#Toshkent_harbiy_okrugi

Harbiy xizmatchilarga huquqiy maslahat berildi

🔷Sirdaryo tumanida joylashgan Safarbarlik chaqiruv rezervi batalyoni harbiy xizmatchilari ishtirokida O‘zbekiston Respublikasi Mudofaa vazirligi hamda O‘zbekiston Respublikasi Notarial palatasi o‘rtasida imzolangan memorandum doirasida “Notariuslardan huquqiy maslahat” mavzusida davra suhbati o‘tkazildi.

Tadbir davomida harbiy xizmatchilarga notarial xizmatlardan foydalanish tartibi, huquq va majburiyatlar, huquqiy masalalarni amaldagi qonunchilik asosida hal etish, shuningdek, turli hujjatlarni rasmiylashtirish tartibi yuzasidan batafsil ma’lumotlar berildi.

Muloqot jarayonida harbiy xizmatchilar o‘zlarini qiziqtirgan huquqiy masalalar bo‘yicha mutaxassislarga murojaat qilib, amaliy maslahat va tavsiyalar oldilar.

Yangiliklarni kuzatib boring:
➡️ Telegram