🟦🟦🟦

INGLIZ TILI 3-FAKULTETIDA “RAHBAR VA YOSHLAR” UCHRASHUVI BO‘LIB O‘TDI

O‘zbekiston davlat jahon tillari universitetining Ingliz tili 3-fakultetida talaba-yoshlarning taklif va murojaatlarini tinglash, ularni qiynayotgan masalalarni o‘rganish hamda yoshlarning tashabbuslarini qo‘llab-quvvatlash maqsadida “Rahbar va yoshlar” uchrashuvi tashkil etildi.

Uchrashuvda universitet rektori Ilxomjon Tuxtasinov, Ingliz tili 3-fakulteti dekani Ilhom Xaydarov professor-o‘qituvchilar hamda faol talaba-yoshlar ishtirok etdi. Ochiq muloqot davomida talabalar ta’lim jarayoni, fakultet faoliyati, mavjud imkoniyatlar va o‘zlarini qiziqtirgan boshqa masalalar yuzasidan savol va takliflarini bildirdilar. Rektor tomonidan talabalarning murojaatlari tinglanib, bildirilgan takliflar yuzasidan tegishli tushuntirish va tavsiyalar berildi.

Shuningdek, fakultet dekani Ilhom Xaydarov talabalarning o‘quv jarayonidagi faolligi, ilmiy izlanishlari va fakultet hayotidagi ishtiroki haqida so‘z yuritib, kelgusida amalga oshirilishi rejalashtirilgan ishlar hamda yaratilayotgan imkoniyatlar haqida ma’lumot berdi. Talabalar yanada faol va tashabbuskor bo‘lishga chorlandi.

Uchrashuv yakunida talabalar tomonidan bildirilgan ijtimoiy va o‘quv jarayoniga oid taklif hamda tashabbuslarni amalga oshirish yuzasidan tegishli vazifalar belgilandi. Bildirilgan murojaatlarning ijrosini ta’minlash maqsadida mas’ul xodimlar va tyutorlar biriktirildi.

Yoshlar bilan bunday ochiq va samimiy muloqotlarni muntazam davom ettirish, ularning takliflarini o‘rganish hamda istiqbolli tashabbuslarini qo‘llab-quvvatlash yuzasidan kelishuvga erishildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

🇺🇿“VATAN TARAQQIYOTIGA MENING HISSAM” MAVZUSIDA OCHIQ MULOQOT

🇺🇿O‘zbekiston davlat jahon tillari universiteti 🇬🇧Ingliz tili 3-fakultetida tahsil olayotgan talabalar o‘rtasida “Vatan taraqqiyotiga mening hissam” mavzusida ochiq muloqot tashkil etildi.

🇺🇿Tadbir davomida yoshlarning Vatan ravnaqiga qo‘shishi mumkin bo‘lgan hissasi, ta’lim olish, zamonaviy kasblarni egallash, xorijiy tillarni o‘rganish, ilm-fan va innovatsiyalar bilan shug‘ullanish hamda jamiyat hayotida faol ishtirok etish masalalari muhokama qilindi.

✅Ochiq muloqot jarayonida talabalar o‘zlarini qiziqtirgan savollar bilan murojaat qilib, ta’lim, kelajakdagi kasbiy faoliyat va yoshlar uchun yaratilayotgan imkoniyatlar yuzasidan fikr va takliflarini bildirdilar.

✅Tadbir yakunida yoshlarni Vatanga sadoqat, mas’uliyat, tashabbuskorlik va bilimga intilish ruhida tarbiyalash, ularning kelajakdagi faol ishtiroki mamlakat taraqqiyotida muhim ahamiyatga ega ekanligi ta’kidlandi.

✅Bilimli va faol yoshlar — yurt taraqqiyotining muhim tayanchi!