O‘zbekiston Respublikasi Prezidentining farmoni bilan Turdimov Erkinjon Oqbutayevich O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri lavozimiga tayinlandi va shu munosabat bilan Sirdaryo viloyati hokimi lavozimidan ozod etildi.

Bundan ilgariroq E.Turdimov nomzodi Oliy Majlis Qonunchilik palatasi deputatlari tomonidan ma’qullangan edi.

Shuningdek, tegishli farmon bilan O‘zbekiston Respublikasi Vazirlar Mahkamasi ijro etuvchi tuzilmasida O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri lavozimi kiritildi. Ta’lim, ilm-fan va sog‘liqni saqlash masalalari kotibiyati tashkil qilindi.

Bosh vazirning birinchi o‘rinbosari – ta’lim va ilm-fan vaziri respublika ijro etuvchi hokimiyat organlari – vazirliklar, qo‘mitalar, agentliklar va inspeksiyalar rahbarlari hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining ta’lim, ilm-fan va sog‘liqni saqlash sohalarida zimmasiga yuklatilgan vazifa va funksiyalarni amalga oshirish bo‘yicha faoliyatiga vakolati doirasida umumiy rahbarlik qilishi, ularni muvofiqlashtirishi belgilandi.

Ushbu yo‘nalishlar ijrosini nazorat qilish va tashkil qilish O‘zbekiston Respublikasi Prezidenti Administratsiyasi Rahbari S.Sh. Mirziyoyeva zimmasiga yuklandi.
—
Указом Президента Республики Узбекистан Турдимов Эркинжон Окбутаевич назначен на должность первого заместителя Премьер-министра – министра образования и науки Республики Узбекистан и в связи с этим освобожден от должности хокима Сырдарьинской области.

Ранее кандидатура Э.Турдимова была одобрена депутатами Законодательной палаты Олий Мажлиса.

Также, соответствующим указом в исполнительной структуре Кабинета Министров Республики Узбекистан введена должность первого заместителя Премьер-министра – министра образования и науки Республики Узбекистан. Образован Секретариат по вопросам образования, науки и здравоохранения.

Определено, что первый заместитель Премьер-министра – министр образования и науки в пределах своих полномочий осуществляет общее руководство и координацию деятельности руководителей республиканских органов исполнительной власти – министерств, комитетов, агентств и инспекций, а также Председателя Совета Министров Республики Каракалпакстан, хокимов областей и города Ташкента по выполнению возложенных на них задач и функций в сферах образования, науки и здравоохранения.

Контроль и организация исполнения задач по указанным направлениям возложены на Руководителя Администрации Президента Республики Узбекистан С.Ш. Мирзиёеву.

Facebook|Instagram|X

🌸 11-OKTABR – XALQARO QIZLAR KUNI MUBORAK BO‘LSIN!

Aziz va mo‘tabar ayollar, go‘zal, aql-zakovatli va zukko qizlarimiz, qadrli talabalar!

Sizlarni bugungi go‘zallik, nafosat va ilm bayrami – Xalqaro qizlar kuni bilan O‘zbekiston davlat jahon tillari universiteti, Ingliz tili 3-fakulteti jamoasi nomidan chin qalbdan samimiy muborakbod etamiz!

Qizlarimiz nafaqat oilamiz ko‘rki, balki jamiyatimizning, ilm-fan va taraqqiyotimizning harakatlantiruvchi kuchi, ertangi kunimizning mustahkam poydevoridir. Ayniqsa, xorijiy tillarni g‘ayrat va ishtiyoq bilan o‘rganayotgan, xalqaro maydonda yurtimiz sharafini munosib himoya qilishga intilayotgan siz kabi bilimdon talaba-qizlarimiz bilan har qancha faxrlansak arziydi!

Har doim o‘z oldingizga yuksak maqsadlarni qo‘ying, bilim olishdan va yuksalishdan aslo to‘xtamang. Zero, sizlarning muvaffaqiyatingiz – yurtimizning muvaffaqiyatidir!

Yana bir bor bayramingiz muborak bo‘lsin, aziz qizlar!

Hurmat bilan,
Zarifa Ismoilova