O‘zbekiston davlat jahon tillari universiteti 3-ingliz fakultet tyutori Sh.Hazratova tashabbusi bilan 1-bosqich Filologiya va tillarni o‘qitish yo‘nalishi 2631-2632-guruh talabalari ishtirokida “Mustaqillik soati” mavzusida ma’naviy-ma’rifiy tadbir tashkil etildi.

Tadbirda 3-ingiliz fakulteti ma’naviy-ma’rifiy ishlar bo’yicha dekan muovini M.J.Jakbarov hamda Xotin qizlar bo’yicha dekan maslahatchisi Z.A.Ismoilova mehmon sifatida ishtirok etdi.
Yosh avlod qalbida Vatanga muhabbat, milliy g‘urur va iftixor tuyg‘ularini shakllantirish, O‘zbekiston Respublikasining mustaqilligi va uning tarixiy ahamiyati haqida tushuncha berish, o‘quvchilarni tinchlik va osoyishtalikni qadrlash ruhida tarbiyalash.

Belgilangan sana va vaqtda “Mustaqillik soati” mavzusida ma’naviy-ma’rifiy tadbir tashkil etildi. Tadbir O‘zbekiston Respublikasi Davlat madhiyasi bilan boshlandi.

Tadbir davomida yurtimiz mustaqillikka erishgan tarixiy sana, mustaqillik yillarida mamlakatimizda amalga oshirilgan bunyodkorlik ishlari, ta’lim, madaniyat, sport va boshqa sohalardagi yutuqlar haqida ma’lumotlar berildi.

O‘quvchilarga mustaqillikning xalqimiz hayotidagi o‘rni, tinchlik va barqarorlikning ahamiyati haqida tushunchalar berildi. Shuningdek, Vatan, ona yurt va mustaqillikni madh etuvchi she’rlar, hikmatli so‘zlar hamda sahna ko‘rinishlari namoyish etildi.

Tadbirda o‘quvchilar faol ishtirok etib, Mustaqillik bayramiga bag‘ishlangan she’r va qo‘shiqlar ijro etdilar. Tadbir yakunida ishtirokchilarga mustaqillikni asrab-avaylash, Vatanga sadoqatli va bilimli yoshlar bo‘lib voyaga yetish zarurligi ta’kidlandi.