🔷 Toshkent garnizonidagi harbiy qism muddatli harbiy xizmatchilari ishtirokida “Yagona Vatan, yagona xalq bo’lib, yangi hayot va kelajak yaratamiz!” shoiri ostida ma’naviy-ma’rifiy tadbir o’tkazildi. Tadbir davomida ishtirokchilarga milliy va zamonaviy musiqa namunalari, kuy-qo‘shiqlar, taqdim etildi. Iste’dodli yoshlar va san’atkorlarning ijrolari yig‘ilganlarda katta taassurot qoldirdi. Ayniqsa, ona Vatan, tinchlik, do‘stlik va ezgulikni tarannum etuvchi kuy-qo‘shiqlar tadbirga o‘zgacha fayz bag‘ishladi.

🔷Angren garnizonida joylashgan harbiy qismda okrug tasarrufidagi harbiy qism va muassasalarning bosh serjantlari, vzvod hamda yo’riqchi serjantlari ishtirokida harbiy xizmatchilarning kasbiy mahoratini yanada oshirish, jangovar tayyorgarlik mashg’ulotlarini sifatli tashkil etish maqsadida o’quv yig’iniga start berildi.
Mazkur yig’in orqali bo’linmalarda shaxsiy tarkibni yakka tartibda boshqarish, harbiy pedagogik mahoratini oshirish borasida bir qator kerakli ko’rsatmalar berildi.