي ولا تحرمني فرحة النجاح وسهل علي كل صعب واشرح لي صدري ويسر لي امري وبارك لي في وقتي واجعل نهاية جهدي فرح 🌸.

بالله احنه شـَڪد اقوياء 🫰
والله صدك شـَڪد اقوياء ؟؟؟
مرض وظروف ومشاكل وضغوطات نفسية وغيرها هواي امور بس مجبورين نكمل دراستنا سواء سادس او جامعة .. السادس تحدد مستقبلنا والجامعة تحدد مستقبلنا كذلك .. السادس نحدد مهنة نروح الها  والجامعة مهنتنا تحددنا .. يعني شـَڪد نكافح بهاي الحياة علمودنا بس ما نحس .. ! وتجينا فترات نتعب بيها ونحس ممسوين شي لنفسنا وننهار بس بالواقع احنه قطعنا طرق كلش طويلة بسبيل نوصل و نوصل بس ما نحس 🤎وصلنا لان بعد كدامنا طرق اطول من هاي .. بس هي هاي تركيبة الحياة نتعب نتعب حتى نوصل ويـَن نوصل ؟ نوصل لاماكن نعرفها بس نتجاهل نعرفها ..✨🦋