📚 KITOBXONLIK MADANIYATINI YUKSALTIRISH YO‘LIDA: “IKKI ESHIK ORASI” ASARI MUHOKAMASI

📖 Universitet Axborot va resurs markazida Filologiya va tillarni oʻqitish 3-fakulteti 2605-guruh talabalari ishtirokida o‘zbek adabiyotining taniqli namoyandasi O‘tkir Hoshimovning “Ikki eshik orasi” romani muhokamasiga bag‘ishlangan kitobxonlik kechasi tashkil etildi.


🎓

Tadbirning asosiy maqsadi talaba-yoshlar o‘rtasida kitobxonlik madaniyatini yuksaltirish, badiiy adabiyotga bo‘lgan qiziqishni oshirish, mustaqil fikrlash va asarlarni chuqur tahlil qilish ko‘nikmalarini rivojlantirishdan iborat bo‘ldi.

📚 Muhokama davomida talabalar asarni o‘qish jarayonida olgan taassurotlari, qahramonlar xarakteri, ularning hayotiy qarashlari hamda asarda aks etgan insoniy fazilatlar, mehr-oqibat, sadoqat, sabr-toqat va hayot sinovlari haqidagi fikr-mulohazalarini bildirdilar. Shuningdek, roman mazmuni yuzasidan savol-javoblar tashkil etilib, talabalar o‘z bilimlarini namoyon etdilar va asarning tarbiyaviy ahamiyatini tahlil qildilar.

✨ Ta’kidlash joizki, O‘tkir Hoshimovning “Ikki eshik orasi” romani inson taqdiri, urushning insonlar hayotiga ta’siri, milliy qadriyatlar va insoniy munosabatlarni chuqur yoritib beruvchi asarlardan biridir. Ushbu asar muhokamasi talabalarda hayotga teran nazar bilan qarash, ezgu fazilatlarni qadrlash va badiiy adabiyotdan ma’naviy ozuqa olishga xizmat qildi.

📚Kitobxonlik kechasida 2605-guruh tyutori G. Mardonova hamda Axborot va resurs markazi mudirasi S. Inag‘amova ishtirok etib, kitob mutolaasining yoshlar ma’naviy kamolotidagi o‘rni va ahamiyati haqida fikr bildirdilar.

📌 Bunday ma’naviy-ma’rifiy tadbirlar talaba-yoshlarning kitobxonlikka bo‘lgan qiziqishini oshirish, ularning dunyoqarashini kengaytirish va intellektual salohiyatini yuksaltirishga xizmat qiladi.

📚✨Kitob — tafakkur manbai, mutolaa esa ma’naviyat sari yo‘ldir!

#Kitobxonlik #IkkiEshikOrasi #OtkirHoshimov #MutolaaMadaniyati #TalabaYoshlar #Manaviyat #AxborotVaResursMarkazi

💻Instagram 📝Telegram 💬Facebook 🌍Sayt

Ona va bola xonasida nazorat va suhbat o‘tkazildi

O‘zbekiston davlat jahon tillari universiteti huzurida tashkil etilgan "Ona va bola" xonasida Ingliz tili 3-fakulteti xotin-qizlar masalalari bo‘yicha dekan maslahatchisi Z.A. Ismoilova tomonidan nazorat ishlari olib borildi. Shuningdek, fakultetning farzandli talaba-qizlari va ularning bolalariga qarab turuvchi onalar bilan ochiq muloqot tashkil etildi.

Suhbat davomida talaba-onalarga yaratilgan sharoitlar, bolalarning parvarishi, ularning xavfsizligi va qulay muhitni ta’minlash masalalariga alohida e’tibor qaratildi. Onalarning fikr-mulohazalari tinglanib, mavjud ehtiyojlar hamda takliflar muhokama qilindi.

Asosiy maqsad — farzandli talaba-qizlarni har tomonlama qo‘llab-quvvatlash, ularning ta’lim olishi uchun qulay sharoit yaratish hamda ona va bola manfaatlarini himoya qilishdan iborat.

Mehr, e’tibor va g‘amxo‘rlik — har bir ona va bola uchun!

🏛 O‘zbekiston davlat jahon tillari universiteti Ingliz tili amaliy fanlar №3 kafedrasi hamda Toshkent shahar Chilonzor tumanidagi 168-sonli umumiy o‘rta ta’lim maktabi o‘rtasidagi hamkorlik doirasida 2026-yil 13-oktabr kuni kafedra professor-o'qituvchilari Sh.Shukurova, S.Anvarova va M.Bahronova tomonidan navbatdagi master-klass tashkil etildi.
📌 Mavzu: “Gamification Strategies for Interactive and Student-Centred EFL Teaching”.
✨ Mashg‘ulot davomida geymifikatsiyaning nazariy asoslari, didaktik imkoniyatlari va amaliy strategiyalari muhokama qilindi. Xususan, “Save the Planet, Find the Word!” hamda “From Definition to Creation” kabi interaktiv topshiriqlar orqali o‘quvchilarning lug‘at boyligini kengaytirish, mustaqil va ijodiy fikrlashini rivojlantirish hamda kommunikativ faolligini oshirish usullari namoyish etildi.
🎲 Master-klassning amaliy qismida 4-sinf o‘quvchilari o‘yin elementlariga asoslangan qiziqarli mashg‘ulotlarda faol ishtirok etdilar. Maktabning ingliz tili o‘qituvchilari esa geymifikatsiya strategiyalarini darsning turli bosqichlarida qo‘llash, o‘quvchilarni rag‘batlantirish va hamkorlikka asoslangan ta’limni tashkil etish bo‘yicha metodik tavsiyalar oldilar.
🤝 Tadbir davomida zamonaviy pedagogik yondashuvlar yuzasidan o‘zaro tajriba almashilib, ta’lim jarayonida innovatsion metodlardan samarali foydalanish masalalariga alohida e’tibor qaratildi.
🌟 Mazkur master-klass universitet va maktab o‘rtasidagi ilmiy-metodik hamkorlikni yanada mustahkamlash, o‘qituvchilarning kasbiy kompetensiyasini rivojlantirish hamda ingliz tili ta’limi sifatini oshirishga xizmat qildi.

“Boosting Language Skills” to‘garagida navbatdagi mashg‘ulot

O‘zbekiston davlat jahon tillari universiteti Ingliz tili integrallashgan kursi N3 kafedrasi stajyor-o‘qituvchisi Abdullayeva Iroda tomonidan “Boosting Language Skills” nomli to‘garak doirasida “Listening. Technology Integrated Skills. Article” mavzusida qiziqarli va mazmunli mashg‘ulot tashkil etildi.

Mashg‘ulot davomida talabalar texnologiyaga oid audio materiallarni tingladilar, matnlar bilan ishladilar, yangi so‘z va iboralarni o‘rgandilar hamda mavzu yuzasidan ingliz tilida fikr almashdilar. Interaktiv topshiriqlar va muhokamalar orqali talabalarning tinglab tushunish, o‘qish va og‘zaki nutq ko‘nikmalari mustahkamlandi.

Mashg‘ulot qiziqarli va samarali tarzda o‘tkazilib, talabalarning ingliz tilini o‘rganishga bo‘lgan qiziqishini oshirish hamda ularning kommunikativ kompetensiyalarini rivojlantirishga xizmat qildi.