#Toshkent_harbiy_okrugi

🔷Toshkent tumani 9-sonli Jasorat maktabida Jasorat sinfi o‘quvchilari bilan harbiy intizom, tartib-qoidalarga qat’iy rioya qilish hamda ta’lim jarayonida fanlarni yaxshi o‘zlashtirish yuzasidan davra suhbati o’tkazildi.

Davra suhbatida harbiy rahbar tomonidan o‘quvchilarga saf intizomiga amal qilish, maktab ichki tartib-qoidalariga rioya etish, ustozlarni hurmat qilish, darslarga mas’uliyat bilan yondashish va bilim olishga jiddiy e’tibor qaratish bo‘yicha tegishli topshiriq va tavsiyalar berildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Chirchiq garnizonida joylashgan harbiy qismda vatanimiz mustaqilligining 35 yilligi munosabati bilan tantanali bayram tadbiri ko‘tarinki ruhda o‘tkazildi.
Tadbir davomida o‘z mehnati, fidoyiligi, xizmat vazifalarini sidqidildan ado etish yo‘lida munosib hissa qo‘shib kelayotgan bir guruh harbiy xizmatchilar tantanali ravishda taqdirlandi. Bu e’tirof harbiy xizmatchilarni yanada samarali mehnat qilishga, Vatan ravnaqi yo‘lida sidqidildan xizmat qilishga undashi ta’kidlandi.
Bayram dasturining badiiy qismi ham ko‘tarinki ruhda o‘tdi. Xonandalar tomonidan ijro etilgan kuy-qo‘shiqlar yig‘ilganlarga xush kayfiyat ulashdi. Vatan, ona yurt, tinchlik va istiqlolni tarannum etuvchi kuylar barchaga manzur bo‘ldi.

Yangiliklarni kuzatib boring:
➡️ Telegram

#Toshkent_harbiy_okrugi

Korrupsiyaga qarshi kurash — jamiyat taraqqiyotining muhim omili

🔷Oqqo‘rg‘on tuman mudofaa ishlari bo‘limida chaqiruvga qadar boshlang’ich tayyorgarlik fani o’qituvchilari ishtirokida korrupsiyaning oldini olish, qonuniylik va halollik tamoyillarini mustahkamlashga bag‘ishlangan yig‘ilish o‘tkazildi.

Yangiliklarni kuzatib boring:
➡️ Telegram

Telegram

#Toshkent_harbiy_okrugi

🔷Yoshlarning Vatanga muhabbati va sadoqatini mustahkamlash, ona-yurt oldidagi farzandlik burchini yuksak mas’uliyat bilan bajarish ruhida tarbiyalash, ularning keng dunyoqarashli, mustaqil fikrlaydigan va barkamol insonlar bo‘lib voyaga yetishiga ko‘maklashish, shuningdek, bo‘sh vaqtlarini mazmunli tashkil etish maqsadida Guliston shahrida joylashgan Mudofaaga ko‘maklashuvchi “Vatanparvar” tashkilotida ""Vatanparvar" tashkiloti - mening tanlovim" shiori ostida “Ochiq eshiklar kuni” tadbiri bo‘lib o‘tdi.

Tadbir O‘zbekiston yoshlar ittifoqi Sirdaryo viloyati Kengashi, Sirdaryo viloyati Faxriylar Kengashi hamda Mudofaa vazirligi Jamoatchilik kengashi hamda Mudofaa ishlari boshqarmasi huzuridagi chaqiriluvchilarni harbiy-texnika mutaxassisliklari bo‘yicha tayyorlash markazi hamkorligida tashkil etildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Toshkent garnizonidagi harbiy qism muddatli harbiy xizmatchilari ishtirokida Abdulla Avloniy hayoti va ijodiga bag‘ishlangan davra suhbati tashkil etildi. Tadbir davomida ma’rifatparvar adibning hayoti, ijodiy faoliyati, pedagogik qarashlari hamda milliy ta’lim va tarbiya rivojiga qo‘shgan hissasi haqida ma’lumotlar berildi.
Suhbat jarayonida Abdulla Avloniyning asarlari va ilgari surgan ma’rifiy g‘oyalari yuzasidan fikr-mulohazalar bildirildi. Tadbir yakunida ishtirokchilarga adibning boy ilmiy-ma’naviy merosini o‘rganish va targ‘ib etish muhimligi ta’kidlandi.

Yangiliklarni kuzatib boring:
➡️ Telegram