#Toshkent_harbiy_okrugi

🔷 Chirchiq garnizonida joylashgan harbiy qismda O‘zbekiston Respublikasi Mustaqilligining 35 yilligi munosabati bilan harbiy xizmatchilar oilalari hamda ularning farzandlari uchun ko‘tarinki ruhda bayram tadbiri tashkil etildi.

Tadbir davomida harbiy xizmatchilarning oila a’zolari va farzandlari uchun turli ko‘ngilochar dasturlar tashkil etilib, bolajonlar uchun batutlar o‘rnatildi. Shuningdek, mehmonlar harbiy qism hayoti, zamonaviy harbiy texnika va qurol-aslaha namunalari bilan yaqindan tanishish imkoniyatiga ega bo‘ldilar.

Tadbirning yakuniy qismida barcha ishtirokchilar uchun konsert dasturi tashkil etilib, kuy-qo‘shiq va dilbar chiqishlar barchaga bayramona kayfiyat ulashdi. Tadbir so‘ngida harbiy xizmatchilar oilalari va farzandlariga bayram sovg‘alari topshirildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Mustaqilligimizning 35 yilligi arafasida Vatan himoyasi yo‘lida jonini fido etgan mard o‘g‘lonlar xotirasiga yana bir bor yuksak ehtirom ko‘rsatildi.

Sirdaryo viloyat Mudofaa ishlari boshqarmasi, Yangiyer shahar hokimligi vakillari, nuroniylar hamda yoshlar ishtirokida Vatan sarhadlarini himoya qilish chog‘ida qahramonlarcha halok bo‘lgan katta leytenant Alisher Salimovning xonadoniga tashrif buyurildi.

Mustaqillikning 35 yilligi munosabati bilan Alisher Salimov «O‘zbekiston Respublikasi mustaqilligining 35 yilligi» esdalik nishoni bilan taqdirlandi.

Mazkur esdalik nishoni qahramonning onasi Nortojixon Salimovaga tantanali ravishda topshirildi.

Tashrif davomida yoshlarga Alisher Salimovning Vatan himoyasi yo‘lida ko‘rsatgan jasorati haqida so'zlab berilib, uning yorqin xotirasi yodga olindi.

Yangiliklarni kuzatib boring:
➡️ Telegram