#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida “Bilim va ma’rifat oyligi” doirasida Sirdaryo viloyati ma’rifat targ‘ibotchilari, yozuvchi va shoirlar hamda nuroniylar ishtirokida “O‘lkada yuritilgan qatag‘on siyosati oqibatlari” nomli kitob taqdimoti o‘tkazildi.

Taqdimot davomida kitobning mazmun-mohiyati, unda aks etgan tarixiy voqealar hamda qatag‘on siyosatining o‘lka hayoti, ziyolilar, adiblar, olimlar va jamoatchilik vakillari taqdiriga ko‘rsatgan ta’siri haqida so‘z yuritildi.

Tadbirda so‘zga chiqqan ma’rifat targ‘ibotchilari, ijodkorlar va nuroniylar xalqimiz boshidan kechirgan tarixiy sinovlarni chuqur o‘rganish, ularning saboqlarini kelajak avlodga yetkazish muhim ekanini ta’kidladilar. Ayniqsa, tarixiy xotirani asrash, ajdodlar hayoti va faoliyatini o‘rganish hamda yoshlarni vatanparvarlik ruhida tarbiyalashda bunday nashrlarning ahamiyati katta ekani qayd etildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida yosh askarlar va harbiy xizmatchilar ishtirokida sog‘lom turmush tarzini targ‘ib etish, yoshlarni turli salbiy illatlardan, xususan, giyohvandlik va uning ayanchli oqibatlaridan asrashga qaratilgan ma’naviy-ma’rifiy tadbir tashkil etildi.

“Harbiy xizmatchilarni sog‘ligini saqlash” mavzusida o‘tkazilgan tadbir O‘zbekiston yoshlar ittifoqi Sirdaryo viloyati Kengashi bilan hamkorlikda tashkil etilib, unda harbiy xizmatchilarning jismoniy va ruhiy salomatligini mustahkamlash, sog‘lom hayot tarziga amal qilish, bo‘sh vaqtni mazmunli tashkil etish hamda zararli odatlardan yiroq bo‘lish masalalariga alohida e’tibor qaratildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida muddatli harbiy xizmatni o‘tayotgan yosh askarlar uchun unutilmas va hayajonli “Vatanga qasamyod” marosimi bo‘lib o‘tdi.

Yuksak tantana va ko‘tarinki ruhda o‘tgan tadbirda Toshkent harbiy okrugi qo‘mondonligi, O‘zbekiston Yoshlar ittifoqi Sirdaryo viloyat Kengashi, Mudofaa vazirligi Jamoatchilik Kengashi, faxriylar, harbiy xizmatchilarning ota-onalari hamda keng jamoatchilik vakillari ishtirok etdi.

Tadbirning amaliy qismi ham tomoshabinlarda katta taassurot qoldirdi. Sirdaryo tumani Ichki Ishlar akademik litseyi o‘quvchilari tomonidan namoyish etilgan ko‘rgazmali qo‘l jangi chiqishlari yig‘ilganlarga chinakam jangovar ruh ulashdi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Ustoz va murabbiylar kuni munosabati bilan ustozlarga bo‘lgan hurmat va ehtiromni yanada yuksaltirish, ularning ko‘p yillik mehnatini qadrlash maqsadida Sirdaryo tumanida joylashgan Safarbarlik chaqiruv rezervi batalyoni harbiy xizmatchilari hamda O’zbekiston Respublikasi Yoshlar ittifoqi Sirdaryo viloyati Kengashi a’zolari hamkorligida Sirdaryo viloyati Jamoatchilik kengashi faxriy a’zosi Muhamedjanov Odil Vasitovich xonadoniga tashrif buyurildi.

Tashrif davomida ustozning ko‘p yillik fidokorona mehnati, ta’lim-tarbiya rivojiga qo‘shgan munosib hissasi e’tirof etildi.

Yangiliklarni kuzatib boring:
➡️ Telegram