#Toshkent_harbiy_okrugi

🔷Sirdaryo viloyati Mirzaobod tumani sport maktabida “Jasorat maktabi”ga kirish imtihonlarining ikkinchi bosqichi yuqori saviyada tashkil etildi.

Mazkur sinovlar Toshkent harbiy okrugi qo‘mondonligi, O‘zbekiston yoshlar ittifoqi Sirdaryo viloyati Kengashi, Mudofaa vazirligi Jamoatchilik kengashi, Mirzaobod tumani safarbarlik chaqiruv rezervi batalyoni hamda Maktabgacha va maktab ta’limi boshqarmasi hamkorligida o‘tkazildi.

Ikkinchi bosqichda talabgorlar o‘zlarining jismoniy tayyorgarligini namoyon etib, 5 turdagi mashqlar bo‘yicha sinovlardan o‘tishdi. Har bir ishtirokchi 50 ballik baholash tizimi asosida xolisona baholandi. Ushbu sinovlar orqali yoshlarning jismoniy salohiyati, chaqqonligi, matonati va jasorati sinovdan o‘tkazildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Sirdaryo viloyati Mirzaobod tumanida joylashgan Safarbarlik chaqiruv rezervi batalyoni harbiy xizmatchilari hamda yoshlar ishtirokida huquqbuzarliklar profilaktikasi hamda Yoshlar kuni doirasida Guliston shahri OITSga qarshi kurashish markazi mas’ul xodimlari tomonidan “Sog‘lom hayot sari” shiori ostida ma’naviy-ma’rifiy va profilaktik uchrashuv tashkil etildi.
Uchrashuvdan ko‘zlangan asosiy maqsad yoshlar o‘rtasida sog‘lom turmush tarzini keng targ‘ib qilish, OIV/OITS kasalligining oldini olish, uning yuqish yo‘llari va himoyalanish choralariga oid bilimlarni oshirish, shuningdek, huquqiy madaniyatni yuksaltirishdan iborat bo‘ldi.

Yangiliklarni kuzatib boring:
➡️ Telegram

⚡️⚡️⚡️ Toshkent harbiy okrugi tasarrufidagi Mirzaobod tumanida joylashgan harbiy qismida “Yagona Vatan, yagona xalq bo‘lib, yangi hayot va kelajak yaratamiz!” shiori hamda “Vatan uchun xizmat — eng oliy baxt” g‘oyasi ostida qator ma’naviy-ma’rifiy, huquqiy, intellektual va harbiy-vatanparvarlik tadbirlari tashkil etildi.

Guliston harbiy prokuraturasi, O‘zbekiston yoshlar ittifoqi Sirdaryo viloyati Kengashi, Sirdaryo viloyati Mudofaa ishlari boshqarmasi, viloyat tibbiyot birlashmalari kabi qator hamkor tashkilotlar ishtirokida o‘tkazilgan tadbirlar doirasida "Ochiq eshiklar kuni", "Rahbar va yoshlar" uchrashuvi, "Sog‘lom hayotni tanla" mavzusidagi muloqot, "Prokuror sabog‘i" huquqiy tarbiya soati hamda "Zakovat" intellektual o‘yini tashkil etildi.
 
Tadbirlar davomida yoshlar va harbiy xizmatchilar bilan Vatanga sadoqat, sog‘lom turmush tarzi, huquqiy madaniyat, harbiy intizom, korrupsiyaga qarshi kurashish, shuningdek, bilim va tafakkurni rivojlantirish masalalari yuzasidan ochiq muloqotlar o‘tkazildi. Ishtirokchilar o‘zlarini qiziqtirgan savollarga mutaxassislardan batafsil javob oldilar.

👉@mudofaalive