⭐️Prezidentimiz Shavkat Mirziyoyev Yangi Toshkent qurilishini jadallashtirish masalalari yuzasidan investor va tadbirkorlar bilan ochiq muloqot qilmoqda.

Muloqot davomida Yangi Toshkentni zamonaviy shaharsozlik talablari asosida rivojlantirish, aholini sifatli uy-joy bilan ta’minlash, davlat boshqaruvi idoralarini yangi hududga ko‘chirish, investitsiyalarni keng jalb etish va ekologik barqarorlikni ta’minlashga qaratilgan qator muhim tashabbus va vazifalar belgilandi.

Yil yakuniga qadar 20 ming xonadon foydalanishga topshiriladi. Yangi Toshkentda turar joylar qurilishini jadallashtirish va aholi uchun zamonaviy yashash sharoitlarini yaratishga alohida e’tibor qaratilmoqda. Mazkur vazifa hududning ijtimoiy infratuzilmasini rivojlantirish bilan bir qatorda, uy-joyga bo‘lgan talabni qondirishda ham muhim ahamiyat kasb etadi.

Vazirlik va davlat tashkilotlarini Yangi Toshkentga ko‘chirish ishlari boshlanadi. Davlatimiz rahbari tomonidan Bosh vazirga tegishli idoralarni yangi hududga ko‘chirish jarayonini boshlash topshirildi.

Yer maydonlarini ajratishda ochiqlik va raqobat tamoyillari kuchaytiriladi. Yangi Toshkentda “Swiss challenge” tamoyili asosida yer ajratish amaliyoti yo‘lga qo‘yiladi. Bunda dastlabki investorning tashabbusi ochiq e’lon qilinib, boshqa manfaatdor tadbirkorlarga ham yaxshiroq shartlarni taklif etish imkoniyati yaratiladi. Agar muqobil takliflar kelib tushmasa yoki boshqa ishtirokchilar yaxshiroq shartlarni taklif etmasa, yer maydoni dastlabki tashabbuskorga ajratiladi.

Xizmat ko‘rsatish va ijtimoiy obyektlar qurilishini rag‘batlantirish choralari ko‘riladi. Yangi Toshkentda tadbirkorlik subyektlarining loyihalarini amalga oshirishini qo‘llab-quvvatlash, zarur xizmatlar tarmog‘ini kengaytirish hamda ijtimoiy infratuzilmani rivojlantirish maqsadida infratuzilma to‘lovlarini qayta ko‘rib chiqish belgilandi.

Yangi Toshkent ekologik barqarorlik tamoyillari asosida rivojlantiriladi. Davlat rahbari shahar haqiqiy “yashil shahar” bo‘lishi zarurligini alohida ta’kidladi. Bu yerda quriladigan obyektlarga “yashil bino” standartlari qo‘llaniladi.

Poytaxt tumanlari tadbirkorlari uchun ham yangi imkoniyatlar yaratiladi. Investitsiyaviy imkoniyatlardan kengroq foydalanishni ta’minlash va tadbirkorlik tashabbuslarini qo‘llab-quvvatlash maqsadida Toshkent shahrining har bir tumaniga Yangi Toshkent hududidan 100 gektardan yer maydoni biriktirildi.

Xorijiy investorlar va yirik kompaniyalar bilan hamkorlik kengaytiriladi. Vazirlarga xorijiy hamkorlar hamda yirik kompaniyalar bilan o‘tkaziladigan har bir uchrashuvda Yangi Toshkentning imkoniyatlarini taqdim etish va ularni qo‘shma investitsiya loyihalariga jalb qilish vazifasi yuklatildi.

🛫Telegram 🔗 LIVE 📞 Facebook 📺 Youtube 📷 Instagram ❌X.com

#Toshkent_harbiy_okrugi

🔷Toshkent garnizonidagi harbiy qism muddatli harbiy xizmatchilari ishtirokida “Tilga e’tibor — elga e’tibor” mavzusida diktant tashkil etildi.

Diktantdan ko‘zlangan asosiy maqsad — harbiy xizmatchilarning savodxonligini oshirish, davlat tiliga hurmat va e’tiborini kuchaytirish, imlo qoidalariga rioya qilish ko‘nikmalarini mustahkamlashdan iborat.

Tadbir davomida askarlar o‘z bilimlarini sinovdan o‘tkazib, ona tilining boyligi va go‘zalligini yanada chuqurroq angladilar.

Savodxonlik — yuksak madaniyat, davlat tiliga hurmat esa Vatanga hurmatdir!

Yangiliklarni kuzatib boring:
➡️ Telegram

⚡️⚡️⚡️Toshkent harbiy okrugi harbiy qismlaridan birida muddatli harbiy xizmatchilar ishtirokida davlat tiliga hurmat va e’tiborni yuksaltirish, yozma savodxonlikni oshirish maqsadida “Tilga e’tibor — elga e’tibor” mavzusida diktant tashkil etildi.

Diktant jarayonida harbiy xizmatchilar o‘z bilim va ko‘nikmalarini sinovdan o‘tkazib, savodxonlik darajalarini namoyon etdi. Shuningdek, topshiriqlar orqali so‘zlarni to‘g‘ri yozish, fikrni yozma ravishda aniq va ravon ifodalash hamda adabiy til me’yorlariga amal qilishga alohida e’tibor qaratildi.

Ta’kidlash joizki, ona tili — milliy o‘zlik, ma’naviyat va qadriyatlarimizning muhim timsolidir. Shu bois davlat tiliga hurmat bilan munosabatda bo‘lish, uning sofligini asrash va kundalik faoliyatda imlo qoidalariga rioya qilish har bir fuqaroning muhim vazifalaridan biridir.

Harbiy qismlarda bu kabi ma’naviy-ma’rifiy tadbirlarning o‘tkazilishi muddatli harbiy xizmatchilarning nafaqat savodxonligini oshirish, balki ularda milliy qadriyatlarga sadoqat, yuksak nutq madaniyati va ona tiliga ehtirom tuyg‘ularini mustahkamlashga ham xizmat qiladi.

👉@mudofaalive

#Toshkent_harbiy_okrugi

🔷Toshkent harbiy okrugida harbiy xizmatchilar o‘rtasida kibersportga bo‘lgan qiziqishni oshirishga qaratilgan “Harbiy okrug qo‘shinlari Qo‘mondoni kubogi” kibersport musobaqasi ko’tarinki ruhda o’tkazildi.

Bahslar davomida jamoaviy bellashuvlar ishtirokchilardan o‘zaro hamjihatlik, aniq reja asosida harakat qilish va umumiy maqsad yo‘lida birlashishni talab etadi. Bu esa harbiy xizmatchilarning nafaqat kibersportdagi, balki kundalik hayotdagi ko‘nikmalarini ham rivojlantirishga yordam beradi.

Qizg‘in va murosasiz kechgan musobaqa hakamlar hay’ati tomonidan nazorat qilindi. Ishtirokchilarning natijalari belgilangan mezonlar asosida baholanib, o’yin davomida jamoaviy hamkorlik, strategik fikrlash, faollik va tezkor qaror qabul qilish kabi jihatlarga alohida e’tibor qaratildi.

Go’lib jamoalarga Toshkent harbiy okrug qo’mondonligi tomonidan faxriy yorliq va qimmatbaho sovg’alar topshirildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Ohangaron shahridagi 6-sonli umumta’lim maktabida shahar va tuman umumta’lim maktablarining “Vatan tayanchi” harakati otryadlari a’zolarining tantanali va’da berish marosimi bo‘lib o‘tdi.

Vatanparvarlik, milliy g‘urur va yurt taqdiriga daxldorlik tuyg‘ularini o‘zida mujassam etgan mazkur tadbir yosh avlodni ona Vatanga sadoqat, yuksak ma’naviyat, qat’iyat va mas’uliyat ruhida tarbiyalashga qaratilgani bilan ahamiyatlidir. Tadbir davomida “Vatan tayanchi” harakati a’zolariga harakatning emblemalari va guvohnomalari tantanali ravishda topshirildi.

Yangiliklarni kuzatib boring:
➡️ Telegram