2026-yil 8️⃣-oktabr kuni Ingliz tili amaliy fanlar №3 kafedrasiga biriktirilgan 2634-guruh talabalari Abdurashitova Farangizbonu va Haydarova Zarnigor tomonidan Toshkent shahar Chilonzor tumanidagi 168-sonli umumiy o‘rta ta’lim maktabida 4-sinf o‘quvchilari uchun “I Am Good At...” mavzusida navbatdagi ingliz tili to‘garak mashg‘uloti tashkil etildi.
🎯 Mashg‘ulotning asosiy e’tibori o‘quvchilarning o‘z qobiliyatlari, qiziqishlari va iste’dodlarini ingliz tilida ifodalash ko‘nikmalarini rivojlantirishga qaratildi.
🎨🎵 Dars davomida bolalar drawing, singing, dancing, swimming, reading, playing football kabi faoliyatlarga oid so‘z va iboralarni o‘rganib, “I am good at drawing”, “I am good at singing”, “My friend is good at dancing” singari gaplar yordamida o‘zlari va do‘stlarining qobiliyatlari haqida fikr bildirdilar.
🎲 “Guess My Talent”, “Find Someone Who...” va “My Special Talent” kabi interfaol o‘yinlar va ijodiy topshiriqlar mashg‘ulotga o‘zgacha zavq bag‘ishladi. O‘quvchilar o‘z iste’dodlarini namoyish etish, tengdoshlari bilan ingliz tilida muloqot qilish va yangi bilimlarini amaliyotda qo‘llash imkoniyatiga ega bo‘ldilar.
💡 Mashg‘ulotning yana bir muhim jihati shundaki, bolalarga har bir inson o‘ziga xos iste’dodga ega ekanligi, qobiliyatlarni rivojlantirishda esa intilish, mehnat va o‘ziga ishonch muhim o‘rin tutishi tushuntirildi.
✨ Mazkur mashg‘ulot o‘quvchilarning ingliz tiliga bo‘lgan qiziqishini oshirish bilan birga, ularning ijodkorligi, mustaqil fikrlashi, o‘ziga ishonchi va kommunikativ ko‘nikmalarini rivojlantirishga xizmat qildi.