#Toshkent_harbiy_okrugi

Yosh avlod — Vatan kelajagi!

🔷Yoshlarni vatanparvarlik ruhida tarbiyalash, ularning milliy tariximiz va boy harbiy merosimizga bo‘lgan qiziqishini oshirish maqsadida Qurolli Kuchlar muzeyiga ma’naviy-ma’rifiy tashrif tashkil etildi.

Tashrif davomida yoshlar muzeydagi tarixiy eksponatlar, harbiy qurol-aslahalar, turli davrlarga oid harbiy kiyim-kechaklar hamda Vatan himoyasi bilan bog‘liq qimmatli ma’lumotlar bilan yaqindan tanishdilar.

Muzey xodimlari tomonidan O‘zbekiston Qurolli Kuchlarining shakllanish tarixi, ajdodlarimizning jasorati va harbiy an’analari haqida batafsil ma’lumot berildi.

«“Tarixini anglagan avlod — Vatanining kelajagini bunyod etadi.”»

Bunday ma’naviy-ma’rifiy tadbirlar yoshlarni Vatanga sadoqat, jasorat, mas’uliyat va fidoyilik ruhida tarbiyalashda muhim ahamiyat kasb etadi.

Yangiliklarni kuzatib boring:
➡️ Telegram

#Toshkent_harbiy_okrugi

“Nur tashrifi” — ezgulik va ma’naviyat sari

🔷Toshkent garnizonidagi harbiy qism muddatli harbiy xizmatchilari ishtirokida shoira, jurnalist va pedagog Dilnoza Kamolning “Nur tashrifi” kitobi taqdimoti bo‘lib o‘tdi.

Tadbirda O‘zbekiston Yozuvchilar uyushmasi a’zosi, shoir, tarjimon, jurnalist, “Do‘stlik” ordeni sohibi, “Sharq yulduzi” jurnali bosh muharriri Aziz Said, O‘zbekiston Yozuvchilar uyushmasi a’zosi, shoir, O‘zbekiston Temir yo‘llari tizimida yoshlar bilan ishlash bo‘yicha rahbar o‘rinbosari Nuriddin Rasulov, shuningdek, O‘zbekiston Milliy teleradiokompaniyasining “O‘zbekiston tarixi” telekanali direktor o‘rinbosari, shoir va jurnalist Husan Tursunov ishtirok etdi.

Taqdimot davomida “Nur tashrifi” kitobining mazmun-mohiyati, unda aks etgan insoniy kechinmalar, hayotiy kuzatishlar, ezgulik va ma’naviyatga chorlovchi g‘oyalar haqida fikr-mulohazalar bildirildi.

Yangiliklarni kuzatib boring:
➡️ Telegram

⚡️⚡️⚡️ Toshkent garnizonidagi harbiy qismda O‘zbekiston Yozuvchilar uyushmasi a’zosi, shoira Dilnoza Kamolning “Nur tashrifi” nomli kitob taqdimoti bo‘lib o‘tdi.

Ushbu taqdimotda kitobxonlikning inson ma’naviyati va dunyoqarashini boyitishdagi o‘rni, yoshlarni ezgu g‘oyalar sari ruhlantirishda badiiy adabiyotning ahamiyati haqida so‘z yuritildi.

Tadbir samimiy suhbat va ijodiy muloqot ruhida o‘tdi. Bunday uchrashuvlar harbiy xizmatchilar o‘rtasida kitobxonlik madaniyatini yuksaltirish va mutolaaga bo‘lgan qiziqishni oshirishga xizmat qiladi.

👉@mudofaalive