#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida 1-oktabr — O’qituvchi va murabbiylar kuni munosabati bilan ma’naviy-ma’rifiy tadbir o‘tkazildi.
Tadbirda ustoz va murabbiylarning yosh avlodni tarbiyalash, ularga bilim va hayotiy tajriba berishdagi muhim o‘rni haqida so‘z yuritildi.

Shuningdek, ustozlarga hurmat va ehtirom ko‘rsatish, ularning mehnatini qadrlash, yoshlarga ibrat bo‘lish kabi masalalarga alohida e’tibor qaratildi.

Tadbir yakunida ishtirokchilarga ustoz va murabbiylarning jamiyatdagi munosib o‘rni, ularning fidokorona mehnati haqida fikrlar bildirildi.

Yangiliklarni kuzatib boring:
➡️ Telegram

⚡️⚡️⚡️Chirchiq garnizonida joylashgan harbiy qism harbiy xizmatchilari ishtirokida qurol-aslaha va harbiy texnikalardan samarali hamda xavfsiz foydalanish, ularning texnik sozligini ta’minlash va xizmat muddatini uzaytirishga qaratilgan mavsumiy texnik xizmat ko‘rsatish bo‘yicha amaliy mashg‘ulot o‘tkazildi.

Zamonaviy armiyaning jangovar salohiyati shaxsiy tarkibning yuqori darajadagi tayyorgarligi bilan bir qatorda, harbiy texnika, qurol-aslaha va boshqa texnik vositalarning sozligi hamda doimiy shay holatda saqlanishiga ham bevosita bog‘liq. Shu bois texnik vositalarga mavsumiy xizmat ko‘rsatish ishlarini o‘z vaqtida va sifatli tashkil etish muhim vazifalardan biri hisoblanadi.

Mashg‘ulot davomida harbiy xizmatchilarga mavsumiy texnik xizmat ko‘rsatishning mazmun-mohiyati, uni belgilangan muddatlarda va sifatli amalga oshirishning ahamiyati batafsil tushuntirildi. Shuningdek, harbiy texnika va boshqa texnik vositalarni kuz-qish mavsumiga tayyorlash jarayonida bajarilishi lozim bo‘lgan asosiy ishlar amaliy tarzda namoyish etildi.

Ko‘rgazmali mashg‘ulotning asosiy maqsadi texnik vositalarning turli iqlimiy sharoitlarda ishonchli ishlashini ta’minlash, mavsum almashinuvi natijasida yuzaga kelishi mumkin bo‘lgan nosozliklarning oldini olish hamda harbiy texnikalarning xizmatga shayligini ta’minlashdan iborat bo‘ldi.

Amaliy mashg‘ulot yakunida harbiy xizmatchilarga mavsumiy texnik xizmat ko‘rsatish ishlarini belgilangan talablar asosida tashkil etish, texnik vositalardan foydalanishda xavfsizlik qoidalariga qat’iy rioya qilish, aniqlangan kamchiliklarni o‘z vaqtida bartaraf etish hamda texnikalarni doimo soz holatda saqlash yuzasidan tegishli tavsiya va ko‘rsatmalar berildi.


👉@mudofaalive