#Toshkent_harbiy_okrugi

🔷 Toshkent garnizonida joylashgan harbiy qism harbiy xizmatchilari ishtirokida “Kiberjinoyatlarga qarshi kurash” mavzusida davra suhbati tashkil etildi.

Tadbir davomida harbiy xizmatchilarga kiberjinoyatlarning mazmun-mohiyati, eng ko‘p uchraydigan turlari va ulardan himoyalanish usullari haqida batafsil ma’lumot berildi. Tadbir yakunida ishtirokchilar o‘zlarini qiziqtirgan savollariga mutaxassislardan javob oldilar.

Bunday davra suhbatlari harbiy xizmatchilarning huquqiy va raqamli savodxonligini oshirish, kiberxavflardan himoyalanish ko‘nikmalarini shakllantirish hamda jinoyatlarning oldini olishda muhim ahamiyat kasb etadi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Sirdaryo viloyati Mirzaobod tumani Safarbarlik chaqiruv rezervi batalyonida “Bilim va ma’rifat oyligi” doirasida Sirdaryo viloyati Ma’rifat targ‘ibotchilari, yozuvchilar, shoirlar hamda nuroniylar ishtirokida “O‘lkada yuritilgan qatag‘on siyosati oqibatlari” nomli kitob taqdimoti o‘tkazildi.

Tadbirda qatag‘on siyosatining xalqimiz taqdiri va milliy ma’naviyatimizga yetkazgan zarari haqida fikr yuritildi. Kitobda aks etgan tarixiy voqealar, qatag‘on qurbonlarining hayoti va faoliyati xususida mulohazalar bildirildi.

Ishtirokchilar mazkur asar yosh avlodni tarixiy xotiraga hurmat, vatanparvarlik va milliy qadriyatlarga sadoqat ruhida tarbiyalashda muhim manba bo‘lishini ta’kidladilar.

Yangiliklarni kuzatib boring:
➡️ Telegram

#Toshkent_harbiy_okrugi

🔷Sirdaryo tumanida joylashgan Safarbarlik chaqiruv rezervi batalyonida yosh harbiy xizmatchilar ishtirokida “Kibermadaniyatni yuksaltirish — xavfsizlik garovi” mavzusida uchrashuv tashkil etildi.

Mazkur tadbir O‘zbekiston yoshlar ittifoqi Sirdaryo viloyati Kengashi hamda Sirdaryo tumani Ichki ishlar boshqarmasi Terrorizmga qarshi kurashish guruhi tezkor vakili hamkorligida o‘tkazildi.

Uchrashuv davomida yosh harbiy xizmatchilarga zamonaviy axborot texnologiyalaridan to‘g‘ri va xavfsiz foydalanish, internet makonida uchrashi mumkin bo‘lgan turli tahdid va xavflardan ogoh bo‘lish, shaxsiy ma’lumotlarni himoya qilish hamda kiberxavfsizlik qoidalariga rioya etish bo‘yicha muhim tushunchalar berildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Sirdaryo viloyati Mirzaobod tumani Safarbarlik chaqiruv rezervi batalyoni harbiy xizmatchilari o’rtasida “Men g’olib” shiori ostida o’tkazilgan sport musobaqalari qatnashchilarini tantanali taqdirlash tadbiri o’tkazildi.

Tadbir davomida sport musobaqalarida faol ishtirok etgan, o‘zining chaqqonligi, epchilligi, kuch-g‘ayrati va yuksak sport mahoratini namoyon etgan harbiy xizmatchilar alohida e’tirof etildi. Musobaqalarda g‘oliblikni qo‘lga kiritgan jamoaga ko’chma kubok topshirildi.

Mazkur tadbir ishtirokchilarda katta taassurot qoldirib, ularni kelgusida ham sport bilan muntazam shug‘ullanishga, yangi marralarni zabt etishga va g‘alabalar sari intilishga ruhlantirdi.

Yangiliklarni kuzatib boring:
➡️ Telegram