🟦🟦🟦

INGLIZ TILI UCHINCHI FAKULTETIDA 1-KURS TALABALARI KUTIB OLINDI

O‘zbekiston davlat jahon tillari universitetining Ingliz tili uchinchi fakultetida 2026/2027-o‘quv yilida tahsil olish uchun qabul qilingan 1-kurs talabalarini kutib olish marosimi bo‘lib o‘tdi.

Tadbirda universitet rektori Ilxomjon Tuxtasinov hamda Ingliz tili uchinchi fakulteti dekani Ilhom Xaydarov ishtirok etib, yangi talabalarni universitet jamoasiga qo‘shilganlari bilan samimiy muborakbod etdilar.

Uchrashuvda rektor yoshlarni yangi bosqich bilan tabriklab, xorijiy tillarni puxta egallash, zamonaviy bilim va ko‘nikmalarni rivojlantirish, o‘z ustida muntazam ishlash hamda universitet imkoniyatlaridan samarali foydalanish bo‘yicha tavsiyalar berdi.

Fakultet dekani esa talabalarga ta’lim jarayoni, fakultetda yaratilgan sharoitlar va talabalar uchun mavjud imkoniyatlar haqida ma’lumot berdi.

Shuningdek, 1-kurs talabalari universitetning ichki tartib-qoidalari, ta’lim jarayoni va talabalik hayotiga oid muhim jihatlar bilan tanishtirildi.

Tadbir davomida eng yuqori ball bilan talabalikka qabul qilingan 1-kurs talabalariga tashakkurnomalar topshirildi.

📚 “Kelajak soati” darsining 1-mavzusi doirasida esa talabalarga “Yagona Vatan, yagona xalq bo‘lib, yangi hayot va kelajak yaratamiz!” mavzusida mashg‘ulot o‘tkazildi.

Dars davomida yoshlarning vatanparvarlik tuyg‘usini mustahkamlash, faol fuqarolik pozitsiyasini shakllantirish, mustaqillikning mazmun-mohiyatini anglash hamda kelajakdagi maqsadlarini belgilashga alohida e’tibor qaratildi.

Yangi talabalik davringiz muborak bo‘lsin! Barchangizga bilim olish va izlanish yo‘lida muvaffaqiyat tilaymiz!

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

🇺🇿“YANGI O‘ZBEKISTON — YOSHLAR NIGOHIDA”

🇺🇿O‘zbekiston davlat jahon tillari universiteti
🇬🇧Ingliz tili 3-fakultetida
“Yangi O‘zbekiston — yoshlar nigohida” mavzusida davra suhbati tashkil etildi.

🇺🇿Tadbir davomida yoshlarning jamiyatdagi o‘rni, mamlakatimizda yoshlarga yaratib berilayotgan imkoniyatlar, ta’lim va ilm-fan sohasidagi yangiliklar hamda yoshlarning kelajakdagi maqsadlari haqida fikr almashildi.

✅Mazkur davra suhbati Yoshlar masalalari bo‘yicha dekan o‘rinbosari M. Jakbarov, fakultet tyutori M. Murodullayeva hamda fakultet yoshlar yetakchisi J. Sayliyeva boshchiligida tashkil etildi.

✅Tadbir yoshlarni Vatanga muhabbat, faol fuqarolik pozitsiyasi va yurt kelajagiga daxldorlik ruhida tarbiyalashga xizmat qildi.

#YangiO‘zbekiston
#YoshlarNigohida
#InglizTili3Fakulteti
#YoshlarYetakchisi

Malayziyaning Sulton Idris ta’lim universiteti vakillarining O‘zDJTUga tashrifi

8-sentabr kuni O‘zbekiston davlat jahon tillari universitetida Malayziyaning Sulton Idris ta’lim universiteti vakillari bilan uchrashuv bo‘lib o‘tdi.

Uchrashuvda Malayziya tomonidan professor, doktor Raja Nor Safinas binti Raja Harun — Akademik va xalqaro masalalar bo‘yicha prorektor hamda dotsent, doktor Norliza Jamaluddin — Akademik va xalqaro masalalar bo‘yicha dekan o‘rinbosari ishtirok etdilar.

O‘zbekiston davlat jahon tillari universiteti tomonidan rektor I. Tuxtasinov, O‘zDJTU huzuridagi pedagog kadrlarni qayta tayyorlash va malaka oshirish tarmoq markazi direktori J. Abduganiyeva, Xalqaro aloqalar bo‘limi boshlig‘i X. Yuldashev, 3-ingliz tili fakulteti dekani I. Haydarov, 2-chet tillar kafedrasi mudiri E. Muydinova hamda malay tili o‘qituvchisi A. Yuldashev ishtirok etdi.

Uchrashuv davomida tomonlar ta’lim va ilmiy hamkorlikni yanada rivojlantirish, o‘zaro tajriba almashish hamda yangi qo‘shma loyihalarni amalga oshirish masalalarini muhokama qildilar.

Xususan, malayziyalik talabalarning O‘zbekiston davlat jahon tillari universitetida amaliyot o‘tashini tashkil etish, o‘qituvchilar almashinuvini kengaytirish va pedagoglar uchun malaka oshirish kurslarini tashkil qilish bo‘yicha fikr almashildi.

Shuningdek, tomonlar hamkorlikda xalqaro konferensiya va seminar-treninglarni onlayn hamda oflayn shaklda tashkil etish, yuqori impakt-faktorli va xalqaro indeksatsiyalangan ilmiy jurnallarda hammualliflikda ilmiy maqolalar chop etish masalalarini muhokama qildilar.

Uchrashuvda qo‘shma ta’lim dasturlarini yo‘lga qo‘yish va talabalar uchun grantlar ajratish masalalariga alohida e’tibor qaratildi. Ushbu yo‘nalishlarda hamkorlikni rivojlantirish talabalarning xalqaro ta’lim imkoniyatlarini kengaytirish, akademik mobilligini oshirish hamda ularni qo‘llab-quvvatlashga xizmat qilishi ta’kidlandi.

Uchrashuv yakunida tomonlar o‘zaro manfaatli hamkorlikni yanada mustahkamlash va belgilangan yo‘nalishlar bo‘yicha amaliy ishlarni davom ettirishga kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayt