#Toshkent_harbiy_okrugi

“Tarix saboqlari — milliy xotira va ibrat manbai”

🔷 Sirdaryo tumanida joylashgan Safarbarlik chaqiruv rezervi batalyonida qatag‘on qurbonlari xotirasiga bag‘ishlangan ma’naviy-ma’rifiy tadbir o‘tkazildi.

Tadbirda O‘zbekiston Yoshlar ittifoqi vakili hamda Guliston qatag‘on qurbonlari xotirasi muzeyi xodimasi ishtirok etdi. Tadbir davomida yurtimiz tarixining eng murakkab va og‘ir davrlaridan biri bo‘lgan qatag‘on yillari, o‘sha davrda nohaq ta’qib va tazyiqlarga uchragan yurtdoshlarimizning hayoti hamda taqdiri haqida atroflicha ma’lumotlar berildi.

Shuningdek, muzey xodimi tomonidan tarixiy manbalar va dalillar asosida qatag‘on qurbonlarining nomi va xotirasini abadiylashtirish, ularning hayoti va faoliyatini yosh avlodga yetkazish borasida amalga oshirilayotgan ishlar haqida so‘z yuritildi.

Tadbir yakunida tarixni bilish, ajdodlar xotirasini e’zozlash va undan to‘g‘ri xulosa chiqarish har bir avlodning muhim burchi ekanligi ta’kidlandi.

Yangiliklarni kuzatib boring:
➡️ Telegram

#Toshkent_harbiy_okrugi

QATAG‘ON QURBONLARI — UNUTILMAS XOTIRA

🔷Toshkent garnizonidagi harbiy qism muddatli harbiy xizmatchilari ishtirokida “Qatag‘on qurbonlari” mavzusida ma’naviy-ma’rifiy tadbir o‘tkazildi.

Tadbirdan ko‘zlangan asosiy maqsad — harbiy xizmatchilarda tarixiy xotirani asrash, ajdodlar merosiga hurmat, Vatanga sadoqat va milliy qadriyatlarga daxldorlik tuyg‘ularini yanada mustahkamlashdan iborat.

Tadbir yakunida muddatli harbiy xizmatchilar qatag‘on davri tarixidan yangi bilimlarga ega bo‘lib, tarixiy voqealardan xulosa chiqarish, tinchlik va osoyishtalikning qadriga yetish hamda Vatan oldidagi burchni sharaf bilan ado etish muhimligini angladilar.

Yangiliklarni kuzatib boring:
➡️ Telegram

⚡️⚡️⚡️Toshkent harbiy okrug tasarrufidagi harbiy qismda muddatli harbiy xizmatchilar ishtirokida “Qatag‘on qurbonlari” mavzusida ma’naviy-ma’rifiy tadbir tashkil etildi.

Tadbir davomida XX asrning murakkab va fojeali davrlaridan biri bo‘lgan siyosiy ta’qib va qatag‘on yillari, ana shu davrda nohaq jazolangan yurtdoshlarimizning hayoti va faoliyati haqida batafsil ma’lumotlar berildi. Xususan, millat ziyolilari, ma’rifatparvarlar, olim va adiblarning xalqimiz ma’naviyati, ilm-fani, madaniyati hamda adabiyoti rivojiga qo‘shgan munosib hissiga alohida e’tibor qaratildi.

Suhbatlar jarayonida tarixiy voqealarning asl mohiyati, qatag‘on siyosatining xalqimiz hayotida qoldirgan og‘riqli izlari hamda ajdodlarimiz xotirasini e’zozlashning ahamiyati haqida fikr almashildi. Tarixiy haqiqatni chuqur anglash, o‘tmish saboqlaridan to‘g‘ri xulosa chiqarish yosh avlodning ma’naviy kamolotida muhim omil ekani ta’kidlandi.

👉@mudofaalive

#Toshkent_harbiy_okrugi

🔷 Sirdaryo tumanida joylashgan Safarbarlik chaqiruv rezervi batalyonida yosh harbiy xizmatchilarning ma’naviy-axloqiy dunyoqarashini yuksaltirish, ularni turli yot g‘oyalar ta’siridan asrash hamda Vatanga sadoqat ruhida tarbiyalash maqsadida “Jaholatga qarshi ma’rifat” mavzusida ma’naviy-ma’rifiy tadbir tashkil etildi.

Tadbir O‘zbekiston yoshlar ittifoqi Sirdaryo viloyati Kengashi, Mudofaa ishlari boshqarmasi Faxriylar Kengashi, Sirdaryo tumani Ichki ishlar boshqarmasi Terrorizmga qarshi kurashish guruhi tezkor vakili hamda Abu Bakir jome masjidi imom-xatibi hamkorligida o‘tkazildi.

Tadbir davomida bugungi globallashuv sharoitida yoshlarni turli xil buzg‘unchi va yot g‘oyalardan himoya qilish, diniy bag‘rikenglik va millatlararo totuvlikni mustahkamlash, internet va ijtimoiy tarmoqlardan oqilona foydalanish, axborot xurujlariga nisbatan tanqidiy fikrlash ko‘nikmalarini shakllantirish masalalariga alohida e’tibor qaratildi.

Yangiliklarni kuzatib boring:
➡️ Telegram