#Toshkent_harbiy_okrugi

🔷Vatanimiz mustaqilligining 35 yilligi munosabati bilan ”Yagona Vatan, yagona xalq bo’lib, yangi hayot va kelajak yaratamiz!” shiori ostida Sirdaryo viloyati Mirzaobod tumanida joylashgan Safarbarlik chaqiruv rezervi batalyoni harbiy xizmatchilari, O’zbekiston yoshlar ittifoqi Sirdaryo viloyati Kengashi, Sirdaryo viloyati Mudofaa ishlari boshqarmasi Faxriylar Kengashi , Mudofaa vazirligi Jamoatchilik kengashi, faxriylar hamda Sirdaryo viloyati Nuroniylar jamg’armasi hamkorligida “Ochiq eshiklar kuni” tadbiri doirasida harbiy-taktik sport musobaqasi tashkil etildi. Musobaqa davomida ishtirokchilar jamoaviy harakat, tezkor fikrlash, vaziyatni hamjihatlikda bajarish kabi ko’nikmalarini namoyon etdilar. Mazkur musobaqa yoshlar va harbiy xizmatchilar o’rtasidagi hamkorlikni mustahkamlash, yosh avlodda jamoaviylik, intizom, jasorat, mas’uliyat va Vatanga sadoqat tuyg’ularini yanada yuksaltirishga xizmat qildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Sirdaryo tumanida joylashgan harbiy qismda harbiy xizmatchilar ishtirokida “Notariat sohasidagi so‘nggi o‘zgarishlar” mavzusida davra suhbati tashkil etildi.Tadbirda Sirdaryo viloyati Notariat boshqarmasi xodimi ishtirok etib, notariat sohasida amalga oshirilayotgan islohotlar, fuqarolarga notarial xizmatlar ko‘rsatish tartibidagi yangiliklar, notarial harakatlarni amalga oshirishda qonunchilik talablariga rioya etish hamda zamonaviy elektron xizmatlardan foydalanish imkoniyatlari haqida batafsil ma’lumot berdi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Vatanimiz mustaqilligining 35 yilligi munosabati bilan Chirchiq harbiy prokuraturasi hamda Chirchiq garnizonida joylashgan harbiy qism harbiy xizmatchilari ishtirokida Chirchiq shahrida joylashgan Quruqlikdagi qo’shinlar instituti bo’ylab ekskursiya o’tkazildi.
Tadbir davomida harbiy xizmatchilar institutda yangi barpo etilgan Mafkuraviy va Raqamli poligon hamda muzeylar hayoti bilan yaqindan tanishtirildi. Olib borilgan tadbirdan asosiy ko'zlangan maqsad, yosh harbiy xizmatchilarga Qurolli Kuchlar tizimida olib borilayotgan izchil islohotlar, harbiy xizmatga bo'lgan qiziqishlarini yanada oshirish hamda yoshlarimizda Vatanparvarlik tuyg'ularini shakillantirishdan iborat bo'ldi.

Yangiliklarni kuzatib boring:
➡️ Telegram

#Toshkent_harbiy_okrugi

🔷O‘zbekiston Respublikasi davlat mustaqilligining 35 yilligi munosabati bilan Mirzaobod tumanining olis hududlaridan birida “Yagona Vatan, yagona xalq bo‘lib, yangi hayot va kelajak yaratamiz!” shiori ostida Toshkent harbiy okrugi harbiy orkestr jamoasining konsert dasturi tashkil etildi.

O‘ziga xos ruh, ko‘tarinki kayfiyat va bayramona muhitda o‘tgan tadbir xalqimizning eng ulug‘ va bebaho ne’mati — istiqlolni ulug‘lash, yosh avlod qalbida Vatanga sadoqat, milliy g‘urur va daxldorlik tuyg‘ularini yanada mustahkamlashga xizmat qildi.
Harbiy orkestr jamoasining Vatan, istiqlol va ona yurtni madh etuvchi kuy-qo‘shiqlari Mirzaobod tumanining olis hududida istiqomat qiluvchi aholi va yoshlar qalbiga o‘zgacha surur va quvonch olib kirdi.

Yangiliklarni kuzatib boring:
➡️ Telegram