🔊 O‘zDJTU Ingliz tili 3-fakulteti 1-bosqich talabalari uchun “TEXT TITANS” to‘garagining 6-mashg‘uloti bo‘lib o‘tdi!
📆 04-noyabr kuni Ingliz tili amaliy fanlar №3 kafedrasi o‘qituvchisi D.K.Radjabova rahbarligida “Reading Newspaper Articles” mavzusida navbatdagi mashg‘ulot tashkil etildi.
📝 Mashg‘ulot avvalida talabalar gazeta maqolalarining sarlavhalari va rasmlarini tahlil qilib, maqola mavzusi hamda mazmunini oldindan taxmin qilish bo‘yicha fikr almashdilar.
💡 Nazariy qismda ishtirokchilar gazeta maqolalarining tuzilishi, sarlavha va yetakchi jumlalarning vazifasi, asosiy g‘oyani aniqlash hamda muhim ma’lumotlarni ajratib olish usullari bilan tanishdilar. Shuningdek, yangi so‘zlarni kontekst orqali anglash strategiyalari o‘rganildi.
💻 Amaliy bosqichda talabalar turli gazeta maqolalarini o‘qib, asosiy fikrni aniqlash, muhim tafsilotlarni topish, maqola mazmunini qisqacha bayon qilish va muallif nuqtayi nazarini tahlil qilish bo‘yicha mashqlarni bajardilar.
📚 Yakunda gazeta maqolalarini samarali o‘qish bo‘yicha tavsiyalar berildi. Talabalarga mustaqil topshiriqlar berilib, keyingi mashg‘ulot mavzusi muhokama qilindi.
📱 Faol ishtirokchilarni post izohlarida o‘z taassurotlari va gazeta maqolalarini o‘qishdagi tajribalari bilan bo‘lishishga taklif qilamiz!