#Toshkent_harbiy_okrugi

“Birinchi qo‘ng‘iroq”da harbiylardan o‘quvchilarga unutilmas tuhfa

🔷Toshkent harbiy okrugi harbiy xizmatchilari Yashnobod tumanidagi 339-sonli umumiy o‘rta ta’lim maktabida yangi o‘quv yili munosabati bilan o‘tkazilgan “Birinchi qo‘ng‘iroq” tadbirida ishtirok etdilar.

Tadbirda ilk bor maktab ostonasiga qadam qo‘ygan 1-sinf o‘quvchilari samimiy muborakbod etilib, ularga bilimli, intiluvchan va Vatanga sadoqatli farzandlar bo‘lib voyaga yetishlari tilandi.

Bayramga Chirchiq garnizoni Ma’naviyat va ma’rifat markazi harbiy orkestrining kuy-qo‘shiqlari, faxriy qorovulning ko‘rgazmali chiqishlari hamda harbiy xizmatchilarning qo‘l jangi namoyishlari o‘zgacha ruh bag‘ishladi.

Harbiylarning mahorat va jasoratga boy chiqishlari o‘quvchilarda katta taassurot qoldirib, ularni mardlik, vatanparvarlik va Vatanga sadoqat ruhida ulg‘ayishga ruhlantirdi.

Yangiliklarni kuzatib boring:
➡️ Telegram

#Toshkent_harbiy_okrugi

Robot texnologiyalari bo‘yicha “Harbiy qism komandiri kubogi” o‘tkazildi

🔷Toshkent harbiy okrugining Chirchiq garnizonida joylashgan harbiy qismlardan birida zamonaviy sport yo‘nalishlaridan biri — robot texnologiyalari bo‘yicha musobaqaning birinchi bosqichi — “Harbiy qism komandiri kubogi” o‘tkazildi.

Musobaqa davomida ishtirokchilar robot texnologiyalarini boshqarish, texnik mahorat, tezkorlik va aniqlik bo‘yicha o‘zaro bellashib, o‘z bilim va ko‘nikmalarini amalda namoyon etdilar.

Yakunda yuqori natijalarni qayd etib, g‘olib va sovrinli o‘rinlarni egallagan jamoalar diplom, kubok hamda esdalik sovg‘alari bilan munosib taqdirlandi.
Mazkur musobaqa harbiy xizmatchilarning zamonaviy texnologiyalarga bo‘lgan qiziqishini oshirish, texnik bilim va amaliy ko‘nikmalarini yanada rivojlantirishga xizmat qildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Bugun Angren garnizonida
“Ortga qaytmas islohotlar” mavzusida Angren shahar faxriylar kengashi a’zolari tomonidan harbiy xizmatchilar uchun mustaqillik soati o’tkazildi.

Ushbu uchrashuvda uch avlod vakillari bir davrada jam bo’lib, bugungi kunda shiddat bilan amalga oshirilyotgan islohotlar to’g’risida so’z bordi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Yurtimizdagi barcha umumta’lim maktablarida “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Birinchi qo‘ng‘iroq” tadbirlari ko‘tarinki ruhda o‘tkazilmoqda. Jumladan, Sirdaryo tumanidagi 6-son umumiy o‘rta ta’lim maktabi negizida tashkil etilgan Jasorat maktabida yangi o‘quv yilining boshlanishiga bag‘ishlangan tantanali tadbir bo‘lib o‘tdi.

Tadbirda Toshkent harbiy okrugi tasarrufidagi Sirdaryo tumanida joylashgan Safarbarlik chaqiruvi rezervi batalyoni harbiy xizmatchilari,O‘zbekiston Yoshlar ittifoqi Sirdaryo viloyati Kengashi hamda tuman Mikrokreditbank rahbariyati, faxriy ustozlar hamda ota onalar ishtirok etishdi.

Tadbir davomida 1-sinfga qabul qilingan o‘quvchilar tomonidan tayyorlangan badiiy chiqishlar, kuy-qo‘shiqlar, raqslar hamda she’rlar namoyish etildi. Kichik yoshdagi o‘quvchilarning sahnadagi chiqishlari tadbir ishtirokchilarida katta taassurot qoldirdi.

Yangiliklarni kuzatib boring:
➡️ Telegram