📚 ERKIN VOHIDOV TAVALLUDINING 90 YILLIGIGA BAG‘ISHLANGAN TADBIR ❗️


🇺🇿 O‘zbekiston davlat jahon tillari universiteti Ingliz tili 3-fakulteti 2621-2629-guruh talabalari ishtirokida, fakultet tyutori M. Murodullayeva boshchiligida atoqli shoir va adib "Erkin Vohidov tavalludining 90 yilligiga bag‘ishlangan ma’naviy-ma’rifiy tadbir" tashkil etildi.


📖 Tadbir davomida shoirning o‘zbek adabiyotidagi beqiyos o‘rni, boy ijodiy merosi va Vatanga, millatga bo‘lgan yuksak muhabbatini tarannum etuvchi asarlari haqida fikr almashildi. Talabalar tomonidan shoir ijodidan namunalar o‘qilib, uning hayoti va ijodiga oid qiziqarli ma’lumotlar taqdim etildi.


✨ Tadbir yoshlar qalbida milliy adabiyotimizga hurmat, kitobxonlikka qiziqish va ma’naviy qadriyatlarga e’tiborni yanada mustahkamlashga xizmat qildi.


🌿 Erkin Vohidov ijodi — millat ruhini, Vatanga muhabbatni va insoniy tuyg‘ularni tarannum etuvchi bebaho ma’naviy merosdir.

"Ustoz mehri va shogird kamoli"

2026-yil 26-sentyabr kuni Uchtepa tumanidagi "Vatan" mahallasida O‘qituvchi va murabbiylar kuni munosabati bilan "Ustoz mehri va shogird kamoli" mavzusida davra suhbati o‘tkazildi.

Tadbirda O‘zbekiston davlat jahon tillari universitetining Ingliz tili 3-fakulteti "Liderlar klubi" jamoasi, fakultet xotin-qizlar masalalari bo‘yicha dekan maslahatchisi Z.A. Ismoilova hamda mahallaning faxriy ustozlari ishtirok etdilar.

Uchrashuvdan ko‘zlangan asosiy maqsad yoshlarda ustozlarga nisbatan hurmat va ehtiromni yanada kuchaytirish, nuroniy pedagoglarning hayotiy hamda kasbiy tajribalarini yoshlar bilan baham ko‘rish va avlodlar o‘rtasidagi ma’naviy muloqotni mustahkamlashdan iborat bo‘ldi.

Davra suhbati davomida ustozlik kasbining sharafi, ustoz-shogird an’analari va yoshlarning kelajakdagi maqsadlari haqida o‘zaro fikr almashildi. Mazkur uchrashuv yoshlar uchun g‘oyat mazmunli va ibratli ahamiyat kasb etdi.

Bizni kuzatishda davom eting.

https://t.me/thirdEnglishfaculty