🟦🟦🟦🟦🟦🟦🟦

«Speakingni yaxshilab, Logistikani birga oʻrganamiz»: TALABALAR UCHUN Logistika TO‘GARAGI

🇺🇿O‘zbekiston davlat jahon tillari universitetining 1-sonli talabalar turar joyida rus tilini o‘rganishga qiziquvchi talabalar uchun «Speakingni yaxshilab , Logistikani birga oʻrganamiz» to‘garagi faoliyat olib bormoqda.

🇬🇧Ingliz tili 3-fakulteti talabasi Y. Uralovich tomonidan olib borilayotgan mashg‘ulotlar davomida talabalar logistika sohasidagi 💸bilimlarini mustahkamlash, og‘zaki nutq ko‘nikmalarini rivojlantirish va Amerika truck driverlari bilan erkin muloqot qilishni o‘rganmoqda.

🇺🇿Mazkur to‘garak nafaqat til o‘rganish, balki Amerika driverlari o‘rtasida do‘stona muhitni shakllantirish, yangi tanishlar orttirish hamda bo‘sh vaqtni mazmunli tashkil etishga ,qolaversa yaxshigina daromad qilishiga ham xizmat qilmoqda.

✅Zamonaviy kasblardan biri boʻlgan Logistikani o‘rganing, muloqot qiling va yangi imkoniyatlar sari intiling!

✅Batafsil ma'lumot uchun:
@Mr_Mamatovv

🟦🟦🟦🟦🟦🟦🟦

“BIRGA HAYOTNI SAQLAYMIZ!” — MILLIY DONORLIK AKSIYASI

🇺🇿O‘zbekiston davlat jahon tillari universiteti
🇬🇧Ingliz tili 3-fakultetida ma'naviy ma'rifiy ishlar bo‘yicha dekan muovini L. Haqberdiyev IPMBIB mutaxassisi N. Israilova va
Tyutorlar Burxonova D.
Murodullayeva M. boshchiligida insonparvarlik, mehr-oqibat va ijtimoiy mas’uliyat tamoyillarini targ‘ib qilish, talaba-yoshlar o‘rtasida donorlik madaniyatini shakllantirish muhim ahamiyat kasb etadi.

✅Qon donorligi — inson hayotini saqlab qolishga xizmat qiladigan ezgu va savobli amaldir. Bir insonning donorlik qilishi og‘ir ahvoldagi bemorlar, jarrohlik amaliyotiga muhtoj insonlar hamda shoshilinch tibbiy yordam olayotgan bemorlar hayotini saqlab qolishga hissa qo‘shishi mumkin.

✅Mazkur milliy donorlik aksiyasi orqali yoshlar o‘rtasida qon topshirishning ahamiyati haqida tushunchalarni kengaytirish, ko‘ngilli donorlikni qo‘llab-quvvatlash va jamiyatda o‘zaro yordam hamda hamjihatlik muhitini mustahkamlash ko‘zda tutiladi.

✅Unutmang, donorlik — bu shunchaki qon topshirish emas, balki kimgadir yashash uchun yana bir imkoniyat berishdir!

✅Birgalikda hayotni asraylik, mehr ulashaylik va ezgulikka hissa qo‘shaylik!

🟦🟦🟦🟦🟦🟦🟦

🇺🇿O‘zDJTU
🇬🇧Ingliz tili 3-fakulteti 1-bosqich talabalari uchun “TEXT TITANS” to‘garagining 3-mashg‘uloti bo‘lib o‘tdi!

🗓14-oktabr kuni Ingliz tili amaliy fanlar 3-kafedrasi o‘qituvchisi S. Zohidova rahbarligida “Identifying and Correcting Common Errors in Writing” mavzusida tashkil etildi.

✅ Dars avvalida talabalar “Spot the Mistake” interfaol o‘yini orqali yozma nutqda eng ko‘p uchraydigan xatolarni aniqlash bo‘yicha bahs-munozara o‘tkazdilar va mavzuga qiziqish bilan kirishdilar.

✅Nazariy qismda ishtirokchilar akademik yozishdagi tipik xatolar — grammatik nomutanosibliklar (subject-verb agreement), punktuatsiya, noto‘g‘ri so‘z tartibi hamda “run-on sentences” va “comma splices” kabi tushunchalarni tahlil qildilar.

✅Amaliy bosqichda talabalar real matnlar ustida ishlab, ulardagi xatolarni tahrir qilish (editing), jumlalarni qayta shakllantirish va matnni tekshirish (proofreading) strategiyalarini qo‘llash bo‘yicha mashqlarni bajardilar.

✅Yakunda yozma ishlarni mukammallashtirish bo‘yicha foydali tavsiyalar berildi, mustaqil topshiriqlar belgilandi va keyingi mashg‘ulot rejasi muhokama qilindi.

✅ Faol ishtirokchilarni post izohlarida o‘z taassurotlari va yozish jarayonida duch keladigan qiyinchiliklari haqida fikr qoldirishga taklif qilamiz!

🟦🟦🟦

O‘zDJTUda armrestling musobaqasi bo‘lib o‘tdi

14-oktabr kuni O‘zbekiston davlat jahon tillari universitetida talaba-yigit va qizlar o‘rtasida armrestling sport turi bo‘yicha musobaqa bo‘lib o‘tdi.

Musobaqani O‘zDJTU rektori Ilxomjon Tuxtasinov ochib berdi. Tadbirda talabalarni sportga keng jalb etish, ularning jismoniy tayyorgarligini oshirish hamda sog‘lom turmush tarzini targ‘ib qilish masalalariga alohida e’tibor qaratildi.

Bellashuvlarda O‘zbekiston Armrestling federatsiyasi murabbiyi, xalqaro toifadagi sport ustasi Otabek Jabborov ham ishtirok etdi. Talabalar belgilangan vazn toifalari bo‘yicha chap va o‘ng qo‘llarda kuch sinashib, o‘zlarining jismoniy tayyorgarligi, mahorati va irodasini namoyish etdilar.

Musobaqa yoshlar o‘rtasida sog‘lom raqobat muhitini shakllantirish, ularning sportga bo‘lgan qiziqishini oshirish va jismoniy faolligini rag‘batlantirishga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt