🔷Toshkent garnizonidagi harbiy qism muddatli harbiy xizmatchilari ishtirokida O’zbekiston Respublikasi Mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida ma’naviy-ma’rifiy tadbir tashkil etildi. Tadbirda Vatanga muhabbat, xalqimizning birdamligi, milliy qadriyatlarimizga hurmat va yosh avlodni vatanparvarlik ruhida tarbiyalash masalalariga alohida e’tibor qaratildi. Tadbir davomida san’atkor tomonidan ijro etilgan kuy-qo‘shiqlar yig‘ilganlarga ko‘tarinki kayfiyat ulashdi. Musiqiy chiqishlar tadbirga o‘zgacha fayz va bayramona ruh bag‘ishladi.

Unda, xususan, 2000–2001-yillardagi Sariosiyo voqealarida Vatan himoyasi yo‘lida mardlarcha halok bo‘lgan harbiy xizmatchilarning jasorati va fidoyiligi ehtirom bilan yodga olindi.

Chirchiq garnizonida joylashgan harbiy qismda O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Uch avlod uchrashuvi” o‘tkazildi.

Unda Respublika Nuroniy jamg‘armasi vakillari, nuroniylar, harbiy xizmatchilar va yoshlar ishtirok etdi. Tadbir davomida avlodlar o‘rtasida samimiy muloqot tashkil etilib, Vatanga sadoqat, milliy qadriyatlar, ajdodlar merosiga hurmat hamda tinchlik va osoyishtalikni qadrlash kabi ezgu g‘oyalar haqida fikr almashildi. Nuroniylar o‘z hayotiy tajribalari bilan o‘rtoqlashib, yoshlarni Vatan himoyasidek sharafli burchga munosib bo‘lishga chaqirdilar.