⚡️⚡️⚡️Toshkent harbiy okrugiga qarashli harbiy qismlardan birida yosh avlodni vatanparvarlik ruhida tarbiyalash, harbiy xizmat an’analarini keng targ‘ib etish hamda avlodlar o‘rtasidagi uzviylikni mustahkamlash maqsadida “Uch avlod uchrashuvi” tashkil etildi.

Unda Mudofaa vazirligi va Toshkent harbiy okrugi Faxriylar kengashi vakillari, harbiy pensionerlar, Oqila ayollar harakati yetakchilari hamda muddatli harbiy xizmatchilar ishtirok etdi.

Samimiy muloqot ruhida o‘tgan uchrashuv davomida harbiy xizmat yillarida orttirilgan tajriba, Vatanga sadoqat, harbiy burchga mas’uliyat bilan yondashish hamda yosh avlodni milliy va umuminsoniy qadriyatlar asosida tarbiyalash masalalariga alohida e’tibor qaratildi.

Tadbirda faxriylar o‘zlarining hayotiy tajribalari, xizmat faoliyati davomida orttirgan bilim va ko‘nikmalari bilan o‘rtoqlashib, yosh harbiy xizmatchilarga Vatan himoyasidek sharafli vazifani bajarishda doimo hushyor, intizomli va fidoyi bo‘lish muhimligini ta’kidladilar.

👉@mudofaalive

#Toshkent_harbiy_okrugi

🔷Chirchiq shahrida joylashgan harbiy qismda yoshlarning intellektual salohiyatini oshirish, ularning bilim va dunyoqarashini kengaytirish, mantiqiy fikrlash qobiliyatini rivojlantirish hamda yoshlar o‘rtasida sog‘lom raqobat muhitini shakllantirish maqsadida “Prokuror kubogi” uchun “Zakovat” intellektual o‘yini tashkil etildi.

Tadbir yoshlarning bo‘sh vaqtini mazmunli tashkil etish, kitobxonlik va ilmga bo‘lgan qiziqishini oshirish, shuningdek, jamoaviy ishlash ko‘nikmalarini mustahkamlashga xizmat qildi.

Yakuniy natijalarga ko‘ra, g‘olib va sovrindor jamoalar munosib taqdirlandi.

Yangiliklarni kuzatib boring:
➡️ Telegram