🙂🙂🙂🙂🙂🙂🙂🙂🙂🙂

🌳FAKULTET DARAXTI — BIRLIK VA XOTIRALAR TIMSOLI

🇺🇿O‘zbekiston davlat jahon tillari universiteti
🇬🇧Ingliz tili 3-fakulteti
🇺🇿Yoshlar ittifoqi boshlang‘ich tashkiloti fakultet kengashi tomonidan talabalarning birdamligi va fakultetga bo‘lgan mehrini aks ettiruvchi “Fakultet daraxti” challenge’i tashkil etildi.

🌱Har bir talaba daraxtda o‘zining qo‘l izini qoldirib, fakultet hayotidagi unutilmas lahzalarga o‘z hissasini qo‘shdi.

👍Bu qo‘l izlari — shunchaki rangli izlar emas. Ular bizning birligimiz, do‘stligimiz, bugungi kunimiz va kelajak sari birgalikdagi qadamlarimiz ramzidir.

🌳Bugun qoldirilgan har bir iz — ertangi kun xotirasi.
Fakultetimiz daraxti esa bizni birlashtiruvchi ildizlar, katta orzular va yorqin kelajak sari o‘sib borayotgan ramziy daraxtga aylandi.

⭐️Bir fakultet. Bir jamoa. Bir daraxt. Minglab unutilmas izlar!

✅Telegram 🌐Instagram

🟦🟦🟦🟦

TARJIMONLIK VA INGLIZ TILI 3-FAKULTETLARI TALABALARI UCHUN «WORK AND TRAVEL» DASTURI BO‘YICHA SEMINAR-TRENING O‘TKAZILDI

2026-yil 6-oktabr kuni O‘zbekiston davlat jahon tillari universitetining Xalqaro hamkorlik bo‘limi va Karyera markazi hamkorligida «YOUTH GLOBE» xususiy bandlik agentligi tomonidan Tarjimonlik va Ingliz tili 3-fakultetlari talabalari uchun «Work and Travel» dasturiga bag‘ishlangan seminar-trening tashkil etildi.

Tadbirda talabalarga dasturda ishtirok etish shartlari va talablari, zarur hujjatlarni rasmiylashtirish jarayoni, xorijda ishlash va yashash imkoniyatlari haqida batafsil ma’lumot berildi. Shuningdek, xalqaro imkoniyatlardan foydalanish, xorijda tajriba orttirish hamda zamonaviy mehnat bozorida o‘z imkoniyatlarini kengaytirish masalalariga alohida e’tibor qaratildi.

Seminarning amaliy qismida tashkil etilgan workshoplarda talabalar interaktiv mashg‘ulotlar va amaliy topshiriqlarda faol ishtirok etdilar. Xorijiy ish beruvchilar bilan muloqot qilish, o‘z imkoniyatlarini to‘g‘ri namoyon etish hamda xalqaro mehnat muhitiga moslashish bo‘yicha amaliy ko‘nikmalarini rivojlantirdilar.

Tadbir yakunida talabalar o‘zlarini qiziqtirgan savollar bilan murojaat qilib, «Work and Travel» dasturida ishtirok etish hamda xorijda xalqaro tajriba orttirish imkoniyatlari yuzasidan qo‘shimcha ma’lumotlarga ega bo‘ldilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Sana: 07.10.2026-yil
Joy: 1-son talabalar turar joyi
Mas’ul: Ingliz tili amaliy fanlar-3 kafedrasi o‘qituvchisi Radjabova Dildora Karimberdiyevna.

2026-yil 7-oktabr kuni Ingliz tili amaliy fanlar-3 kafedrasi o‘qituvchisi Radjabova Dildora Karimberdiyevna tomonidan 1-son talabalar turar joyida istiqomat qilayotgan talabalar bilan “1-oktabr — Ustoz va murabbiylar kuni” munosabati bilan “Ustoz — ma’rifat chrog‘i, hayotimiz yo‘lchi yulduzi” mavzusida davra suhbat tashkil etildi.
Suhbatdan ko‘zlangan asosiy maqsad — yosh avlod qalbida ustoz va murabbiylarga nisbatan yuksak hurmat-ehtirom, sadoqat va minnatdorlik tuyg‘ularini shakllantirish, “ustoz-shogird” an’analarini ulug‘lash, ilm-ma’rifatga intilish tuyg‘usini oshirish hamda talaba-yoshlar o‘rtasida o‘zaro odob-axloq, mehr-oqibat va hamjihatlik muhitini yanada yuksaltirishdan iborat bo‘ldi.
Tadbir davomida talabalarga ustozlik kasbining naqadar ulug‘ ekanligi, yoshlarning komil inson va yetuk mutaxassis bo‘lib yetishishida murabbiylarning chekayotgan fidokorona mehnatlari hamda zahmatlari haqida so‘zlab berildi. Shuningdek, talabalarga o‘z ustozlarining o‘gitlariga rioya qilish, ularga munosib shogird bo‘lish hamda o‘z xatti-harakatlari, odob-axloqi va erishayotgan yutuqlari bilan ustozlar ishonchini oqlash zarurligi ta’kidlandi.
Suhbat jarayonida TTJda istiqomat qilayotgan yoshlar o‘z hayot yo‘llarida chuqur iz qoldirgan qadrdon ustozlari haqida iliq xotiralari bilan o‘rtoqlashdilar. Talabalar tomonidan ustoz va murabbiylarni ulug‘lovchi she’rlar, hikmatli so‘zlar hamda dildagi eng samimiy tilaklar bildirildi.
Shuningdek, uchrashuvda talabalarning TTJdagi odob-axloqi, tartib-qoidalarga rioya qilishi ham ularga ta’lim-tarbiya berayotgan ustozlarining mehnatiga bo‘lgan hurmat ko‘rinishi ekanligi alohida tushuntirib o‘tildi.
Tadbir yakunida talabalarga o‘z ustozlariga munosib bo‘lish yo‘lida doimo a’lo baholarga o‘qish, TTJda belgilangan ichki tartib va yashash madaniyati qoidalariga qat’iy rioya qilish hamda doimiy ravishda o‘z ustida ishlab, vatanimiz ravnaqiga hissa qo‘shadigan yetuk kadrlar bo‘lib yetishish bo‘yicha tegishli tavsiyalar berildi.
Mazkur ma’naviy-ma’rifiy tadbir talabalarning ma’naviy dunyoqarashini boyitish, milliy qadriyatlarimizga sadoqat va ustozlarga bo‘lgan cheksiz hurmat ko‘nikmalarini yanada mustahkamlashga xizmat qildi.

🟦🟦🟦🟦🟦🟦🟦

🔈O‘zDJTU Ingliz tili 3-fakulteti 1-bosqich talabalari uchun “TEXT TITANS” to‘garagining 2-mashg‘uloti bo‘lib o‘tdi!
🗓 7-oktabr kuni Ingliz tili amaliy fanlar 3-kafedrasi katta o‘qituvchisi D. Kamalova rahbarligida “Skimming and Scanning Strategies” mavzusida mashg‘ulot tashkil etildi.

📝Dars avvalida talabalar “Warm-up” mashqlari orqali mavzuga kirishib, matnni tez va samarali o‘qish usullari haqida fikr almashdilar.

💡 Nazariy qismda ishtirokchilar skimming — matnning umumiy mazmunini tezda anglash, hamda scanning — matndan muayyan ma’lumotni tez topish strategiyalari bilan tanishdilar.

💻 Amaliy bosqichda talabalar turli matnlar bilan ishladilar: matnning asosiy mazmunini aniqlash, berilgan savollarga javob topish va kerakli ma’lumotlarni tez izlab topish bo‘yicha mashqlarni bajardilar.

📚 Yakunda mashg‘ulot umumlashtirilib, talabalar uchun mustaqil topshiriqlar berildi hamda keyingi mashg‘ulot mavzusi muhokama qilindi.

✅Faol ishtirokchilarni post izohlarida o‘z taassurotlari va takliflari bilan o‘rtoqlashishga taklif qilamiz!

🙂🙂🙂🙂🙂🙂🙂🙂🙂🙂

FAKULTETIMIZDA FAOL HAYOT DAVOM ETMOQDA!

🇺🇿O‘zbekiston davlat jahon tillari universiteti
🇺🇿Yoshlar ittifoqi boshlang‘ich tashkiloti
🇬🇧Ingliz tili 3-fakulteti kengashi tomonidan talabalar bo‘sh vaqtini mazmunli tashkil etish, ularning bilim va salohiyatini rivojlantirish hamda iste’dodlarini qo‘llab-quvvatlash maqsadida bir qator mazmunli tashabbuslar amalga oshirilmoqda.

🌍MILLIYLIK HAQIDA MUNOZARA

“Globallashuv milliylikni yo‘qotadimi yoki rivojlantiradimi?” mavzusida tashkil etilgan munozarada talabalar milliy qadriyatlar, madaniyat, til va globallashuv jarayonlari haqida o‘z fikrlarini erkin ifoda etdilar.

✅Turli qarashlar va asosli fikrlar almashinuvi orqali yoshlarimiz nafaqat o‘z nuqtayi nazarini himoya qildilar, balki boshqalarning fikrini tinglash va tahlil qilish ko‘nikmalarini ham rivojlantirdilar.

🎶MUSIC CLUB — ILK QADAMLAR!

✅Fakultetimizning ijodkor va san’atga qiziquvchi yoshlari uchun Music Club o‘z faoliyatini boshladi!
Endilikda talabalar o‘z iste’dodlarini namoyon etish, musiqa olamida yangi qobiliyatlarini kashf etish va ijodiy muhitda birlashish imkoniyatiga ega bo‘ladilar.

📚 ZAKOVAT — BILIM VA TAFAKKUR MAYDONI

🇺🇿Intellektual salohiyatni sinovdan o‘tkazuvchi “Zakovat” musobaqasi ham tashkil etildi.
Qiziqarli savollar, tezkor javoblar va jamoaviy fikrlash orqali talabalar o‘z bilimlarini sinovdan o‘tkazib, mantiqiy tafakkur va jamoada ishlash qobiliyatlarini namoyon etdilar.

✅ SPEAKING CLUB — ENGLISH STARTS HERE!

🇺🇿Talabalarning ingliz tilida erkin va ishonchli muloqot qilish ko‘nikmalarini rivojlantirish maqsadida Speaking Club ham o‘z faoliyatini boshladi.
Bu klub — yangi so‘zlarni o‘rganishdan ko‘ra ko‘proq gapirish, fikr almashish, xatolardan qo‘rqmaslik va o‘ziga bo‘lgan ishonchni oshirish uchun yaratilgan ochiq maydon.

⭐️Bir fakultet — turli yo‘nalishlar — yagona maqsad!
🎙️Fikr bildirish
🎶Ijod qilish
🧠Bilimni sinash
🇺🇿Erkin muloqot qilish

🇬🇧 Ingliz tili 3-fakulteti — bilim, ijod, tashabbus va imkoniyatlar birlashadigan maskan!

📸Fakultetimiz hayotidagi ushbu yorqin jarayonlardan eng sara lahzalarni fotolavhalarda tomosha qiling!

📱Telegram 📱Instagram