🟦🟦🟦

REKTOR TALABALARNING IJARA XONADONLARIDAGI YASHASH SHAROITLARI BILAN TANISHDI

Bugun O‘zbekiston davlat jahon tillari universiteti rektori Ilxomjon Tuxtasinov universitet jamoasi vakillari bilan birgalikda ijara xonadonlarida istiqomat qilayotgan talabalar holidan xabar oldi.

Tashrif davomida talabalarning yashash sharoitlari, xonadonlardagi sanitariya-gigiyena holati, xavfsizlik choralari hamda kuz-qish mavsumiga tayyorgarlik masalalariga alohida e’tibor qaratildi.

Talabalar bilan samimiy suhbat o‘tkazilib, ularning ta’lim jarayoni, kundalik hayoti, mavjud muammolari va takliflari tinglandi. Rektor yoshlar uchun qulay va xavfsiz yashash sharoitlarini yaratish, ularning murojaatlariga o‘z vaqtida munosabat bildirish muhimligini ta’kidladi.

Shuningdek, xonadon egalari bilan muloqot qilinib, kuz-qish mavsumida xonadonlarni isitish tizimidan to‘g‘ri foydalanish, elektr va gaz jihozlari xavfsizligini ta’minlash, yong‘in xavfsizligi qoidalariga rioya etish hamda sovuq kunlarga puxta tayyorgarlik ko‘rish yuzasidan tegishli tavsiya va maslahatlar berildi.

Talabalar holidan muntazam xabar olish, ularning muammolarini o‘rganish hamda kuz-qish mavsumini xavfsiz va qulay sharoitda o‘tkazishlari uchun zarur choralarni ko‘rish universitet e’tiboridagi muhim vazifalardan biridir.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

IJARA XONADONLARIDA NAVBATDAGI MONITORING TASHRIFLARI

🇺🇿O‘zbekiston davlat jahon tillari universiteti
🇬🇧Ingliz tili 3-fakulteti dekani I. T. Xaydarov, fakultetning ma’naviy-ma’rifiy va yoshlar masalalari bo‘yicha dekan muovini L. T. Haqberdiyev hamda fakultet tyutorlari tomonidan ijara xonadonlarida istiqomat qilayotgan talabalar yashash sharoitlarini o‘rganish maqsadida navbatdagi monitoring tashriflari amalga oshirildi.

✅Tashrif davomida talabalarning yashash sharoitlari, xonadonlardagi maishiy qulayliklar, elektr va isitish tizimlarining xavfsizligi, dars tayyorlash uchun yaratilgan imkoniyatlar hamda ijara shartnomalarining mavjudligi o‘rganildi.

✅Shuningdek, talabalar bilan samimiy suhbatlar tashkil etilib, ularning kuz-qish mavsumiga oid taklif va muammolari tinglandi. Xavfsizlik qoidalariga rioya qilish, isitish moslamalaridan to‘g‘ri foydalanish hamda elektr jihozlarini ishlatishda ehtiyotkor bo‘lish yuzasidan zarur tavsiyalar berildi.

✅ Bunday monitoring tashriflarining asosiy maqsadi — talabalarning xavfsizligi va osoyishtaligini ta’minlash, ularning yashash sharoitlarini yaxshilash hamda mavjud muammolarni o‘z vaqtida aniqlash va bartaraf etishdan iborat.

✅ Biz uchun har bir talabaning salomatligi, xavfsizligi va farovonligi muhim!

🟦🟦🟦🟦🟦🟦🟦

📚JADIDLAR MEROSI — ILM VA UYG‘ONISH SARI YO‘L

🇺🇿O‘zbekiston davlat jahon tillari universiteti
🇬🇧Ingliz tili 3-fakulteti fakultet tyutori S.Berdiyeva va 2503-guruh ishtirokida milliy tariximizning muhim sahifalaridan biri bo‘lgan jadidchilik harakatiga bag‘ishlangan davra suhbati o‘tkazildi.

🇺🇿M. Behbudiy, A. Avloniy, A. Fitrat, M. Abdurashidxonov, Cho‘lpon va A. Qodiriy kabi buyuk ma’rifatparvarlarning faoliyati misolida ilmning qudrati, millat taqdiri uchun mas’uliyat va ozod fikrlashning ahamiyati muhokama qilindi.

✅Tadbir ishtirokchilari jadidlar boshlab bergan ma’rifat yo‘li bugungi yoshlar uchun ham ibrat maktabi ekanini yana bir bor angladilar. Zero, ularning orzusi — bilimli, tafakkuri teran va yurt kelajagiga befarq bo‘lmagan avlodni ko‘rish edi.

🟦🟦🟦🟦🟦🟦🟦

«Speakingni yaxshilab, Logistikani birga oʻrganamiz»: TALABALAR UCHUN Logistika TO‘GARAGI

🇺🇿O‘zbekiston davlat jahon tillari universitetining 1-sonli talabalar turar joyida rus tilini o‘rganishga qiziquvchi talabalar uchun «Speakingni yaxshilab , Logistikani birga oʻrganamiz» to‘garagi faoliyat olib bormoqda.

🇬🇧Ingliz tili 3-fakulteti talabasi Y. Uralovich tomonidan olib borilayotgan mashg‘ulotlar davomida talabalar logistika sohasidagi 💸bilimlarini mustahkamlash, og‘zaki nutq ko‘nikmalarini rivojlantirish va Amerika truck driverlari bilan erkin muloqot qilishni o‘rganmoqda.

🇺🇿Mazkur to‘garak nafaqat til o‘rganish, balki Amerika driverlari o‘rtasida do‘stona muhitni shakllantirish, yangi tanishlar orttirish hamda bo‘sh vaqtni mazmunli tashkil etishga ,qolaversa yaxshigina daromad qilishiga ham xizmat qilmoqda.

✅Zamonaviy kasblardan biri boʻlgan Logistikani o‘rganing, muloqot qiling va yangi imkoniyatlar sari intiling!

✅Batafsil ma'lumot uchun:
@Mr_Mamatovv