#Toshkent_harbiy_okrugi

🔷 Toshkent tumani Maktabgacha va maktab ta’limi bo‘limi tasarrufidagi 26-sonli umumiy o‘rta ta’lim maktabida Yoshlar kuni munosabati bilan ma’naviy-ma’rifiy tadbir tashkil etildi.

Tadbirda Toshkent harbiy prokurori, Toshkent viloyati mudofaa ishlari boshqarmasi boshlig’i va tuman hokimi o’rinbosari hamda maktab o‘quvchilari, ustoz va murabbiylar ishtirok etdi.

Tadbir jarayonida yosh avlodni har tomonlama qo‘llab-quvvatlash, ularning bo‘sh vaqtini mazmunli tashkil etish, iste’dod va qobiliyatlarini rivojlantirish muhimligi ta’kidlandi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Toshkent garnizonida joylashgan harbiy qism harbiy xizmatchilari ishtirokida huquqbuzarliklarning oldini olish, harbiy xizmatchilar o‘rtasida huquqiy madaniyatni yuksaltirish hamda xavfsiz muhitni ta’minlash maqsadida Toshkent harbiy prokuraturasi mas’ullari tomonidan profilaktik tadbir o‘tkazildi.

Tadbir davomida giyohvandlikning inson salomatligi, oilaviy muhit va jamiyatga salbiy ta’siri haqida tushuntirishlar berildi.

Tadbir yakunida ishtirokchilarni qiziqtirgan savollariga mutaxassislar tomonidan javob berildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida “Payshanba – Yoshlar kuni” doirasida harbiy xizmatchilar va yoshlar ishtirokida “Rahbar va yoshlar uchrashuvi” tashkil etildi.

Mazkur uchrashuvda Guliston harbiy prokurori, Sirdaryo viloyati bojxona boshqarmasi boshlig‘i, harbiy qism komandiri, O‘zbekiston Yoshlar ittifoqi Sirdaryo viloyati Kengashi, harbiy xizmatchilar hamda muddatli harbiy xizmatchilar ishtirok etdilar.

Samimiy va ochiq muloqot ruhida o‘tgan uchrashuv davomida yoshlarning huquqiy savodxonligini oshirish, ularning bo‘sh vaqtini mazmunli tashkil etish, vatanparvarlik ruhini yuksaltirish, harbiy xizmatning sharafi va mas’uliyatini chuqur anglash masalalariga alohida e’tibor qaratildi.

Yangiliklarni kuzatib boring:
➡️ Telegram