#Toshkent_harbiy_okrugi

🔷 Chirchiq garnizonida ma’naviy-ma’rifiy tadbir o‘tkazildi

Chirchiq garnizonida joylashgan harbiy qismlardan birida Siyosiy qatag‘on qurbonlarini yod etish haftaligi doirasida harbiy xizmatchilar ishtirokida ma’naviy-ma’rifiy tadbir o‘tkazildi.

Tadbirda Chirchiq harbiy prokuraturasi xodimi, Chirchiq HAN inspektorlari, oliy ta’lim muassasasi tarix fakulteti o‘qituvchisi Surayyo Ibragimova hamda yosh ijodkor Alisher Atayev ishtirok etdi.

Unda sovet davridagi siyosiy qatag‘onlar qurboni bo‘lgan, xalqimiz ilm-fani va ma’naviy tafakkuri rivojiga munosib hissa qo‘shgan Xolid Said Xo‘jayev hamda taniqli jadid shoiri, yozuvchi, tarjimon va tilshunos olim Elbek (Mashriq Yunusov)ning hayoti va ijodiy faoliyati haqida ma’lumot berildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Mirzaobod tumanidagi 3-son umumiy o‘rta ta’lim maktabi negizida faoliyat yuritayotgan «Jasorat maktabi» da “Mard ajdodlar yo‘li — bizning yo‘limiz” shiori ostida ma’naviy-ma’rifiy tadbir tashkil etildi.

Mazkur tadbir O‘zbekiston yoshlar ittifoqi Sirdaryo viloyat Kengashi, Sirdaryo viloyati Mudofaa ishlari boshqarmasi Faxriylar Kengashi hamda Mudofaa vazirligi Jamoatchilik Kengashi hamkorligida o‘tkazildi.

Tadbir davomida o’quvchi yoshlarga ajdodlarimizning Vatan ozodligi, tinchligi va xalq farovonligi yo’lidagi jasorati, mardligi va fidoyiligi haqida so’z yuritildi. Yosh avlodga ajdodlarimizning ibratli hayot yo’li, Vatanga sadoqat va yurt tinchligini asrash kabi ezgu fazilatlarning ahamiyati tushuntirildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷 Toshkent garnizonida joylashgan harbiy qism harbiy xizmatchilari ishtirokida “Kiberjinoyatlarga qarshi kurash” mavzusida davra suhbati tashkil etildi.

Tadbir davomida harbiy xizmatchilarga kiberjinoyatlarning mazmun-mohiyati, eng ko‘p uchraydigan turlari va ulardan himoyalanish usullari haqida batafsil ma’lumot berildi. Tadbir yakunida ishtirokchilar o‘zlarini qiziqtirgan savollariga mutaxassislardan javob oldilar.

Bunday davra suhbatlari harbiy xizmatchilarning huquqiy va raqamli savodxonligini oshirish, kiberxavflardan himoyalanish ko‘nikmalarini shakllantirish hamda jinoyatlarning oldini olishda muhim ahamiyat kasb etadi.

Yangiliklarni kuzatib boring:
➡️ Telegram