#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida “Payshanba – Yoshlar kuni” doirasida harbiy xizmatchilar va yoshlar ishtirokida “Rahbar va yoshlar uchrashuvi” tashkil etildi.

Mazkur uchrashuvda Guliston harbiy prokurori, Sirdaryo viloyati bojxona boshqarmasi boshlig‘i, harbiy qism komandiri, O‘zbekiston Yoshlar ittifoqi Sirdaryo viloyati Kengashi, harbiy xizmatchilar hamda muddatli harbiy xizmatchilar ishtirok etdilar.

Samimiy va ochiq muloqot ruhida o‘tgan uchrashuv davomida yoshlarning huquqiy savodxonligini oshirish, ularning bo‘sh vaqtini mazmunli tashkil etish, vatanparvarlik ruhini yuksaltirish, harbiy xizmatning sharafi va mas’uliyatini chuqur anglash masalalariga alohida e’tibor qaratildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Toshkent garnizon yong‘in nazorati inspeksiyasi shaxsiy tarkibi hamda Toshkent viloyati FV bo’limi tomonidan Aloqa harbiy institutida yong‘in xavfsizligi qoidalariga rioya etish, favqulodda vaziyatlarning oldini olish hamda yong‘in sodir bo‘lgan taqdirda to‘g‘ri harakat qilish ko‘nikmalarini shakllantirish maqsadida profilaktik tadbir o‘tkazildi.

Tadbir davomida mutaxassislar tomonidan yong‘in xavfsizligining asosiy talablari, yong‘in kelib chiqishining oldini olish choralari, elektr jihozlaridan xavfsiz foydalanish hamda favqulodda vaziyat yuzaga kelganda harakatlanish tartibi haqida batafsil tushuntirishlar berildi.

Yangiliklarni kuzatib boring:
➡️ Telegram