#Toshkent_harbiy_okrugi

🔷 Vatanimiz mustaqilligining 35 yilligi munosabati bilan Chirchiq harbiy prokuraturasi hamda Chirchiq garnizonida joylashgan harbiy qism harbiy xizmatchilari ishtirokida Chirchiq shahrida joylashgan Quruqlikdagi qo’shinlar instituti bo’ylab ekskursiya o’tkazildi.
Tadbir davomida harbiy xizmatchilar institutda yangi barpo etilgan Mafkuraviy va Raqamli poligon hamda muzeylar hayoti bilan yaqindan tanishtirildi. Olib borilgan tadbirdan asosiy ko'zlangan maqsad, yosh harbiy xizmatchilarga Qurolli Kuchlar tizimida olib borilayotgan izchil islohotlar, harbiy xizmatga bo'lgan qiziqishlarini yanada oshirish hamda yoshlarimizda Vatanparvarlik tuyg'ularini shakillantirishdan iborat bo'ldi.

Yangiliklarni kuzatib boring:
➡️ Telegram

#Toshkent_harbiy_okrugi

🔷O‘zbekiston Respublikasi davlat mustaqilligining 35 yilligi munosabati bilan Mirzaobod tumanining olis hududlaridan birida “Yagona Vatan, yagona xalq bo‘lib, yangi hayot va kelajak yaratamiz!” shiori ostida Toshkent harbiy okrugi harbiy orkestr jamoasining konsert dasturi tashkil etildi.

O‘ziga xos ruh, ko‘tarinki kayfiyat va bayramona muhitda o‘tgan tadbir xalqimizning eng ulug‘ va bebaho ne’mati — istiqlolni ulug‘lash, yosh avlod qalbida Vatanga sadoqat, milliy g‘urur va daxldorlik tuyg‘ularini yanada mustahkamlashga xizmat qildi.
Harbiy orkestr jamoasining Vatan, istiqlol va ona yurtni madh etuvchi kuy-qo‘shiqlari Mirzaobod tumanining olis hududida istiqomat qiluvchi aholi va yoshlar qalbiga o‘zgacha surur va quvonch olib kirdi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Sirdaryo tumanidagi “Jasorat maktabi” o’quv-moddiy bazasida umumta’lim maktablarining chaqiruvga qadar boshlang’ich tayyorgarlik rahbarlari ishtirokida o’quv-uslubiy seminar tashkil etildi.
Seminar Toshkent harbiy okrugi qo‘mondonining o‘rinbosari boshchiligida, Mudofaa ishlar boshqarmasi Faxriylar kengashi hamda O‘zbekiston yoshlar ittifoqi Sirdaryo viloyati Kengashi hamkorligida o‘tkazildi.

Seminar yakunida 2026–2027-o‘quv yilida chaqiruvga qadar boshlang‘ich tayyorgarlik yo‘nalishida amalga oshiriladigan ustuvor vazifalar belgilab olindi.
Mazkur seminar yoshlarni vatanparvarlik ruhida tarbiyalash, ularning harbiy-amaliy tayyorgarligini yanada takomillashtirish hamda ta’lim muassasalaridagi chaqiruvga qadar boshlang‘ich tayyorgarlik jarayonining samaradorligini oshirishga xizmat qiladi.

Yangiliklarni kuzatib boring:
➡️ Telegram