O‘zbekiston davlat jahon tillari universiteti Ingliz tili 3-fakulteti, Ingliz tili amaliy fanlar №3 kafedrasi o‘qituvchisi M.N.Isamuxamedova tomonidan 7-sentabr, 2026-yi sanasida 1-kurs talabalari uchun "Mustaqillik darsi" otkazildi.

Dars mavzusi: “Biz bir bo‘lsak – yagona xalqimiz, birlashsak – Vatanmiz!” / "Yangi O‘zbekiston – qadr-qimmati ulug‘langan insonlar yurti"

1. Kirish va darsning dolzarbligi
O‘zbekiston Respublikasi Mustaqilligining 35 yilligi hamda yangi 2026-2027 o‘quv yilining boshlanishi munosabati bilan, O‘zDJTU Ingliz tili 3-fakulteti 1-kurs talabalari uchun vatanparvarlik ruhidagi "Mustaqillik darsi" tashkil etildi. Universitet ostonasiga ilk bor qadam qo‘ygan talaba-yoshlarda milliy g‘urur, istiqlol g‘oyalariga sadoqat va Yangi O‘zbekistonda ta’lim sohasida amalga oshirilayotgan islohotlarga daxldorlik hissini shakllantirish ushbu darsning bosh maqsadi etib belgilandi.

2. Darsning borishi va interaktiv qismi
Kafedra o‘qituvchisi M.N.Isamuxamedova darsni interaktiv uslubda olib bordi. Dars jarayoni quyidagi asosiy bloklardan iborat bo‘ldi:
Tarixiy xotira va istiqlol nafasi: O‘zbekiston mustaqillikka erishish yo‘lida bosib o‘tgan murakkab tarixiy yo‘l, istiqlolning xalqimiz taqdiri va yoshlar kelajagidagi o‘rni slaydlar yordamida ko‘rsatib berildi.
Yoshlar uchun yaratilgan imkoniyatlar (Opportunities for Youth): O‘zbekistonda oliy ta’lim tizimini rivojlantirish, xalqaro hamkorlik hamda til o‘rganuvchi yoshlar uchun yaratilgan sharoitlar statistik ma’lumotlar bilan tushuntirildi. Talabalarga kelajakda malakali kadrlarga bo‘lgan ehtiyoj yuqoriligi ta’kidlandi.
Interaktiv muloqot va "Mening hissam" loyihasi: Dars davomida talabalar kichik guruhlarga bo‘linib, Yangi O‘zbekiston rivojiga qanday hissa qo‘shishim mumkin? mavzusida aqliy hujum o‘tkazdilar. 1-kurs talabalari o‘zlarining kelajakdagi maqsadlari va loyihalari bilan o‘rtoqlashdilar.

3. Pedagogik tahlil va xulosa
O‘tkazilgan mustaqillik darsi talabalarda katta taassurot qoldirdi. Dars shunchaki ma’ruza formatida emas, balki talabalar bilan ochiq muloqot va munozara shaklida o‘tdi. Bu universitet muhitiga endigina moslashayotgan 1-kurs yoshlarining o‘zaro birdamligini oshirishga va motivatsiya olishiga xizmat qildi.

Talabalar o‘zlarini qiziqtirgan savollarga kafedra o‘qituvchisi tomonidan batafsil javoblar oldilar.

O‘zbekiston davlat jahon tillari universiteti Ingliz tili 3-fakulteti, Ingliz tili amaliy fanlar №3 kafedrasi o‘qituvchisi M.F.Bahronova tomonidan 9-Sentabr 2026 yil sanasida 1-kurs talabalari uchun "Universitet kutubxonasi va muzeyi " doirasida tanishtiruv darsi o'tkazildi.

Tadbirda ishtirok etdilar:
Universitet professor-o‘qituvchilari, talabalar hamda kutubxona va muzey mas’ullari.

Talabalarni universitet kutubxonasi faoliyati bilan tanishtirildi;
Kutubxonadagi mavjud adabiyotlar, o‘quv zallari va elektron resurslardan foydalanish tartibi haqida ma’lumot berildi;
Talabalarning kitobxonlik va muzey madaniyatini oshirish bo‘yicha tavsiyalar berildi.

Tadbir davomida talabalarga universitet kutubxonasining faoliyati, undan foydalanish qoidalari, mavjud adabiyotlar va elektron axborot-resurslari haqida batafsil ma’lumot berildi.
Shuningdek, talabalar kutubxonaning o‘quv zallari, kitob fondi hamda elektron resurslaridan samarali foydalanish imkoniyatlari bilan tanishtirildi.
Shundan so‘ng ishtirokchilar universitet muzeyiga tashrif buyurib, undagi tarixiy hujjatlar, eksponatlar va universitet tarixiga oid ma’lumotlar bilan yaqindan tanishdilar. Muzey mas’uli tomonidan eksponatlarning yaratilish tarixi va ahamiyati haqida tushuntirishlar berildi.
Tadbir davomida talabalarga kitob mutolaasi bilan muntazam shug‘ullanish, kutubxona imkoniyatlaridan unumli foydalanish hamda universitetning tarixiy va madaniy merosini asrab-avaylash bo‘yicha tavsiyalar berildi.

Xulosa:
Talabalar universitet kutubxonasi imkoniyatlaridan muntazam va samarali foydalanishlari tavsiya etildi.
Talabalarning kitobxonlik madaniyatini oshirishga qaratilgan ma’naviy-ma’rifiy tadbirlar muntazam tashkil etilib,
Universitet muzeyi bilan hamkorlikda talabalar uchun tanishtiruv ekskursiyalari va ma’rifiy tadbirlarni davom ettirish belgilandi.

📢 “TALABA VA TADBIRKORLIK” TARG‘IBOT HAFTALIGI DOIRASIDA UCHRASHUV O‘TKAZILDI ✅️



🇬🇧 O‘zbekiston davlat jahon tillari universiteti Ingliz tili 3-fakultetining 21–29-guruh talabalari bilan fakultet tyutori M. Murodullayeva ishtirokida “Talaba va tadbirkorlik” targ‘ibot haftaligi doirasida mazmunli uchrashuv tashkil etildi.

💡 Uchrashuvning asosiy maqsadi — yoshlarda tadbirkorlikka qiziqish uyg‘otish, mustaqil fikrlash ko‘nikmalarini rivojlantirish, shuningdek, talabalik davrida mavjud imkoniyatlardan unumli foydalanishga undashdan iborat bo‘ldi.

📌 Suhbat davomida tadbirkorlik faoliyatining mazmun-mohiyati, yoshlar uchun yaratilayotgan imkoniyatlar, yangi g‘oyalarni amalga oshirish va kelajakdagi kasbiy faoliyatni to‘g‘ri rejalashtirish masalalariga alohida e’tibor qaratildi.

🤝 Tadbir davomida talabalar o‘zlarini qiziqtirgan savollar bilan murojaat qilib, tadbirkorlik sohasidagi imkoniyatlar yuzasidan fikr va mulohazalarini bildirdilar.


Bizni kuzatishda davom eting.
https://t.me/thirdEnglishfaculty

🇬🇧 O‘zbekiston davlat jahon tillari universiteti Ingliz tili 3-fakulteti tyutori G. Mardonova boshchiligida 1-bosqich talabalari hamda professor-o‘qituvchilar ishtirokida “Inson qadri” mavzusida davra suhbati bo‘lib o‘tdi.

💬 Insonning jamiyatdagi o‘rni, uning sha’ni, qadr-qimmati va insoniy fazilatlari haqida fikr almashilgan mazkur suhbat davomida talaba-yoshlar uchun muhim bo‘lgan hayotiy masalalar atroflicha muhokama qilindi.

Ustozlar o‘zlarining hayotiy tajribalari va misollari orqali mavzuni keng yoritib, insonni qadrlash, o‘zaro hurmat va mehr-oqibatning ahamiyati haqida qimmatli fikrlarini bildirdilar.

📝 Suhbat davomida talabalar o‘zlarini qiziqtirgan savollariga javob oldilar, mavzu yuzasidan o‘z fikr va mulohazalarini bildirdilar. Tadbir yakunida har bir ishtirokchi o‘zi uchun muhim bo‘lgan xulosalar va hayotiy saboqlarni oldi.

#O‘zDJTU #InglizTili3Fakulteti #InsonQadri #DavraSuhbati #TalabaYoshlar