#Toshkent_harbiy_okrugi

🔷Angren garnizonida O‘zbekiston Respublikasi Prezidentining 2026-yil 7-apreldagi “Qurolli Kuchlar tizimida respublika kitobxonlik tanlovini tashkil etish chora-tadbirlari to‘g‘risida”gi PQ-128-son qarori hamda tegishli nizom talablari asosida “Ma’naviyat qalqoni” Respublika kitobxonlik tanlovining harbiy qism bosqichi bo‘lib o‘tdi.

Ishtirokchilar belgilangan badiiy adabiyotlar ro‘yxati asosida tayyorlangan savol va topshiriqlar orqali o‘z bilimlarini sinovdan o‘tkazdi. Tanlov jarayonida asarlar mazmunini anglash, adabiy qahramonlarni tahlil qilish, mustaqil fikrlash va o‘z nuqtayi nazarini asoslash ko‘nikmalariga alohida e’tibor qaratildi. Tanlov yakunlari belgilangan tartibda sarhisob qilinib, keyingi bosqichda ishtirok etadigan harbiy xizmatchilar saralab olindi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida yosh harbiy xizmatchilar ishtirokida “Uch avlod” ma’naviy-ma’rifiy uchrashuvi bo‘lib o‘tdi.

Mazkur tadbir O‘zbekiston Yoshlar ittifoqi Sirdaryo viloyati Kengashi, Mudofaa ishlari boshqarmasi Faxriylar kengashi hamda Mudofaa vazirligi Jamoatchilik kengashi hamkorligida tashkil etildi.

Tadbir davomida yosh harbiy xizmatchilarga Vatanga sadoqat, harbiy burchga mas’uliyat bilan yondashish, xalq va yurt tinchligini asrash, milliy qadriyatlarni e’zozlash kabi muhim tushunchalar yuzasidan fikr va tavsiyalar berildi.

Yangiliklarni kuzatib boring:
➡️ Telegram