▶️شلون اختار استاذ الصح لطلاب اليوتيوب ✅
مبدئياً ما نشمي على فلان وعلان، أكيد
🟣طبعاً احنه نختار استاذ لازم نكون فاهمين طريقه شرح تبعة
🟣يكون استاذ متمكن يشرح منهج كامل ما يترك طالب بنص طريقه
🟣يحل اسئله وزاريه او اثرائيات حتى طالب ضعيف يتمكن من منهج
🟣طبعاً استاذ لازم ما يتجنب اسئله الصعبة او المواضيع الصعبة لازم كلهن يشرحهم
🟣لا تنسوا تختارون استاذ على مبدئي فهمكم مو شرط يكون مشهور هو ما يفهم او ما ينطي ماده حقها

📌 شلون أختار الملزمه الصح لطلاب اليوتيوب✔️
⚪️مبدئياً ما ناخذ استشارة شخص ابدا احنه نختار ملزمه على فهمني طبيعي سواء كانت مسائل او حفظيات
⚪️لازم أنتم كطلاب تفتهمون على ملزمه
⚪️تكون محلول بيهن ماده كامل من ناحية وزاريات ومنهج واسئله اضافي
⚪️ما لازم تكون بيها اخطاء علمية او ناقص
⚪️ملزمة تكون مرتبة وبشكل لطيف حتى نفسيه تكدر تدرس بيه
⚪️مبدئياً اذا انتم جنتوا من نوع تعتمدون على اكثر من مصدر هذا شيء طبيعيه
⚪️واذا تحبون تكتبون بيدكم بعد احسن

🍂نصائح للدراسة :

1️⃣الخرائط الذهنية : الخرائط تساعدك بـ الحفظ سريع وتطبع المعلومة بـ دماغك وبيوم الامتحان
راح تكدر تذكر كلشي من خلال الخرائط ذهنية .

2️⃣طريقة البومودورو : دراسة لمدة 25 دقيقة
بعدين اخذ استراحة لمدة 5 دقائق . كرر جلسات الدراسة هذه لتحقيق أقصى قدر من قوة التركيز .

3️⃣ستيكرات : تنلزك على دفتر او الملزمة تكتب
بيها الملاحظات الصغيرة لان بيوم الامتحان ذني الاوراق صح صغار بس تأثيرهن جبير بيوم الامتحان .

4️⃣مكان دراسة : هسه احنه جونه بارد فـَ من تحس ب خمول او ملل اطلع ادرس بحديقة أو افتح شباك يدخل الك هوه يزيد نشاطك وهم يسوي الك واهس .

🐾طريقه لدراسة ماده اسلاميه🐾
🐾ماده اسلاميه اغلب يكولون من اسهل مواد سادس نكَدر نضمن بيه١٠٠ بكل سهول،
حبايب قلبي ماكو شيء بسادس سهل وصعب كل مواد نفس شيء تحتاج دراسه يوميا بيومها وزاريات تكرار، تعتبر اسلاميه اغلب مواضيعها سهله اكو مزعجين بذات موضوع الاقتصاد وشرح ايات باقي صراحه سهله،
🐾سؤال: ندرس اسلاميه على كتاب او ملزمه؟!
من وجهه نضري اني طالبه سنه ثانيه احسن شيء يسوي طالب بلكتاب يدرس حتى يتعلم جواب نموذج صح ✔️، عدكم استاذ يشرح على كتاب مؤشر محمد الجنائي،
🐾سؤال: احنه ما متعودين نقره على كتاب شنو نسوي بهاي الحاله؟!
حبايب قلبي عادي تكدرون تعتمدون على ملزمه ساجد عكيلي او عمار فاضل كلش بيرفكت، بس بتوفيق 🐾.

🎙شلون اسوي جدول دراسي ؟

1⃣ عزيزي الطالب لاتعتمد على جدول صَديقك ولتخلي احد يسويلك جَدول .
2⃣شنو السبب ؟
لانُ ياقلبي انتَ عندك حياة والتزامات تختلف عن غيرك يمكن هو عندة فراغ اكثر من عندك او العكس !
3⃣زين شلون اسوي جَدول ؟
الموضوع بَسيط تجيب ورقة وقلم وتكتب التزاماتك من المدرسة او عندك معهد او غير شي تكون انتَ ملتزم بي .
4⃣بعد ماتكتب التزاماتك تكتب وقت نومك ووقت اكلك .
5⃣بعدها تجي ترتبهم على مدار الـ 24 ساعة ، وراح يبين عندك وقت فراغك وكم ساعة حتكون هاي راح تخليها وقت دراستك و اكيد بينهم استراحة .

🤔شلون تدرَس الكيمياء وتضمَن الـ 100 🤔 ؟


🤔اول شي الكيمياء مادة فهمِية وحفظِية
🤔لازَم تدرس باليومي حتَىٰ مايترَاكم بالشهرِي

🤔المسَائل ▫️
🤔 تحفظ القوانِين وتحفَظ كُل رمز وشنُو معنَا
🤔مثَلًا الكاربُون بالانكليزي رمزَة C وهيج ضرورِي تحفظَ الرموز
🤔كُل قانون تريد تحفظَة اكتبَة اقل شِي 5 مرَات
🤔حتىٰ ما تنسَى ويضل ببَالك 😉
🤔من تقرَا مسَائل تعلم شلونَ تحل واذَا بَاقي مسَائل
🤔حلهن بيدَك وتأكد من حلَك ع ملزمة او يوتيُوب
🤔كلما تقرا مسَائل اقرا الامثلة وتمارين و تمارين الي
🤔بـ اسئلة الفصل واذا چنت وزاري طلع مسَائل وزارية
🤔وحلهن بيدك وبعدين شوف حلك ع اجوبة النموذجية

🤔الحفظيَات ▫️

🤔كُل شيء حفظ افهمَة اكثر حفظِيات الي بالكيميَاء
🤔تگدر تفهمة ويضل ببَالك لنهاية سنة 😂
🤔من تقرا اكتب مو درخ درخ، افهم المادة واكتب
🤔 حتى ما تنسىٰ وتصير سچاج 🙋‍♀️
🤔لاتراكم المادة عليك مثلًا عندك امتحان شهري
🤔ومالحكت تدرس يومي، ارجع يوم خميس اقرا التراكم

🤔اذا انت دارس باليومي ترجع بالشهري تراجع فقط
🤔وتصير المادة ماي 💕

📌شَلون انضم أكعد الصَبُح؟

الطَريقة الاولىٰ:

• أول يَوم أحدد اكعد بَـ ٩صَ.
• ثَاني يَوم أحدد اكعد بَـ ٨صَ.
• ثَالث يَوم أحدد اكعد بَـ ٧صَ.
• رَابع يَوم أحدد اكعد بَـ ٦صَ.
• خَامس يَوم أحدد أكعد بَـ٥صَ.

الطَريقة الثَانية:

الأسبوع الأول او ثلاث أيام مَتواصلة
تَحدد تَكعد بـ ٨صَ.
الأسبوع الثاني اوثلاث أيام مَتواصلة
تَحدد تَكعد بـ٧صَ.
الأسبوع الثالث او ثلاث أيام مَتواصلة تَحدد تَكعد بـ٦صَ.
الأسبوع الرابع او ثلاث أيام مَتواصلة تَحدد تَكعد بَـ٥صَ.

الطَريقة الثَالثة :

تَحدد تَكعد بَـ ٩صَ ثاني يوم بـ٨ونص
ثَالث يَوم بـ٨ص رابع يَوم بـ٧ونص
*كل يَوم تنَقص نَص ساعة الىٰ أن تَوصل
لعدد السَاعة المَطلوب.

- شلون اسيطَر ع المواد 📚 ؟

⏺ - كل مادَة الها اساس متفقين ؟
اساس كل مادَة انتَ لازم مخزنة بعقليتَك لان هو اليّ يمشي المادة كلها
الاساس مثل شنو ؟
⏺- الانگليزي مِثل المواضيًع او الإملاء
⏺- العَربي القواعد المواضيع المُتكررة
⏺- الرياضيات الرمُوز المستمَرة كذلك
⏺- الكيمياء القوانين المُهمه لكُل عالم
⏺- الفيزياء الاصل للموضُوع نفسه
⏺- الاحيَاء فهم الموضوع مو حُفضه
انتَ لازم تفهم وتحفَظ وتركز بشكو اساس تريدة المَادة
يعني بدون بداية نهاية ماكو 💚 .

💀 الأنتسَاب..

🥰سؤال تَنصحني بالانتساب؟
- اذا تَريد تسوي الانتساب لازم تعرف!:

✨تلتزم بجدول انت تسَوي خطة يعني.

✨ممنوع يمر عليك يوم وانت ما دارس اقل شي 6ساعات..! او ممكمل شي من المادة ممنوع يمر يوم وانت ماشايف كتاب!

✨لازم كل ما تكمل موضوع تمتحن نفسك يومي وكل ما تكمل فصل تمتحن شهري.

✨ممنوع تأجل الدراسة!

✨ممنوع تنطي وقتك لاشياء تافهه والدراسة تخليها شي ثانوي ممنوع!

✨تنظم النوم والدراسة جدول كامل.

✨ماتفوت ولا مُحاضرة سواء يوتيوب او خصوصي، لازم تلتزم وي الاستاذ.

✨اذا جنت يوتيوب ضروري تكون استاذ ع نفسك وتختبر نفسك ورا كل موضوع وما تهمل الوزاريات

✨لازم تكمل مادة نصف السنة بفترة انت تحددها وتضبط امورك ب4مواد او اكثر علمود تضمن الدخول.

☀️| اما اذا انت من النوع تماطل ومتكاسل ومابيك حيل وماتكدر تدرس يومي ولا تكمل المادة بسرعة ولا تلتزم بجدول ولا تسوي نفس الأشياء اللي ذكرتها فوك ما انصحك بالانتساب ابدًا!

🤩تقفل تلفونك وتضمه بمكان بعيد عنك .
🤩تختار مكان دَراسة هادئ وبعيد عن الهوسة .
🤩تحاول تجبر نفسك ماتكوم مِن مكان دراستك .
🤩تسوي قائمة to do list تساعدك بلتنظيم .
🤩اخذ استراحة بين مُحاضرة ومحاضرة .
🤩خلي يمك فواكهه او عصير وانت دَتدرس .
🤩حَاول تغير بين مواضيع الدراسة حتى متمل .
🤩حاول تتذكر الاشياء الي كملتها والإنجازات .