#Toshkent_harbiy_okrugi

🔷Angren garnizonida joylashgan harbiy qismda Ohangaron tumanidagi 6-sonli umumiy o’rta ta’lim maktabida tashkil etilgan “Jasorat sinfi” o’quvchilari o‘rtasida kibersportga bo‘lgan qiziqishni oshirish, ularning zamonaviy axborot texnologiyalaridan samarali foydalanish ko‘nikmalarini rivojlantirish hamda jamoaviy hamkorlikni mustahkamlash maqsadida kibersport musobaqasi tashkil etildi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Angren umum-qo‘shin tog‘ poligonida “Men g‘olib” shiori ostida o‘tkazilgan
“Eng ilg‘or muhandis sapyorlar guruhi” ko‘rik-tanlovining Mudofaa vazirligi bosqichida faxirliy birinchi o‘rinni egallagan Toshkent harbiy okrugi jamoasi harbiy qism qo‘mondonligi tomonidan munosib taqdirlandi va esdalik sovg‘alari topshirildi.

Yangiliklarni kuzatib boring:
➡️ Telegram

⚡️⚡️⚡️Angren garnizonidagi harbiy qismda yosh kitobxonlar o‘rtasida ma’rifiy davra suhbati bo‘lib o‘tdi. Tadbirda harbiy xizmatchilar bilan birga kitobsevar yoshlar ham ishtirok etdi.

Muloqot chog‘ida qadimiy diyorimizdan yetishib chiqqan buyuk alloma, adib va mutafakkirlarning boy ma’naviy merosi haqida so‘z yuritildi. Qayd etilganidek, ajdodlarimiz umumbashariy sivilizatsiya, madaniyat hamda dunyoviy va diniy ilm-fan taraqqiyotiga beqiyos hissa qo‘shgan. Ularning nodir asarlarini asrab-avaylash va kelgusi avlodlarga yetkazish bugungi kunning dolzarb vazifalaridan biri ekani alohida ta’kidlandi.

Shuningdek, bobokalonlarimizning ibratli hayot yo‘li va ijtimoiy faoliyatini chuqur o‘rganish hamda keng targ‘ib etish masalalariga e’tibor qaratildi.

Tadbir yakunida ishtirokchilar kitobxonlik madaniyatini yanada ommalashtirish, mutolaani kundalik hayotning ajralmas qismiga aylantirish bo‘yicha o‘z fikr-mulohazalari bilan o‘rtoqlashdi.

👉@mudofaalive

#Toshkent_harbiy_okrugi

🔷Chirchiq shahrida joylashgan harbiy qism harbiy xizmatchilar va ularning oila a’zolari uchun ma’naviy qadriyatlarni yuksaltirish, milliy an’ana va urf-odatlarimizga hurmat ruhini mustahkamlash maqsadida Zangiota ziyoratgohiga tashrif tashkil etildi.

Ziyorat davomida ishtirokchilar yurtimizning boy tarixiy va ma’naviy merosi, buyuk ajdodlarimizning hayoti hamda ibratli faoliyati haqida ma’lumotlarga ega bo‘ldilar. Muqaddas qadamjoda amalga oshirilgan ziyorat ishtirokchilarda chuqur taassurot qoldirib, milliy va diniy qadriyatlarimizga bo‘lgan hurmatni yanada mustahkamlashga xizmat qildi.

Tadbir davomida oila muqaddasligi, o‘zaro mehr-oqibat, hamjihatlik va insoniylik kabi ezgu fazilatlarning ahamiyatiga alohida e’tibor qaratildi. Harbiy xizmatchilarning oila a’zolari bilan birgalikda ishtirok etgani esa jamoada do‘stona muhitni mustahkamlash, o‘zaro hamjihatlikni rivojlantirish va oilaviy qadriyatlarni e’zozlashda muhim ahamiyat kasb etdi.

Yangiliklarni kuzatib boring:
➡️ Telegram

#Toshkent_harbiy_okrugi

🔷Angren garnizonida joylashgan harbiy qismda “Ruhiy barqarorlik — jangovar g’alabaning kafolati” shiori ostida Jasorat maktabi o‘quvchilari ishtirokida psixologik trening tashkil etildi.

Trening davomida ruhiy tayyorgarlikning inson hayotidagi, ayniqsa, harbiy faoliyatdagi ahamiyati haqida tushunchalar berildi. O‘quvchilarga har qanday murakkab vaziyatda o‘ziga bo‘lgan ishonchni saqlash, qo‘rquv va hayajonni boshqarish, sabr-toqatli bo‘lish hamda jamoa bilan hamjihatlikda harakat qilishning muhim jihatlari tushuntirildi.

Trening yakunida o‘quvchilar ruhiy tayyorgarlik va o‘zini boshqarish borasida zarur bilim hamda amaliy ko‘nikmalarga ega bo‘ldilar.

Bunday psixologik mashg‘ulotlar Jasorat maktabi o‘quvchilarini har tomonlama yetuk, irodali, intizomli va Vatan himoyasiga tayyor yoshlar etib tarbiyalashga xizmat qiladi.

Yangiliklarni kuzatib boring:
➡️ Telegram